يجي لك يوم ياسلتوح .. وتندم على ماسويت ..!!!

[مغرووووور]

[ALIGN=CENTER]يجيلك يوم ياخربيششش

ههههههههه .. اكيد بتقولون وش فيه يضحك .. هذا ياطويلين الاعمار واحد يوم جيته في خيمتهم بالنعيريه وماعنده الا خروفين و عامل يشتغل عنده ماشاف العمله السعوديه كيف شكلها خخخخخ ..

المهم بدى يضحك يوم شاف العجره اللي حاطها في زاوية الخيمه وشاف الدم عليها .. وتذكر ايام ماضيه يوم كان مكون له شلة الأنس ومجمع له كم عربجي ومسوي فيها الحين الأمم المتحده مع وجهه .. وهذا اللي ضحك اسمه سلتوح..

وسلتوح يعتبر من مؤسسي نظام العربجه الاقتصادي في السعوديه .. وهذا النظام يقوم على مبدأ واحد .. مد رجلينك على قد لحافك <<< هذا وجهي اذا كان عنده لحاف خخخ .. نرجع لسالفته او سوالفه مع العجره .. يوم شافها تذكر الايام الخوالي .. ويوم كان عنده ونيت شفر جمس والعجره حقته طبعاً مثل كثير من العرابجه تحت السيت واغاني بشير شنان تصدح وتمرح وهو يغني قبل امس وسط السوق .. قابلت لي مخلوق .. دعونا نترك المجال له .. وعلى فكره ترى يلقبونه برئيس العرابجه .. وله راتب يومي عباره عن شراب مجاني كاكولا<<< اكيد مادام انه رئيس مجلس إدارة العربجه لازم يكون له راتب معتبر خخخخخ .. يتحدث ابو زكريا بكل ألم وحرقه وعمره يتجاوز الخمسين سنه .. واول مابدى قال هذا البيت ..

الا ليت الشباب يعود يوماً .. فااحدثه ماذا فعل خربيش بالعجرتي

ايه ياسلتوح اللي مايعرفك مايثمنك وانا اخوك .. المهم تكلم وخذ راحتك ترى المكان مكانك بس ياليت تبعد هالعجره اخاف تتذكر ايام الشباب وتصفقني على راسي شوي الا انا فاطس ..

قال كح كح ماعليك ياوليدي تراني مركز مضبوط واعرف انك مغرور واخبرك يوم انك تركض في حفاضتك << احم احم ماله داعي ياسلتوح الله يقطع سوالفك ياشيخ لازم تفضحنا يعني .. قال وش بغيت الحين فيني << الرجال ماصار يثبت خخخخ .. مابي منك غير انك تعلم الأجيال القادمه في هذا الزمان كيف يتصرفون اذا واجههم واحد تقول جدار .. فخبرك يعني اولاد هاليومين مشكله كبرى ..

قال ايه والله انك صادق ياوليدي ولازم نعلم شبابنا كيف القتال <<< اقول لاتنكبنا بسالفة القتال لابكره تروح علي ترى وراي مستقبل ماهو مثلك داج وماادري وين الله قاطني .. وانا اتكلم اشوفه مسك العجره وبديت اعدل كلامي .. صحيح انها رايحه عليك وماعندك مستقبل بس هذا مايمنع انك تكون مستشار كبير في مجال الأسلحه .. واشوى انه رجع العجره لمكانها الأصلي .. والا ماشفتوني الحين اتكلم .. دخل دخله غلط وقال وش بلاك انت مع وجهك .. خلني اتكلم واعلم الشباب كيف يواجهون المواقف العصيبه اللي راح تجيهم .. قلت والله لو ماعندك هالعجره كان رفستك مع بطنك بس والله الخوف منها لاتجي على راسي تمشي خمسة الآف خخخخخ .. يالله طيب تحدث ..

ايييه يامغرووور .. كانت ايام لاتنسى .. كان عمري وقتها 15 سنه اول ماعرفت نفسي .. قلت ليه قبل الخمسطعش ماكنت تدري من انت .. قال هاهاها وهو يطالع العجره .. لا ماهو قصدي كذا بس ابي اعلمك المعاناه واعلمك بدايتي مع العربجه وكيف اسست نظام العربجه الاقتصادي في السعوديه والخليج حتى انهم يدرسون هذا النظام في الام المتحده .. قلت الله يقطع سواليفك ياشيخ .. ماهي اسمها الام اسمها الامم ..

قال ماهو مشكله اهم شي المعنى يااخي لاتدقق لاادق عنقك بالعجره .. قلت يالهعجره هذي .. قال لك الشرف يامغرور انك تموت فيها .. لانها اذبحت ناس عظمااااء .. قلت وش ينفعني اذا مت وقالوا الناس عني عظيم .. مع وجهك القديم خخخ .. قال وش تقول .. قلت امدحك ياخوك .. اصلا يكفيني اني قاعد مع احد عمالقة الجيل الحجري .. قال ايه اشوى .. وبعدين ترى هالمره اخر مره لك .. ان قاطعتني ابصكك باللي تشوفه وابقع وجهك واخليه ينقسم قسمين وابطلب لي نص دجاجة من شواية الخليج واكل في راسك .. قلت ياااااي يامتوووحششش .. يالله كمل خلاص انا حرمت .. قال .. اييه يامغرور ماتعرف معزة العجره .. قلت كيف تجي هذي .. قال يعني ان العجره عزيزه علي .. قلت اهااا تصدق كنت احسبها معزه يعني زوجه التيس خخخخخخخخخ .. قال هاهاها سواليفك حلوه وجبهتك احلى لما تجي العجره عليها .. قلت طيب كمل .. قال لها معزه بقلبي غير شكل .. يعني راحت وياي كل محل وكل مكان .. اروح يمين هي معاي .. اروح شمال هي معي .. وراح اوصي انها تدفن معاي بالقبر .. قلت اوكي اذا مت ابحطها لك وابعطرها لاتخاف .. قال ياقليل الأدب ماتستحي قول بعد عمر طويل .. قلت ياخوك انت اناني تبي تاخذ اعمار الجيل القادم .. ياخي الشباب محتاجين لأعمار موت وفكنا .. وقام القى نظره علي ونظره على العجره وقلت له لحظه ابي اجيب لك عصير وش تبي .. قال ماابي الا عصير كوكتيل وياليت معاه سندويش كباب .. قلت احلىى والله تطورتوا من عقب الفلافل وكاس مسروق وتشربون ماء من بارادت المسجد هههههههه .. ولو مارحت اجيب له كان ماكملت كلامي ..

رجعت له واشوف في عينه النوم قلت افا ياسلتوح ماهقيت تنام .. قال ماعليك نومة ذيب .. قلت ايه والله ذيب امعط .. قال الامعط انت واشكالك مع قصة شعرك تقول ركبة قرد هاهاهاهاهاهاها ..

قلت افاااا يالله كمل بس ترى الكل شاهد على كلامك وماله داعي نتزاعل على شي مايسوى .. قال الحين نتزاعل يعني والا قبل تتكلم ماقلت لك شي .. وين ماقلت لي وانت تبي تاكل براسي رز ودجاج علينا .. نسيت تهديداتك لي .. انا الحين ارتجف من الخوف اني مقابل وجهك الفيلم المرعب .. قال احمد ربك تشوف فيلم مرعب مجاني خخخخخخ .. هالسلتوح مهضووم كتييير .. قلت يالله اكل وكمل سوالفك والا ترى ماراح اطلعك بالانترنت ..

قال لا تكفى طلعني ابي اتكلم مع الشباب << تعرفون شلخت عليه جبت له جوال كاميرا وشغلته وقلت الحين انت على الهواء مباشره .. بس الثور طول عمر ثور وانتم بكرامه .. قال ايه حنا الحين بالبر على الهواء مباشره .. قلت لو ماني محتاج موضوع اكتبه كان ماتعنيت لك ميتين كيلو مع وجهك .. وش اللي خلاني اطامر بسيارتي ويمكن تكون نهايتي على يدك بالعجره هذي الأثريه .. قال ايه لك الشرف .. قلت ايه ايه ادري غثيتنا .. بتقول لك الشرف انك تموت بالعجره هذي قال ايييه وش دراك .. قلت يااخي اقرى افكارك .. قال مشاء الله عليكم يالجيل الجديد تعرفون كل شي حتى هالانترتت .. قلت له عيد ماسمعت قال الاترتت .. بعد خربتها زياده .. اسمه الانترنت ياخوك لاتفضحنا انت على الهواء وش يقولون الجيل الجديد الحين .. تبيهم يقولون الجيل القديم ماعنده سالفه وغبي ومايفهم بالاتكيت وشكله يخرع خخخخخ ..

قلت وش رايك نغير شكلك تلبس جينز وتتطور مثل الشباب .. قال تخسى وتعقب مابقى الا هي .. وش يقول عني مناحي .. ومطلق .. والجربوع .. وشباب الانس .. قلت وش عليك منهم .. قال اخاف بعدين يشيلون عضويتي من مجلس العربجه .. قلت بعد عندكم مجلس قال ايه قلت وين هذا يقام .. قال يقام كل اسبوع في عرعر .. قلت طيب ليش ماتسوونه بالراشد .. قال وشو هذا .. قلت هذا سوق كبير .. قال فيه غنم .. قلت تقدر تقول فيه .. قال اهم شي عندنا اننا نشم ريحة الغنم .. قلت ايه الغنم هذا لايكون اللي له اربع رجول ويقول ماء ويشبه القطو .. قال من شاف بنطلونك اكيد بيقول ماتعرف الخروف .. هذا يامغرور له اربعة رجول ويقول ماء ويشبه الكلب ياكلب .. قلت افاااا افااااا افاااا .. قويه قويه .. قال ايه ماتعرف الخروف وشووو ..

قلت الا قال وشو .. قلت له اربعة رجول ويقول مااااء ويشبه الحمار ياحمار .. هو مسك العجره من هنا وانا حطيت رجلي .. وقلت له لاتغلط علي ماراح اغلط عليك .. قال الشرهه ماهي عليك على اللي يتكلم معاك .. قلت وش رايك نسوي صلح .. ترى الشباب يبون يعرفون كيف يقاتلون نسيت .. قال ايييه نسيت نسيت قلت فضحتنا الحين وش يقولون .. اكيد بيقولون ان الجيل القديم مايعرف يربي .. يالله خلنا نكمل ..

قال اقولك ان الجيل الجديد لازم وضروري يقوي قلبه ويخليه حجر .. قلت كيييف مايصير .. لازم نكون حساسين وعندنا مشاعر .. ونكون رقيقيييين بس ماهو خكاريه .. يعني رجوله بس قلبنا لازم مايكون قاسي .. قال ايييه يازمان فات وراحت ايامه .. كانت قلوبنا حجر .. قويه .. ماتخاف الموت .. قلت ايه تخافون الموت ليششش .. لاعندكم شي تخافون منه .. لامستقبل ولاحاجه .. بس دجه ورجه وازعاج .. الحين الجيل الجديد تطور .. ولازم نتطور معاه .. قال كيف يعني .. قلت يعني تجلس على النت .. وتكون عندك سياره حلوه .. وحركتات يعني .. تفكر بالزواج .. تفكر بالأولاد .. ماهو مثلك لاالحين ماتزوجت الله لايبلانا .. قال كل هذا في سبيل العربجه الكبرى وبكرى راح تدرس بالمدارس قلت ايه هيييين .. والموضه بعد ان كل مانزل جوال تشتريه وتكون مع الموضه .. قال ايه اول موضتنا كيف تجيب شريط لبشير اول واحد .. وهذا الشي كان مستحيل ومايجيبه اول واحد الا انا .. قلت من وين تجيبه .. قال مالك شغل تبي تصير اول واحد وبعدين تاخذ راتب مجاني هااااه ..

قلت ياخوك مالنا ومال بشير .. حنا تطورنا في كل شي .. قديم انت .. يعني دقه قديمه بالعربي .. كمل بس كمل تراني طفشت من الجلسه ودي امشي خلصنا مع خشمك تقول اصبع فيل اللهم لاشماته .. قال انا الحين ابنام وبكره تعالي وش رايك .. قلت اما اجيك انا من سكان الدمام .. قال ايه وش فيها ياخوك .. والا نام عندي .. قلت اييييه اجل تبيني انام عندك هاه .. والله الموت اشرف لي .. انا الحين يالله مستحمل اجلس وياك .. حتى اني خايف على نفسي .. وتبيني انام .. هذا اللي يسمونه الموت المؤكد .. قال الموت المؤكد الحين بيجيك بعجرتي .. قلت ياخوك ازعجتني وماخليت الشباب يستفيدون منك .. وش تبيني اقول لهم .. اقولهم نشوفكم بالحلقه القادمه ..

قال لا مااتوقع قلت ليش ياحضرت العربجي الوصخ .. قال وش تقول .. قلت اقول كمل كمل .. قال لان بكره اجتماعنا الموحد بعرعر .. قلت يعني اجيك بعد بكره .. قال لا بعد بكره عندي اجتماع مع لجنة العربجه في القريات .. قلت لا والله وتبيني مع وجهك انتظرك .. والله لو انك نانسي عجرم .. قال مين هذي اللي مسميه نفسها نانسي عجره .. قلت تنكت يالوصخ .. قال انت الظاهر شكلك تبي تموت وتكون عظيم .. قلت ماعاش مين يذبح مغرور .. قال لو ناديت العامل كان خلص عليك .. قلت قاعدين في فيلم مصري .. وطول اليوم تهددني .. قال اصلا ماني مهددك ليش اهدد هذا وجه اهدده قلت لاتغلط عاد ترى اذا عصبت اسوي شي مايستوي لاتخليني ادخل السجن على واحد مثل شكلك رجله والقبر قال انا رجلي والقبر قلت اييييه قال وين العجره وينها مااشوفها .. قلت تبيها .. قال ايه ابي افقع وجهك واكل فيه من بوفية النعيرية.. قلت ليش غيرت قال وجهك مايصلح له مطعم بوفيه ويخب قلت اها ..

قال اهااين بعد .. قلت اجل الله معاك .. وطرطخخخخخخ واصكه بالعجره على راسه .. وتنتهي معاناتي مع رئيس العرابجه الذي توفاه الله يوم الخميس الماضي بخيمته الواقعه شمال النعيريه بالقرب من راس الزور والواقع عند منيفه مقابل سلاح الحدود .. واهدي لسلتوح هذي الاغنيه واقوله احمد ربك مت بالعجره لانه مايموت فيها الا العظماء والتعساء اشكالك <<< حاقد .. ومع هديتي اقوله لاتخاف العجره بتجي وياك القبر .. ويالله سمعونا الاهداااء ..

يجي لك يوووم ياسلتوح.. وتندم على ماسوووويت ..
خخخخخخخخخخخخخخخخخخخخخخخخخخخ

مغرووووور[/ALIGN]

[مــيــmــلاف]

[ALIGN=RIGHT] يعني سلتوح مات خ9

الله يصلحك ما لقيت الى سلتيح اللوح تذبحه خ2

من بيضحنكنا
من بيصورنا ويطلعنا على النت

الى صدق ما لقيت جنب عجرته صندوق فيه صورنا :rolleyes:

يمكنه حطها عند اخوياه جربوع ومطلق ومناحي

اعرفه زين ما يفوتها والله ان ينكبنا حتى بعد موته


يالله بروح اعزي ام سلتوح خ2

ولا تخافن يابنيات بدور صورنا عند امويمته<<< قاهرتها الصور خ2

يالله الميت ما عاد تجوز عليه الى الرحمه <<< قلبها طيب تنسى بسرعه

يالله ان ترحمه برحمته وان تبيح منه

لا اله الى الله لا حول ولا قوه الى بالله

انا لله وانا اليه راجعون
هذي الدنيا اليوم سلتوح
وبكره المغرور [/ALIGN]

[شين وقوي عين]

[ALIGN=CENTER]يييييييييو ياحبك للهذره يالبنقالي هههههههههههههههههههههههههاي


بعدين برد عليك بغنيه زي مااهديت لك اغنيه


كل ادي اشاعات خ3


يسلمووووووو على موضوعك ياغالي


تحياتي لك [/ALIGN]

[أمير رومانسي]

اقتباس كاتب الرسالة الأصلية مــيــmــلاف [ALIGN=RIGHT] يعني سلتوح مات خ9 الله يصلحك ما لقيت الى سلتيح اللوح تذبحه خ2 من بيضحنكنا من بيصورنا ويطلعنا على النت الى صدق ما لقيت جنب عجرته صندوق فيه صورنا :rolleyes: يمكنه حطها عند اخوياه جربوع ومطلق ومناحي اعرفه زين ما يفوتها والله ان ينكبنا حتى بعد موته يالله بروح اعزي ام سلتوح خ2 ولا تخافن يابنيات بدور صورنا عند امويمته<<< قاهرتها الصور خ2 يالله الميت ما عاد تجوز عليه الى الرحمه <<< قلبها طيب تنسى بسرعه يالله ان ترحمه برحمته وان تبيح منه لا اله الى الله لا حول ولا قوه الى بالله انا لله وانا اليه راجعون هذي الدنيا اليوم سلتوح وبكره المغرور [/ALIGN]

[اهــا عــاد]

[ALIGN=CENTER][TABLE="width:70%;background-color:skyblue;background-image:url();"][CELL="filter:;"][ALIGN=center][ALIGN=CENTER]
.
.
.
.
.
سلتوح مات ذبحتوووووووووووووووووووووووه
.
.
.
.
كنتو قبل ما يموووووووووت خليتوه يكتب وصيه انه يخلين بداله مشرفه
.
.
اديووووووووووووووووووس[/ALIGN][/ALIGN][/CELL][/TABLE][/ALIGN]

[قم بس قم]

ياخي ياطول كلامك
غروووووووور اهب عليك وربي موضووعك يجيب الصداع وللصرااحه ماكملته

سلتوووووووووح يازين ايميلك تسلفني000
عليكم حركات


واحد يحط صورته00 والثااني ايميله00

شكلي بصير اول واحد يحط جواله هههههههههههههههههههههههههههههااىى


ودمتم سالمين

[قم بس قم]

ياخي ياطول كلامك
غروووووووور اهب عليك وربي موضووعك يجيب الصداع وللصرااحه ماكملته

سلتوووووووووح يازين ايميلك تسلفني000
عليكم حركات


واحد يحط صورته00 والثااني ايميله00

شكلي بصير اول واحد يحط جواله هههههههههههههههههههههههههههههااىى


ودمتم سالمين

[السراب]

ههههههههههههههههههههههههههههههههه مغرور



يسلمو اخوى 000 رهيب الموووووضوع والارهب بطله



تقبل خالص تقديري خ18