قصتي مع الزائر المخيف في غرفتي

[المارشال]

بسم الله الرحمن الرحيم.

السلام عليكم ورحمة الله وبركاته

مسيكم بالخير


لقد كان مسيان يوم الجمعة الموافق 9/10/1425هـ حزتن لا تنسى. وقتها عادت لي غرفتي .. نعم غرفتي.. حقتي.. مرقدي <<< ما تقرب ليوري مرقدي ... ماي كتشن <<<اروح كشنه مع ذي.
بدأ العدوان الغاشم عندما رحت لسريري بعد أن خلصت من غثه المهسترين وانسدحت وقمت اناظر السقف وانا فاقن الكشره كني خبل: وأحيانا تتطور الحاله واصير كني ذا ( وجه فاغر فاهه من الدهشه والخوف )
اللهم ياكافي. . ومادريت الا وانا اشوف ضروس ..... أضحك ويضحك.
وتذبل الابتسامه

نعم لقد ماعت الابتسامه عندما شفته

لقد كان طويلا ووسيما وبرتقالياً
وازعق ذيك الزعقه وانقز واطلع من الغرفة
ياربييه وش اسوي ... وش اسوي
المشكله ما عندي احد كلهم في المدارس... إنا لله ماحبكت الا الحين
وأنا اروح واجي في الصاله تقولون عند غرفة الولاده انتظر يجيني مولود
ياربيه وش اسوي .. وش اسوي ... طيب وش اسوي!!!
يوم جا الظهر وجو اللي في المدارس وانا اطير لم اخوي اللي اكبر مني .." واقوله ياخوي داخلن على الله ثم عليك"
اخوي :" خير وش تبي؟ "
انا : " فيه واحد دخل في غرفتي .. وابغاك تساعدني عليه" علشان نطلعه
ونطير للغرفه وانا اوقف عند الباب علشان ماينحاش واخوي يدخل مدججا بكل انواع المكانس والقدور.. وأأشر عليه واقول : هذا هو "
قال : " الشرهه مهوب عليك الشرهه على اللي يطير في عجتك أنت وجهك.. اجل ضاطور!!!"
قام رمى كل اسلحته واكتفى بالزبيريه.
وأزعق عليه ذيك الزعقه" لااااااااااااااااااااااااااااااااااااااع مهوب في غرفتي بس طلعه ما ابي قتلى"
وياخذ المكنسه ومن جدار لجدار لين دخل وصار لاجئ سياسي ورى الدولاب وقتها مانقدر نسوي شي"
وطول اليوم وانا اقنع اخوي
" يطلعه ... ابي غرفتي ....ياناس ما اعرف انوم الا فيها"
ومير محدن عطاني وجه.. وفي الليل كلن راح لغرفته وخلوني.. كل ماشفت احد قايم تعلقت فيه وقلت " الضاطور... غرفتي ... أخاف ... بيرقى علي .... ياناس ترى بيرقى علي "
ومير ماعندي احد.
وقتها وقفت عند غرفتي وعصبت: " انها الحرب ... انها الحرب"
واجيب اطول مكنسه واحط قدر على راسي في حاله طاح الضاطور والا شي. والبس شرابات طوال وبوت صعايده بعد في حال طاح الضاطور وقام يحوس.. واقوم اخذ الديتول واغط اصابعي فيه واشخط في وجهي <<<رامبو على غفله.
وادخل غرفتي وأنا ازعق " اطلاااااااااااااااااااااااااااااااااااااااع"



ولاحقته ويقوم يتوزى ورى الستاره .. واقوم انغز الستاره لين نغزت بطنه وقام يضحك.. قمت رفعت المكنسه وانغزها بقوه ومير يزعق : " همانا قلنا مافيه تنغيز تحت الحزام ... ياعيباه بس"
انا : " بعد بعد ضاطور ويتشرط اطلع لا بارك الله فيك"
وانواع الملاحق.. ودخل في المكيف وولعته وكله البرد وطلع وهو رافعن فنيلته المربوطه في فرشه اسنان معلنا استسلامه... ويطلع وهو يجرجر اذيال الخيبه والهزيمه.
وصدقوني اقولها لكم



" ماحك ظهرك مثل ظفرك لو كان عوج"

وسلامتك والله لايبلاكم مثل مابلاني بواحد ضاطور ملكع مثل خوينا اللي فوق

[D a N a]

ههههههههههههههههههههههههههههههههههههههههـ

والله حالتك حاله

الله لا يبلانا الشر بره وبعيد على ما يقلون من شئ ذا الشئ الزاحف نقطة ظعفي اكره كره الله لا يوريك يرعبني رعب الله لا يذوقك

[777]

هههههههههههههههههههههههههههههههههههههههههههههههههه ههههههاي

الله لاا يبلانا ههههههههههههههههههههههههههههههههههههاي ويعطك العافيه


تحياتي اخوك 777

[المارشال]

صحيح الله لايبلاكم ويبعد عنكم مثل هالاشكال

ويعيني انا الي عايش معها اهي اهي اهي

هلا دانه كيف الاْحوال اختي وين الغيبات

تسلم اخوي 7 7 7