بدايه بلا نهايه

[عبير الصادق]

بداية بلا نهاية

داير أكتِب .. وداير أسكت فيكي أكتِب
وداير اشوف وين النهايه
داير ألملم كلْ حروف الدنيا أنسجا ليكي في طرحة وعبايه
داير أسافر في دروبك .. وداير أشوف وين النهايه
رغم إني من البداية .. عارف انها دي النهايه
وكان بيتحقق منايا ...
داير اعلِّيك فوق أختِّك فوق تخايا ..
وأبقى أعاين ليك برايا..
كلو لحظة .. وكلو ثانية .. في صباحي وفي مسايا
وداير أسأل نفسي مرة .. إنِّي هل حققت غايه..؟؟
والعملتو عشانك إنتي هل ده في حقِّك كفايا..؟؟
والإجابة ترد عليَّ .....
أنت يا دوب أنت لسِّع أنت دابك في البداية
وأبدا تاني من البداية....
أبدا أرسم ليكي لوحة فيها ألحاني وغنايا
وفي عيونك ابدا اكتِب .. الرواية ورا الروايه
القلم إحساسي بيكي .. ويبقى شرياني الدوايه
وأهدي ليك من ريدي همسة تحكي ليك كلَّ الحكايه
وليك تجيكي الدنيا باسمة تبقي فوق بنُّوتا رايه
إنتي يا ملكة جمالا .. هل ده في حقِّك كفايه ..؟؟
وعارف إنو ده ما كفايه...!!
حتى لو سلَّمت روحي أنا ليكي من ضمن الهدايا
وجايي عشمان فيكي راجي.. كان بيتحقق رجايا
راجي منِّك بس بسيمة تبقى سلوايا وعزايا
ونظرة منِّك فيها أسرح أنسى دنيايا وشقايا
ودايرَ أكون منَّك قرِّيب وفوق خطاكي تكون خطايا
وإن طمعت كمان شويي .. داير أصرِّح بي هوايا
وعارف إنِّك ماكي ليِّ ....
وعارف الأيام عليِّ ...
الاَّ أعمل أيه .. قِسِمْتي كايسي لي تعبي وعنايا
بكرة ترحلي منِّي غادي...
وابقى جاري وراكي أنادي
ويبقى طيفك عاد قصادي ..ديمة مالي عليْ فضايا
يا بداية بلا نهايه
يا سماحة وسكَّرايه
إنتي كان نظرت عيونك لي جبل طار في العلايا
يصغر الجلمود يطاوع .. يبقى أرخص من ترايا
انتي طِيبة ...
إنتي في رِقَّة شعورك حِتَّة أرقه من السبيبه
واللهْ من عيناً تحَسْدِك تبقى من ضمن العمايا
يا بدايه بلا نهاية ...
إنتي يا سمح السجايا ..
ليه فتحتي ليَّه قلبك..
وليه كشفتيلي الخفايا..
وعارفة انني انا ما بقاوم
حالن إنهارت قوايا
زيي.. زيي أنا زي فراشه
طايري فوق الشمعة لافَّه
ومن كُتُرْ شوقا وغراما ...
عانقت نيرانا باشَّه
وحِرْقَتْ المسكيني حالاً...
وسطَّرتْ فصل النهايه
وخايف ابقى انا زي فراشة ..
وأبقى من ضمن الضحايا ..

[دافـ الدمعه ـئ]

عبير الصادق


شيء جميل ما خطه قلمك



ولوحه رسمت من اللوان من ذهب


ننتظر اشراقتك القادمه على احر من الجمر



عبير همسه لكِ :



هذه تعتبر نثريه فليست شعراً



وإلـــى الإمـــــام


كونيـ بخير

[الشمري]

[frame="9 80"]مشكورة اخت عبير الصادق
وصح لسانك
ننتظر منك مشاركات اخرى
وتقبلي فائق احترامي[/frame]

[(....الحبيب...)]

مشاركة رائعة اختي عبير
يارب تكون احلى بداية
وتستمر ومايكون لها نهاية

تحياتي لقلمك

اخوكي الحبيب

[الروومانسسى]

شاعرتنا

شاعرتنا العظيمه
ما اروعك
كلماتك رائعه تجنن
تعبر عن اشياء بالنفس تحسسنا بالامل
والموهبه العاليه
والروح المتدفقه
اتمنى ان اتناول كل اشعارك بالنقد والتحليل
www.maa66.jeeran.com