قصه العروسه على طريق القصيم

[كتلوج]

عندي قصتن سمعتها في مجلس مع الرجال وجازت لي
قلت بقولها لكم هي فيها من الطرافه شوي
منيب مسوي زحمه المقدمات بدش بالسالفه دغري

هذا واحدن توه معرس وخلصت الزفه وهالأمور اللي في القصر اخينا في الله شقل حرمته وطمرو في السياره ودعس للقصيم يعني اهل العروسه في الرياض وهو ساكنن بالقصيم.

والبنيه تستحي ومبرطمه طول الطريق الرجال يسولف وهي ساكته. الرجال يئس من البنت انها تحكي قال يا ولد مابدهاشي شغلها مسجل وامسك الخط.. في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم.

عاد هي طمرت على المرتبه الي ورا عشان تنسدح عشان يخف عليها الوجع قالك توفر وقت الين يوصلون محطه. المهم الرجال ما وعى الا هذيك محطه ويصفط عندها وينزل عند البقاله وياخذ له كيس فصفص وكم من ببسي حق الطريق. هو كان وده ياخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم.

البنت على نزلة زوجها الا وتقز هذيك الحمامات حقت الحريم الي عند المسجد الي جنب البقاله. قالت ياوبنت بيمديني اطمر وخلص وارجع قبل لا يرجع هو من البقاله. المهم المسكينه راحت واخذت وقتها!!
اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السياره
وشغل الموتر ودعس.

البنيه المسكينه طلعت وهي مرتاحه انو نقص من وزنها كم من كيلووووو وتناظر يا بنت وين السياره وتتلفت ما تشوف غير ابو هندل حق المحطه وابو يمن حق البقاله. عاد تخيلو الصدمه يوم عرفت انو زوجها دق سلف ومشى والبنت المسكينه حتى في نفسها مهيب راضيه تصدق انو مشى.. جالسه تأمل انه يمكن راح منى ولا منى وبيرجع.

شوي ما وعت الا هذاك الجمس الي مقبل يوم وقفو عند البقاله الي جنبها وتقز الحريم الي في الجمس قالت زين عائله وتروح وترمي روحها على الحرمه الي قدام وهي ام العيله وتقول لها خالتي انا داخله عليس وهذي قصتي. والعجوز مسكت راسها وقالت يابنيتي انتي تعرفين سيارة زوجس قالت ايه اعرفها. قالت قومي اطمري نلحق على زوجس
ويعبون بنزين ويدعسون وراه.

واخينا في الله مريح وماشي بعد ما لقوه في الخط على بعد نص ساعه.
عاد تخيل حبيبى القارئ انك على طريق القصيم و فجأه وراك جمس يكبس بالنور بشكل مخيف يبيك توقف وش رده فعلك؟

اكيد الرجال دعسسسس قال ياولد هذولا مهابيل بيضروني ومعي عروستي. والجمس وراه داعس يحاول معه انه يوقف المهم الذهين الي يسوق الجمس عرف وش يسوي مار يولع نور الجمس الي في الداخل عشان العريس يشوف انو الي في الجمس عائله. وانتبه ومار يوقف قال وش عنده ذا؟

ونزل وهو معصب عاد من الي متوهق في هالموقف راعي الجمس يقول في نفسه وشلون اقولها له انه مرته معنا يبي يجيبها بأسلوب تدريجي عشان العريس ما ينصدم خبركم مثل هل موقف وش بيقولون عنك اهل
العروسه اخذت بنتنا وضيعتها..

ولله ان تلزق بوه السالفه طول عمره وهم العالم يتشمتون فيه
المهم راعي الجمس سلم وقال له اخوي ما تسنك مضيعن لك شي
قال له العريس لا ولله ما ضيعت شي؟ قال له تأكد..
قال وشلون قال رح طل على موترك شف في شي ناقص لك

العريس قام يوسوس حتى المشكله مرته ما جت على باله
المهم راح ودخل خشته جوى الموتر وقال يا مره في شي طاح مننا وحنى في المحطه محد رد عليه ويويق على ورا ويناظر مار تطير عيونه عمىىىىىىى وين راحت المره؟؟!!

ورجع لراعي الجمس وقال هات السالفه قال يا ولد مرتك لقيناها عند المحطه انا واهلي وقالت لنا انها نزلت للتوليت وانت مشيت ولا دريت عنها عاد العريس كل انواع النفاضات نزلت عليه تلعثم ولا قدر يحكي
المهم راعي الجمس راح وقال للعروسه يلا طسي لم زوجس شوفيه مخترع عليس!!

المهم العروسه ركبت مع زوجها في السياره وانطلق لسانه الي كان مربوط وقامت تتعذر له وتقول لا تزعل مني انا كنت مستحيه اني اقولك اني طول الخط وانا حسرانه وانت مشاءالله عليك ركبت الموتر وانطلقت

هههههههههه عاد انقلب الوضع صار العريس هو الي مبرطم
طول الطريق والعروسه الي قاعده تبربر ما بقى الا انها هي الي تسوق
عشان اخينا في الله مرتاع من الي صار

وبس هذي السالفه اتمنى النهايه تكون سلتكم
والسلام عليكم

[شين وقوي عين]

[ALIGN=CENTER]كتلوج هههههههههههههههههههههههههههههههههههههههههههههههههه هههههههههههههههههههههههههههههههههاي


اما اللي نقزت للسيت اللي ورى لووووووووووووول والحوطي اللي جنبها ماقالها وشفيك من جد راحين فيها هههههههههههههههههههاي


يسلموووو على موضوعك الروعه



وتحياتي لك [/ALIGN]

[كول]

[ALIGN=CENTER]كتلووووووووج



هاااااااااااااي بااااااااااااااااي


او شفيني نسيت بعلق اصبر وشو باي بعد انت


ايه كتلوووووج شلونك هي قل الى عندك ومش


الله يرجني


اجل الدعوه مناطر وقصمان وحوطي الله مير يرجك شلون لا تسالني



يرجك مع واحد يربع يرجك ونت متكرفع من الدرج يرجك وصادمك باص المهم


هههههههههههههههههههههه



تشااااااااااااااااااااوط



كووووووووووول على طوووووووووووول [/ALIGN]