من غلط في رقمي ..لقى الردّ غلطـان

[بgggغرشـــــ]

كلّ البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي ..لقى الردّ غلطان
الين جااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابليـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا محمّد.. وافـي الهـرج مـوزون
اوزن كلامي.. قبـل اقولـه بميـزان
وانا الّذي لاحـبّ ..لايمكـن يخـون
مخلص مدامه حيّ ..ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي ..واكثرالنّاس يشـرون
وانتي عليـك اليـوم تقديـر الاثمـان

قالت :اشوفك قمـت يامحمـد تمـون
تضحـك وضحكتهـا تقاسيـم فنّـان
قلت :الميانه.. ماهي بضحكـة سنـون
احيـان ماتلقينهـاا بيـن الاخــوان
ترى الميانه شيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
يامحمد ..اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهي عندهـا آذون
لكنّـهـا ماصـدّقـت سـمـع الاذاان
ضاقت ...وخلق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنسـيـان

المشكله..بنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهداب الاعيـان
ياعيـن حـر ٍ بالمطاليـع مفـتـون
حر ٍ شـراه مولّـع الصيـد طربـان

[جبـال القهـر]

[align=center]
اخي الكريم
غرشووب
ابيات راائعه وجميله
قصيده من القصائد اللي لها لذه غير
جميله بحرفها السهل والرائع
سلمت يمنااك
تقبل مني خالص التحايااا

أخيـــك 00

جبـال القهـر[/align]

[بgggغرشـــــ]

مشكوووووور لمرورك بعد قلبي جبال القهر

[ـالهنوفـ]

صح السانك اخوي غرشووب


قصيده جميله استمتعت بقراءتها


تقبل أرق التحايا .. واعذبها ,,

[بgggغرشـــــ]

مشكورة اختي الهنوف لمرورك وتقبلوا تحياتي

[نـ الصباياـــور]

صح لسانك ياسعود او محمد او ضيدان

صح لسانك مليوووون ياغرشوب


قصيده رائعه تسلم عليها

[نـيران صديقه !]

صح لسان الشاعر ابيات جزله ويعطيك العافيه على النقل الاروع

[نـيران صديقه !]

[align=center]صح لسان الشاعر ابيات جزله ويعطيك العافيه على النقل الاروع[/align]

[align=center]
k7 غرشوووب الله لايهينك من هو الشاعر راعي القصيده[/align]