طاوله التنس وصلعة ابوي

[رنووش]

مره اشترى ابوي الله يخليه لنا تنس طاولة ،قال هذا التنس وابن أمه أشوفه في الشارع ،( طبعا الكلام لاخواني موب انا)
قلنا اوكي ( انا قاطه وجهي)، المهم كنا عائلة حلوه حبيبه مع بعضها البعض يجتمعون اخواني كل يوم جمعه عشان ابوي يكون فاضي ( مالكم بالطويله )
اجتمعوا هناك اليوم اول ما اشترينا الطاوله وش صار ؟..................
امي الله يستر عليها اخذت الطاولة وجابت المكوى
قالت امي للشغاله شوفي هاذي طاولة كوي للملابس،
لا عاد تكوين على الجدار هههههههههههههه
جمعوا المساند حقت المجلس وجلسوا يلعبون مثل البزارين الأبرياء ،( اخوي الكبير واخوي اللي اصغر منه)
وأبوي ماسك الزقاره ويناظر التلفزيون أذن العشــاء
(الصلاة ياعيال)...................!
صوت امي جايه من الصاله بس ابوي موجود يعني مافيه امل تسوي لاخواني شي
المهم فاز اخوي الصغير على اللي اكبر منه
انقهر الكبير شعلل طفش يقولون له قم صل يقول مانيب قم توض مانيب قم مت مانيب ،
طلع ابوي يصلي وطلع اخوي الصغير معه علشان ما يضربه ،
تعرفون صغير ويفوز مال امها داعي فشيله بالنسبه لهم في الحاره هههههههههههههه
ويطلع وبيده المضرب حق التنس فاكين منها السفنج تعرفونها اكيد،
المضراب طالع كنه صلعة مصري ،
ويطلع من دريشة المجلس وابوي واخوي في الشارع ، وهو من فوق يوايق عليهم ( يناضرهم )،
واخوي يناظر فيه ويضحك والشايب مايدري وش السالفه ..!!؟
ويحلت (يرمي) المضراب بأقوى ماعنده ،
على فكره الشايب اصلع مسمين راسه (المطار القديم( هههههههههه
>== عيب يابنت
الله يستر لا يخربها ابوي ويخش هنياا يشوف الكلام ، خخخخخخ
المهم وبأقوى ماعنده وتجي في راس الشايب وتجي حادة المضراب في النص الأول من الصلعه ،
وتنتفخ زي افلام الكرتون ويطلع للشايب صعرور قلت انا لو تركب لمبه حمراء صار برج جوال ،ياووووووووويله وش السالفة واسمع اخوي يقول يلعن ام الغبنه ( النكبه )ياولد شوي يبي ينخش ( يتوزا) ماقدر،
يبي يقفل الدريشه ماقدر شوي قعدت اضحك عليه وهو شوي ضحك وشوي بكى ارتبك ،
واوووووو تغيرت الحواس ..........!وقف وجهه ( اعتقد ان موقع خشمه في خارطه وجهه سبب مؤثر)
المهم ويطلع ،ويتوضا ويصلي في المسجد وبعد الصلاه جلس يحتريهم ( ابوي واخوي الصغير )
شافهم في الشارع
ومشى معهم للبيت الشايب لابس طاقيه شخال (على قولتكم ) علشان الصلعه تتنفس خخخخخخخخخخ
قال اخوي سلامات قال على ايش؟؟ بهالكلمة بغى يجيب العيد دلخ عوايده (اقول انا طالعه على مين )
قال لا وش فيك لابس الطاقية بالمقلوب ( يصرف )
عاد قام يضحك صرفها قال ابوي انزلع بس لو فيك خير ماتشوف ابوك ينطق وانت تناظر ...
قال افااااا ليه؟؟ قال واحد من الجيران رام(ن) علي بلكه، امشششششششششش (كبرهاااااا)
وش دعوه يالحبيب والله لو إن راسك خزنه الحين خخخخخخخخخخ
قال ماعليك يرجال مهما كان الرسول عليه السلام وصى على سابع جار ( اخوي مسوي انه مطوع)
والسموحه يابوي ترا أنت إنسان فيك خير ، استانس الشايب ونسى هههههههههههه
عاد مشت على الشايب الله يخليه ،
بعدين جاني اخوي وقال لي كل اللي صار له وانا ماصدقت على الله وجيت اكتبها لكم
ترا موب انا هذي وحده من صديقاتي قالت لي ........... ( صرفي .. صرفي)
عطونا سواليفكم ، ولحد يستحي ،
ترا البزر ماتطلع فضايحه الا اذا حلق موس هههههههههههه ( صح ولا لا ؟ )
تحياتي لكم : رنووش

[أمير رومانسي]

[align=center][align=right]هههههههههههههه
هههههههههههههههههه
هههههههههههههههه
رنووش
موتيني ضحك يالغاليه
الله عليك على هذا الابداع
سلمت اناملك الرقيقة التي خطت هذه الصرقعه الحلوه
ههههههه[/align][/align]

[&الحربي&]

[align=center]يسلموووووو

ههههههههه

وتمووووت من الضحك الله يعطيك العافيه

رنووش[/align]

[هاجـــــــر]

ههههههههههههههههههههههههههههههههههاي



الله يرجج رنووووووووووش

عايله ولا اروع والله

<<< ودها تلعب معاكم تنس ههه


تقبلى تحياتى ياعيونى

[رنووش]

يصلمووووووو (امير رومانسي_الحربي_هاجوووري )
هاجر حياك الله تعالي ههههههههههههه t3ale
يسلمووو مره ثانيه على المرور
تحياتي اختكم: رنووشk12

[!!عذب الكلام!!]

رنووش



احلي بطولة تنس بالعالم



يسلموووووووووو

[مملـgggggح]

[align=center]

هههه
هههههههههههه
ههههههههههههههههههههههه
ههههههههههههههههههههههههههههههههههه
ههههههههههههههههههههههه
هههههههههههه
ههههه


الله يرجك يا الزاحفه ههههههههه اما صلعة ابوك هههههههه ياليته يدري فيك

موضوع زاحف ههههههههههههههههه

يعطيك العافيه رنوووش [/align]

[الجمـــــــــال]

[align=center] يا زيينج و يا زين سواليفج البنت هذي زاحفة k4

تراني حبيتج k4

ملاحظه :
يا بنت يا مال الحوووووول الموضوع الي طاف راده علي علي أني رجال k10

اقول بس يا مال الحوووول أنا مثلج بس بدون زحف k4[/align]