:: مشاهــد مضحكـــه ::

[جبـال القهـر]

[align=center]:: مشاهــد مضحكـــه ::


السلام عليكم

كيفكم ياحبايب يا حلوين يا احلى عصافير الخليج
الموضوع كله سوالف وقصص حصلت وحقيقيه..!!
يالله اربطو الاحزمه ...!!

بسم الله


يسولفـلي واحد من الشباب يقولي الله يطولي بعماركم يقول
في يوم رحنا نصلي صلاة العشاء دخلنا المسجد
على إقامة الصلاة وطبعا كالعادة يلتفت الأمام
قبل إقامة الصلاة يمين ويسار ويقول استقيموا
اعتدلوا تراصوا قام التفت لسوداني متقدم من
الصف الأمامي شوي قام الأمام اشر له بيده
( انه يتأخر شوي )
مع مساواة الصف تأخر صاحبنا شوي رد
مره ثانية التفت له الإمام واشر له في يده انه
يقدم شوي وعينك ما تشوف الا النور بعدها عصب
صاحبنا وفجر القنبله وقــــــال
( ياخي أنت داير تصلي فينا وإلا داير تشووت فاول )
طبعا الصلاة تأخرت 5 دقايق تعرفون ليش لان
المصلين كلهم طاحوا من الضحــــــــــك
7
7
7
مرايــــــــة
يوم من الأيام جتنا جدتي عندنا وفي واجه صالتنا
مرآيه كبيرة دخلت جدتي الصالة وهي واقفه
تحسب صورتها في المرآيه وحده ثانيه قامت تبي
تحب وجهها في المرايه وتصدم فيها وتكسرها
7
7
7
غبــــــــــاء
بقولكم سالفة صايره
والله صدق مع واحد من الشباب هذا الأخ روحه
ابوه محل أدوات صحيه عشان يشتري فلتر اللي
يصفي المويه المهم قاله روح
واشتر واحد نفس هذا
( وطبعاً الفلتر هذا أصفر لأنه قديم ووسخ )
المهم راح للمحل ويدور
فلتر نفس اللي قاله أبوه يجيبه مالقاه واتصل
على ابوه تيلفون واهو بالمحل وقاله يبه
مالقيت فلتر اصفر كل اللي لقيتهم لونها أبيض
شرايكم بالغباء هذا الظاهر أهو من سلالة جحا
7
7
7
خبير إنجليزي
بسولفلكم عن موقف لواحد من الشباب مسوي فيها فاهم
في الإنجليزي
المهم صاحبنا الفلته تهور واشترى كمبيوتر (جديد)
في اليوم الثاني وهو في القاعه أخبر المدرس انه
شرى كمبيوتر
عاد قام المدرس سأله بالإنجليزي هل شريته جديد ؟
صاحبنا جاوب وقال & لا
سأله المدرس مره أخرى هل هو مستعمل ؟
صاحبنا قال لا0
طبعا المدرس الإنجليزي احتار لاهو
جديد ولا مستعمل 0 رجع وقاله اجل وشهو 0 توقعوا
صاحبنا الفلته
في الإنجليزي وش قال 00 قال للمدرس أسم الشركة
اللي شرى منها ; الكمبيوتر0 طبعا صاحبنا
الفاهم في اللغة يفكر المدرس يسأل عن أسم
الشركه00 ( طبعا الموقف هذا كان كله بالإنجليزي )ـ
7
7
7
صلاة في الخط
كان ثلاثة من الشباب مسافرين على أحد الخطوط وكان الخط
زحمه بشكل غير طبيعي واغلبه من الشحنات ..المهم
وقفنا عشان نصلي ; وخلينا واحد من الشباب أمام
ولما انتهت الصلاة الأمام شاف
الأرض حلوه وكلها رمله ..
وبعد ما سلم تشقلب على قدام علشان يواجهنا
وكانت المفاجأة ن وراه صفين
من المصلين ماسمعهم لما وقفوا من إزعاج الشاحنات
تبطحونا من الضحك وبعض المصلين عاد صلاته
لنه شك بعقله ... وهو طبعا طاااح وجهه ....
7
7
7
ملقوووووفه
هذا الموقف حصل
لواحد من الشباب يقول القصة وما فيها .. هذي
شغالتنا الله يجبر في خاطرها

ملقوفة مررره وتحب

تستعمل أي شيء ما خلت أشياء أخواتي كل ما شافت
دهان عود

قامت ودهنت به .. وكل ما

شافت عطر تعطرت به .. حتى بخاخ مزيل الشحنات
الكهربائية

فض فاض راحت تبخ في

خلقينها وجسمها تحسبه عطر .. علتنا الله يعلها

وفي مره من

المراررريرات دخلت غرفتي وشافت مزيل الشعر ( نير) طبعاً

عصار .. هالمره

خذته تحسبه دهان للوجه راحت وخبصت وجهها كله
وبعد فتره

راحت وغسلت وجهها ويوم

شافته في المرايه خافت من شكلها .. ههههه عاد طلعت

علينا في الصاله وهي تقول : ـ

ماما .. ماما شعر روح ما فيه شعر .. ويوم شفنا الوجه

بدون حواجب ولا رموش كل إخواني وأخواتي تبطحوا من الضحك عليها
ههههههههه انا
قمت ازحف في الصاله وماسك

بطني لا ينفجر ضحك .. المصران الأعور طلع وجلس
يخبط في الجدران وهو يضحك ..

والدموع تخرخر تقول ناطلين مسيل الدموع علينا
عاد تخيلوا وجه مستطيل

ابيضاني ما فيه ولا شعرة املط ههههههه
وتعابير الوجه

خوف مع واحد ما يدري وش يسوي (( اه يا بطني ))
بصراحة كلما تذكرت
السالفة قمت

افطس ضحك .. جلسنا على
هذا الحال أسبوعين ضحك كلما تذكرنا السالفة
7
7
7
باليلة الدخله
قصه واقعيه حصلت في ليلة الدخله
شاب راح يخطب وحده وتمت الموافقة على
الخطبة ومن ثم الزواج المهم هو وش اللي صار
ليلة الدخلة بعد ما دخل صاحبنا شقته مع زوجته
وإذا بجواله يدق ويقوم خوينا
يرد على الجوال ويدور الحوار التالي :
الزوج : ألووووو.
المتصل : السلام عليكم ورحمة الله وبركاته .
كيف حالك يا ( فلان) و ألف ألف مبروك
الزوج : وعليكم السلام وينكم يا أنذال
ماحضرتوا الزواج يا تعبانين.
المتصل : والله تعطلت علينا السيارة في الخط
وحنا جايين عندكم ووصلنا وسألنا
عنك قالوا انك رحت مع المدام.وذلحين حنا
راجعين الديره (( طبعاً الديرة تبعد حوالي 300كم ))ـ
الزوج : المهم تعشيتوا
المتصل : لا والله
الزوج : كم عددكم؟
المتصل : عشرة
الزوج : أقولك ( علي الطلاق عشاكم الليلة عندي )
قل تم
المتصل : يا ابن الحلال (غيير بدل)ـ
الزوج : يالله أنا أنتظركم مع السلامه
وقفل الخط
الزوجه المسكينه ميهي مصدقه اللي سواه زوجها
ليلة الدخلة ثم قال يا فلانه
أنا رايح السوق وراجع. <===
((على بالها بيجيب عشاء جاهز))
بعد ربع ساعه رجع الزوج ومعه أغراض العشاء .
قالت الزوجه وش ذا . قال الله يسلمك قومي سوي
العشاء لزملائي في العمل جايين من بعيد ولا تعشوا .
في أثناء الحوار. وإن الباب يدق .
قال هم ذولا وصلوا يالله همه يأمره. وراح عند ربعه يقهويهم
المهم المسكينه في المطبخ تقطع البصل و
الطماط بفستان الزفاف وعيونها تدمع وتقول في نفسها
( بكره بأرجع عند أهلي من الفجر وأطلب الطلاق)
المسكينه سوت العشاء
وتعشوا وراحوا لديرتهم
المسكينة متضايقة
و المفاجأه ؟؟؟؟؟؟؟؟؟؟
إن زوجها يدخل عليها ويرمي لها بــ(50000) خمسين
ألف ريال قال هذا حقك قالت
وشوا حقه قال الرهان اللي بيني وبين زملائي
العشرة على كل واحد(5000) بأنك تطبخين ليلة
الدخلة وش يكون ردة فعلك يا موافقه ولا لا
وأنتي من كسب الرهان وتمت
ليلتهم على خير و أصبحا أسعد زوجين
ملاااااااااااااااااااااااحظه
على كل بنت قرأت القصة عدم أخذها بالاعتبار
أخاف تصدق عمرها ويصير لها الموقف يوم زوجها
وتنبسط تحسب زوجها بيدخل عليها بخمسين ألف
مثل ماصار ترا
هذي حاله نادرة
مفهوم..!!

***

وهذي كل الحكايه
أتمنى تعجبكم السوالف
والمشاهد المضحكه
والله يحيكم ثاني مره
والعشاء الجاي عليكم
وخلونا نشوفكم مره ثانيه
الله الله
بالتعليق
مع اني عارف ما احد راح يعلق
7
7
منقووول
تقبلو فائق أحترامي[/align]

[ضامي الود]

[align=center]هههههههههههههههههههههههههه

حلوة جبال القهر

جعلك ماتشف القهر بحياتك طال عمرك[/align]

[الــ ـجـ ـازي]

[glow=0000FF][align=center]هههههههههههههههههههههههههههههـ
هههههههههههههههههههـ
ههههههههههههههـ
ههههههههـ
ههههـ
ههـ
هـ

رووووووووووووووعه عن جد مواقف روعه[/align][/glow]

[عادل عبدالله]

[align=center]نقلة رائعة




يعطيك العافية جبال القهر


وما قصرت




ههههههههههههههههههههههههههههههههه
هههههههههههههههههههههه
هههههههههه


مقلوب [/align]

[جبـال القهـر]

هههههههههههههه
حياك الله أخوي ضاامي
والنك لا يرمز بالقهـر فيني
ولكن وصف لشي
وتقدر تقول نوع من الشموخ
يعطيك العافيه اخوي
تقبل فائق أحتــرامي

[جبـال القهـر]

[align=center]
اختي الجازي
الاروع حظورك الذي أسعدني
ودوم هالأبتسامه للجميـع
تقبلي فائق أحتراامي[/align]

[جبـال القهـر]

[align=center]
اخوي عدوول
الله يعافيك ويسعك
ومشكور على مرورك الرائع
دوم هالابتساامــه
ولك فائق أحتــرامي[/align]