((( الــهــوى والــنــور )))

[تقوى الهجر]

[align=center]أخوي عاشق الغموض

أحيك على هذي القصيده الرائع
من شاعر وفنان وملحن ادهشني باحساسه وكل مايحمله من ذوق
وانا من أشد المعجبين بالفنان ابو نايف
نجم النجوم ومخاوي الليل وتاج الاغنيه العربيه وملك الفن
وملك قلبي

وصح لسان مخاوي الليل
ولسانك يالغالي
ولك مني كل الحب والتقدير ياعاشق

أخوك تقوى الهجر [/align]

[عاشق الغموض]

مرحبا الجميع

اقدم لكم هذه القصيده وهي للشاعر (( مخاوي الليل )) اتمنى ان تنال على اعجابكم0




جـمـيـلـه الـصـدفـه اللـي جـابـتـك حـي الـهـوى والـنـور

... عـلـيك اجـمـل مساء مـسـيـت عـطـنـي مـنـه قـنـطـاره

أحيي فـيـك ذكـرك قـبـل شـوفـك والـنـبـا مـغـمـور

... وأحيي فـيـك عـطـرك واسـمـك اللـي مـالـي داره

أنـا مـن مـات حـي لا طـعـن حـربـه ولا مـنـحــور

... صـويـب الـعـيـن مـايـبـرى غـدى قـلـبـي لك الـشـاره

بـغـيـت امـشـي واحـس انـه غـدا مـنـي الـقـدم مـبـتـور

... بـغـيـت آقـف واشـوف عـظـام كـل الـجـسـم مـنـهـاره

أنـا مـن خـانـتـه عـبـرة فـرح وإلا ضـحـك مـسـرور

... يـضـيـق إبـه الـنـفـس ودّه يـقـول مـن الـحـكـي خـيـاره

أشـيـل غـنـاي لك عـرضـه وأبـدل به عـلـى الـمـجـرور

... وأمـول مـن طـورايـقـي عـلـى عـشـاق سـمّـاره

أبـكـتـب مـن قـصـيـد الـوزن وغـيـره مـن شـعـر مـنـثـور

... أنـا لك شـاعـر يـكـتـب وشـعـره نـقـوة افـكـاره

ألا يـاغـايـب عـنـي مـعـي حـاضـر كـمـا الـدسـتـور

... خـيـالك مـايـفـارقـنـي بـفـكـري دق مـسـمـاره

إلا مـن ضـقـت أسـولـف بـك عـلـى نـفـسـي وانا مقهور

... واقـول الـوقـت مـايـعـطـي عـلـى مـاريـد واخـتـاره

عـلـيـك اقـبـل ومـنـك اقـفـي ولا بـيـنـت لك مـحـضـور !!؟

... أخـاف عـيـون بـعـض الـخـلق تـرقـبـنـا وسـبّـاره

وجـدك الله يـاحـسـن كـمـا الـتـحـفـه وانـا جـمـهـور

... أنـا الـمـبـهـور فـي حـسـنـك وانا من خطفت ابصاره

ومـنـك الـعـيـن تـامـرنـي وانـا لك طـايـع مـامـور

... عـلـى وصـلك غـدا حـظـي هوين وقـصّـرت اشباره

أشـوف أن الـحـسـن عـقـبـك ولـو يـذكـر غـدا مـكـبـور

... يـقـال إنـه حـسـن والا انـت كل الزيـن وإبـهـاره

ألا يـابـو عـيـون حـق وبـعـض الوصـف خـرس حـور

...علـيـك الـصـوت مـاهـو صـوت كـمـا تـرنـيـم قـيـثـاره

بـقـا قـصـرك عـلـى فـالكك عـسـاه بـطـلـتـك مـعـمـور

... تـمـشـي بـردهـتـه حـافـي وتـحـيـا عـقـبـك أزهور

بـريـح الـمـسـك والـعـنـبـر يـخـالـطـهـم زراق بـخـور

...إلى اقـبـلـت جـا قـبـلك والى اقـفـيـتـه غـدى إسـتـاره

عـلـى هـالـبـوح والـتـلـمـيـح راس الـمـال صـدق شـعـور

... وصـدقـنـي تـرى فـكـري عـقـب طـيـفـك مـاحد زاره

أنـا بـسـألك تـعـذرني عـسـاي بـطـلـبـتـي مـعـذور

... أشـوف الـوقـت مـايـعـطـي ولا فـالـنـاس عـذاره

أبـارسـل لك مـع الـنـسـمـه سـلام الـخـافـق الـمـكـسـور

... عـسـى يـجـبـر عـزاه إنـك تـجـيـه وتـنـطـفـي نـاره

ذكـرت الـيـوم والـسـاعـه ورحـلـة عـمـر يـامـسـتـور

... ذكـرت الله فـي خـلـقـك خـلـق هـالزين واسـراره

أعـرف اني مـنـاب أول ولا آخـر واحــد مـأســــور

... واجـمـل مـامـلـكـتـه مـنـه طـيـف دام تـذكـاره

ألا يـالـيـت لـي قـلـب يـطـيـع الـراي وأهـل الـشـور

... ضـحـيـة مـوقـف عـابـر ورحـلـة سـفـر طـيـاره

مـقـاعـدنـا بـآخـر صـف ومـقـعـد سـيـدي مـشـغــور

... عـلـى يـسـراي كـان هـنـاك أشـوف أطـبـاع جـبـاره

أشـوفـه كـل هـالـفـتـنـه ثـقـل عـقـل وسـلوك إطـهـور

... حـصـيـن مـحـصـن شـامـخ يـبـيـن كـبـر مـقـداره

واشـوفـه ديـمـة تـحـمـي نـبـات الارض بـالـمـمـطـــور

... بـغـيـث يـوم أشـاهـدهـا جـرفـنـي فـيـه تـيـاره

ذهـلـنـي مـبـرم الـعـاتـق وشـلال الـشـعـر مـوفـور

... وذاك الـمـبـسـم الـوردي بـلـون الـزهـر قـطـاره

وقـد اطرق هـايـف رشـيـق وخـاصـر مـضـمــــور

... قـوام اعـتـدل طـولـه يـثـيـر إقـلـوب جـبـاره

أغـنـي واغـتـنـي بـذكـره ولا أطـمـع كـود بـالـمـيـسـور

... وعـودي كـم شـكـى مـنـي بـعـزفـي تـبـكـي أوتـاره

أعـرف الـنـفـس تـواقـه واعـرف أنـي مـنـا مـسـحــور

... ولـكـن سـحـر زيـنـه صـار يـاخـلـق الله إشـعـاره

أنـا واللـيـل والـهـاجـس قـطـعـنـا بـالـخـيـال بـحـــور

... أبـي مـنـهـو يـوصـلـنـي ومـن يـعـطـيـنـي أخـبـاره

==========================


وسلامتكم

[تقوى الهجر]

[align=center]أنا وضعت ردي
واستغربت انه طلع قبل الموضوع
وش الحكايه

؟
؟
؟
؟
؟[/align]

السلام عليكم ورحمة الله وبركاته

صح السانك وبيض الله وجهك اخوي

ولايهمك

[عاشق الغموض]

[align=center]تقوى الهجر



الله يعافيك اخوي

مشكور على المرور


بالنسبه لردك اللي صار فوق مشاركتي هذا اللي محيرني





][Mohammed][



وعليكم السلام ورحمة الله وبركاته


صــح بـدنــك


يشرفني مرورك العطر


دمت بخير[/align]

[نـ الصباياـــور]

لاهنت على هالنقله اخوي


اختيار يدل على ذوقك


اماااا الرد الي طلع فوق وش جاااابه والله انه ضحكني كنت احسبه تقوى الهجر مسوي مقدمه لك

[عاشق الغموض]

[align=center]نـ الصباياـــور


هلابك والله


مشكوره على المرور



بالنسبه للرد اللي فوق شكلها أول مره تحدث في المنتديات



دمتي بخير[/align]