|
 |
 |
 |
|
|
||||||||
 |
|
|
LinkBack | أدوات الموضوع | طرق مشاهدة الموضوع |
10-21-2004, 09:40 PM
|
رقم المشاركة : 1 | |
|
للبحرين ياشين
السلام عليكم ورحمه الله وبركاته k12
اخوتي اخواتي سادتي وسيداتي ليدز اند جنتلمن تماسيحي( وناقاتي) >=البنات , الفتيات , الحريم , اللي تبون k7 اليوم زي كل يوم زي كل يوم قبله . وش رايكم اخش بالموضوع على طول مايحتاج اتفلسف.dkhan في سنه من هالسنين وشهر من هالشهور وأسبوع من هالاسابيع وليله من هاليالي وساعة من ها لساعات قرر اخوي العزيز( من الرضاع) انه يدعس( بموتره) >=سيارته للبحرين وقرر يأخذني معه >=لزقه. المهم جهزنا العدة والعدود والقرابيع وركبنا وانيته الداج اللي مكسره مراياته الجانبية وممشخ وصاكه البرد >= قبل لا يشتري الهمر. المهم وندعس ولا درينا الا انا واصلين للجسر وعند نقطه التفتيش وقفه عسكري ابتسم العسكري لاخوي ابتسامه عريضة..... وتطلع ذيك الاسنان الملونه وفي وحده منهم قطعه بقدونس لازقه من بعد الفطور . وقال له : ابك الاستماره قاضيه ! ابحرر لك مخالفه. قال اخوي: ادري بتعلمني انت ووجهك عشان كذا مبتسم اخلص هذي الجوازات وبس خلنا ندخل . ووفقنا الله ولقينا سكن وسكنا في الدور العاشر شقه رقم (1) >=شلون تجي ؟؟.k7 وصلنا باب الشقه الا والجيران اللي قبالنا يطلعون وانا ماركزت فيهم الا يقول لي اخوي: شوفي شوفي ؟ واناظر الا ذيك القمر!! بنت سوريه تجنن . المهم دخلنا الشقه وريحنا فيها .... قهوه شاهي ... وقعدنا فيها كم يوم وفي يوم من الايام كني اشوف ( محمد) >= اخوي ماش موب فاق خشته كالعاده وقلت له وش فيك اليوم ؟ شكلك موب طبيعي ؟ قال : والله( يابرتقاله )>=يدلعني الحين. ما ادري وش اقولك. قلت له : اخلص يا رجال قل وش عندك . قال : قررت أتزوج قلت : ههههههه تتزوج ومنهي هالمقروده اللي بتاخذها ؟ قال : لا يااختي انا أتكلم جد لا تقعدين تستهبلين ( حسيت ان وجهي طاح وجلست القطه ويوم خلصت قال ) : تعرفين ابو طمزي ؟ قلت له : وش طمزيه قال : جيرانا مسويه ماتعرفينهم . اباخذ بنته. قلت : اهاا والله وعرفت تنقي يالخبيث.قال: ايه ونبيك تفزعين لي. قلت : وش تبي فلوس وما عندي وبعدين انت سدد اللي عليك اول ويصير خير. قال : وش فلوسه ! ابيك تروحين تخطبينها لي .المهم رحنا لابو طمزي ودخلنا واكرمنا وضيفنا وماقصر ابو طمزي المهم قال ابو طمزي : شو هوي الموضوع اللي بدكن تحاكوني فيه ؟ قلت : والله ياابو طمزي حنا جايينك وكلنا امل انك ما تردنا. قال: ولو شوبنا احنا جيران. قلت : صراحه احنا جايين نطلب يد بنتك نادين لاخوي محمد. قال : شـــــــو بنتي انا ؟ قلت : اقول محمد قم خلنا نطلع قبل لا يطردنا. محمد قال : ايه بنتك نادين .. وش فيك تسنك ماودك ياابو( طميزي)>=مسوي بيدلع الله يهديه. قال ابو طمزي: لا بس فاجئتني بهيك طلب ! بس وينو أبوك مااجا معك ؟ محمد: والله الوالد مسافر ولا هوب جاي الا بعد ثلاث شهور. ابو طمزي: طيب انا ماعندي مانع بس لازم ناخد رأي البنت . وراح ابو طمزي يسال بنته ومحمد مبسوووووووووووط على الاخر ويوم جا ابو طمزي وجلس وقال: محمد البنت موافئه عليك بس عندها شرط واحد اللي هوي انها تشوفك! محمد : هـه>= هذا اللي ماحسبت حسابه. بس بس وش اللي تشوفني .ابو طمزي : لا تئعد تبسبيس هادا شرطنا. محمد : طيب طيب خلاص نو بربلم >=مسوي انقلش عندهم . المهم راح لغرفه ثانيه ودخلت عليه عشان تشوفه وماش الظاهر ان نادين ماعجبها( ابو جبهه )>= محمد. وقالت له: انتا بدك تتجوزني انا ؟ روح زبط شكلك بعدين فكر فيا !:d وطلعنا بكرامتنا ورحنا للشقه وأول ماجينا من عندهم دخل محمد غرفته وصك على نفسه >= متأثر بالمسلسلات المكسيكية. عاد قلت خلني اروح أواسيه وادخل عليه في غرفته .... والقاه منبطح على السرير واقوله: ترا هذا الزواج قسمه ونصيب وهذا حال الدنيا. ومير يقوم بسرعه وياخذ مفتاح السياره وقلت له: وين بتروح ؟ قال لي: ابروح عند هذولاك اللي عندهم أشياء حلوه. قلت : وشو ملاهي. قال : لااااااا. قلت: اجل سوبر ماركت؟ قال: لا لا لا ياخبله. قلت: اجل وشو؟ قال : هذاك المحل اللي ما عندنا زيه. قلت : البحر .قال : لا لا افقع وجهك الحين. قلت : اجل مراقص ياخسيس. قال : لا انا باروح وبارجع بعد شوي. وما دريت الا وهو جاي بعد ساعه والداشر منزل صندوق معه من الوانيت الداج قلت له : وش جايب معك ؟ قال : شي احسن من الميراندا وهي بارده. قلت : وشو بايسن ؟ قال : لا الله يفتح علينا وعليك. ويفتح الكرتون !!!!!! قلت له : افاااااااا تشرب الخايس يالخايس ؟! قال : اجل وشو حنا جايين له ؟ قلت له : بس هذا( غلط)>= مسويه مؤدبه. موب حرام عليك ذا اللي تسويه يامحمد. قال : اها....... وما أمداه يخلص هالكلمه الا وهالغرشه اللي بيده مخلصه. المهم فكرت وشلون أطلعه من هالمصيبه اللي هو فيها بعد ما رفظته بنت ابو طمزي اللحجيه. وجلست أفكر ........ وتذكرت ان الليلة كان فيه حفله( لابو نوره) محمد عبده قلت بس مالك الا هي ونحظرها على الأقل نطلع ذا الخيشه من المصيبه اللي حط نفسه فيها وأروح احجز في المقاعد الأولى يعني اول كرسي ابد قبال خشه محمد عبده مره عشان ينسجم وينسى k4. المهم اشوف الرجال ماش موب في عقله وأشوى كنه خف شوي بدا عقله يرجع له ونروح ويوم جلسنا في المقعد الأول وحنا نحتري محمد عبده يجي . مادريت الا ومحمد قايم من كرسيه ورايح للمكرفون ويمسكه وقول : عائله عائله محمد ... عاااااائله محمد اللوح . يحسب نفسه في الملاهي ويضحكون العالم عليه يحسبونه صاحي وهو ( فاقد) وانقز واسحبه من المنصه وانا طايح وجهي واقوله امش لا بارك الله فيك واركبه في الوانيت الداج قلت مابدهاش خلاص بنرجع الديره لاني يأست ويوم وصلنا للشقه الا ذاك الشرطي اللي يحترينا. قال : كرت الغرفه لو سمحتي؟.. واجي باطلعه ويمسك محمد يدي ويقول لي : والله ماتحاااااسبين. واقول له: وخر يالشين انت وخشمك. الشرطي ما لاحظ انه سكران والحمد الله اليوم الثاني رجعنا للديره سالمين وحرمت اطلع معه ثانيه ...........تحياتي اختكم: رنووش. k12 |
|
    
|
|
10-21-2004, 11:01 PM
|
رقم المشاركة : 2 | |
|
|
هههههههههههههههههههههههههه
ههههههههههههههههههههههه ههههههههههههههههههه ههههههههههههههه رنووش خصوصا ان هذي اول مشاركه ولك ومشاركه حلوه ونتمنى المزيد اخوك سواق اللوري |
|
|
|
|
10-26-2004, 02:41 AM
|
رقم المشاركة : 6 | |
|
رنوش موضوع رهييب
هههههههههههههههههههههههههههههه ههههههههههههههههههههههههههههه ههههههههههههههههههههههههههههه والله حاله رنوش والله انك زاحفه اقول وربي انك تحفه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
