|
.gif) |
|
||||||||
 |
|
|
LinkBack | أدوات الموضوع | طرق مشاهدة الموضوع |
03-29-2005, 04:09 PM
|
#1 | |
|
|
رحلتي مع طقاقات الحاره (( من فارس الرياض))
ياالله حيهم وشلونكم
ابيكم تجلسون عاقلين وتسمعون سالفتي ونتم ساكتين واللي بيتكلم بهفه على وجهه طراقاخــ.> ( انت قد الكلام هذا يا السواق ) اذكر مره وانا اتمشى في احد احياء الرياض القديمه وكانت سيارتي سوبر بان موديل (82) وكانت الساعه 6 مساء وكنت مشغل بشير حمد شنان واغني اغنية (يا اهل الشميسى عسى قلبي تحنونه) ومبصوط يد فيها غرشة كوكا والثانيه سنكرز وامشي بشويش وامر شارع مظلم وفجئه ألا اعترضو في طريقي حريم وكانو تقريبا سبع حريم ومسكت ابريك والتفو حول السياره قلت لهم عسى ماشر وش تبون قالو حنا طقاقات واريحين نحيي حفل عرس والسواق تأخر علينا وسيارته في الورشه ونبغاك توصلنا للعرس علشان مانتأخر عليهم قلت لهم اسف هذا اللي ناقص اودي طقاقات (عاد مافيهم وحده تفتح النفس) وفجأه افتحت الباب وحده منهم وقالت توصلنا يعني توصلنا ولا بجمع عليك عيال حارنتا وقول انك تتحرش فينا قلت في نفسي والله اللي رحت فيها لو يمسكوني ها العبند والله يفتحون قسم مخرطه في حارتهم ابلع الشر وغني له ياسواق وحافظ على شرفك ووصلهم ولا خذيت الا كلهم اركبو في السياره وقالو يالله بس وصلنا لاتكثر الحكي علشان لاجا عرسك نطق فيه ببلاش قلت وين مكان العرس قالو مدينة الخرج يعني خمسه وستين كيلو تقريبا قلت وشو الخرج والله مانتم صاحين يا الله انزلو من السياره ماني موديكم احسب ان مشواركم في الرياض ( وانا قامطها منهم ) تعريف كلمة قامطها ( هي تحويل العضلات السفليه التي بين المنكعين من اراديه الى لا اراديه في لحظت الخوف ) وقالت وحد منهم صغيره .. الله يخليك حنا في موقف محرج وانقذنا منه والله ماننسى جميلك هذا جلست اطالعها وبصرحه اعيونها حلوه من ورى البرقع ( بس اعيونها حلوه ولا الباقي يخلف الله ) بصراحه حنيت عليهم ( ايه هين حنيت عليهم امش بس لايفتحون فيك شوارع ) قلت في نفسي يا الله وصلهم منت خسران شي وشرطت عليهم يعبون لي بانزين وقالو موافقين ونعشيك لو تبغى ( تعرفون طفران ماعندي ولا ريال ) قلت توكلنا على الله مرينا محطة البانزين وعبولي التانكي فل وجابو لي قوطي ببسي كان راكبين معي قدام ثنتين وحده عجوز والثانيه البنت اللي عيونها حلوه وكانت هي اللي جنبى وركبنا الخط وكان المسجل شغال قالت وحده منهم الله هذا بشير حمد شنان قلت : ايه بشير قالت : من وين شاريه قلت : من سوق الخضره من وين بعد من التسجيلات قالت : اقصد من اي تسجيلات قلت: من استديو في سلطانه قالت : ممكن تعطينياه قلت : اسف مقدر قالت : يابخيل مسكت ابريك وقفت جنب الخط وقلت انا بخيل ياالله انزلو من السياره هذا جزاي قالو اللي ورى ركبين اسفين اسفين اسفين هذى خبله ولا تسمع كلامها الله يخليك ترانا تأخرنا على الزواج قلت طيب ماشي وكملنا الطريق وفجئه إلا وسمع صوت خرفشه وراي وقلت وش هذا الصوت اللى ورى قالت وحده مهم ممكن تقفل المسجل قلت : ليه قالت : نبغى نسوي بروفه ونطبل قلت : ويش ويش ماعاد الا هذي تبون تطبلون في سيارتي روحو بس قالت اللي جنبي البنت الصغيره الله يخليك ياعمري خلينا نطبل والله ان تستانس حسيت ان اعظامي تفككت يوم قالت ياعمري وحس اني ارتخيت معها خاصه يوم امسكت يدي وهي تكلمني بصوت فيه شوي ميوعه وبصراحه صوتها رهيب جدا وتعرفون حنا في اليل والحريم سمر مره ولا اشوفهم بس اسمع اصواتهم وقلت يالله خلني اتخيل دامني ماشوفهم اني رايح مع لبنانيات رحله للبحر خاصه ان اصواتهم تساعدني على تخيلاتي ( وتعرفون احلا مافيه صوت السمرى ) المهم قلت يالله طقو الله يفرق بيني وبينكم وقالت اللي جنبي وش اسمك قلت والله البلشه وش تبين بسمي قالت علشان نغني فيك قلت والله مين قدي انا اسمي ألفارس قالت يالله يا بنات شيلو بسم الفارس وقامو يطقون يغنون كل ال الفارس خياله حتى فارس وعياله ويازين فارس بينهم والله لايفرق شملهم قلت ماقصرتوالله لايهينكم وطلبت اغنية ابو صالح سرى ليله وقالو انشاالله وغنوها ومن اغنيه الى اغنيه وانا مبصوط معهم وهز اكتوفي لين وصلنا الخرج قلت وين القاعه اللي تبونها قالت العجوز اللي معي قدام والظاهر انها ريسة الفرقه مهيب قاعه عرسهم فى بيتهم فوق السطح قلت وين البيت قالت والله ماادري بس عندنا تلفونهم وقفت عند كابينة اتصالات وقلت عطوني رقم التلفون علشان اتصل في اهل العرس وأعرف وين مكانهم قالت لوحده كانت في المقعد الخلفي عطيني يا نوره تلفون اهل العرس تراه في الشنطه السوداء اللي عندك قلت احلى يااسود في اسود k12 قالت وهي تضخك الله يقطع سوالفكk7 المهم قامت تدور الرقم في الشنطه وقالت ماحصلته في الشنطه والظاهر اني نسيته في البيت على الكمدينه في غرفتي قلت: الله يلعن ..... ويلعن من جمعكم يابنات ...... تبوني افرفر في الشوارع لين نلقى العرس ياالله حولو من سيارتي يابنات ... قفلتوها معاي قالت العجوز الله يرضى عليك ياوليدي هد اعصابك قلت ونتم خليتو فيها اعصاب أخرتوني وبهذلتوني وش اقول لبوي اذا جيت البيت أكيد بيسألني وش اللي اخرك لين هالحزه تبوني اقوله اوصل طقاقات الى الخرج علشان يذبحني قالت البنت الصغيره بسيطه قله رايح رحله غراميه سودا قلت لا والله اكلي......ونطمي تراها واصله معاي انتي فاضيه تنكتين معي قالت ريسة الطقاقات يمك فر شوي لين نلقا بيت عليه لمبات عرس قلت انتي من صدقتس ولا تمزحين ياعجوز قريح تعالي دغدغيني علشان اضحك ياالله بس حولو من السياره ودبرو انفسكم وحمدو ربكم اني وصلتكم قالت البنت الصغيره لبى عمرك وفديت اعيونك الحلوه قلت هذا اول في الخط ينفع معي هالكلام يوم كنا في الظلام ولا اشوف وجهتس ولا ها الحين منوره الدنيا وشوفتس يا الله حولو من السياره وخلوني امشي قالت العجوز بعطيك 200 ريال قلت موافق موافق موافق ( تعرفون طفران ) وقمنا نفتر لين لقينا بيت فوقه لمبات وانزلت البنت الصغير وسألت اهل البيت وطلع هو العرس اللي يبونه وقلت الحمدالله فكه وين ال 200 يالله هاتوها وعطتني العجوز الفلوس وقالت تستاهلها وذا بتجلس معنا الين نخلص من العرس وترجعنا بعطيك 200 ثانيه قلت والله لو تعطوني الفين ماجلست احتريكم انا ماهقيت اخلص منكم تبوني احتريكم وقالت البنت الصغيره بعد مانزلو خوياتها هذا رقم تلفوني خذه معاك قلت وشهوله اخذه قالت يمكن تفكر تشتغل معنا في الفرقه سواق وتر قلبي ارتاح لك واجد ( الظاهر حبتني البنت ) وتبيني اكلمها علشان اغازلها ( ايه هين ) ماعاد الا انتي وقالت ترى الكفر الوراني نازل هواه ونزلت من السياره اطالع الكفر ولا ماشوف فيه شي ورجعت لها وقلت تكذبين علي قالت اضحك معاك واحد صفر قلت الحمدالله الظاهر انك منسمه اخذت الرقم ومشيت وانا احمد ربي اني افتكيت منهم وبعد مامشت تقريبا كيلو منهم الا فيه سياره تلحقني وتكبس لي با النور وقلت هذا والله النشبه وشيبي هذا بعد وقفت على جنب ووقف معي الا هذا واحد وجنبه البنت السمراء الصغيره والعجوز قلت يا اليل مطولك وش تبون بعد قالت العجوز نسينا الطبول معك في المقعد الاخير قلت خذوهن الله لا يردكم قولي امين انتي وطبولتس خذوها ومشيت وانا في الطريق قلت خلني اشغل شريط بشير حمد شنان وستانس وجيت بشغله إلا الشريط مهوب موجود قلت ايابنت الكلب سرقتيه مني ياكويحه اثاريها يوم قالت الكفر نازل هواه تبيني انزل من السياره علشان تسرق الشريط وسوتها فيني وبعد مارجعت للبيت من بكرا دقيت على البنت تعرفون ماشاف خير وقالت تدري من حنا ؟ قلت : لا والله قالت : صوماليه قيرل وطقاقات الحاره طحياطي لكم ولطقاقات الحاره و تحياتي لكم حبايب قلبي و ارجوا ان تنال رحلتي على اعجابكم و ادعوا انها ما تنعاد هههههههه اخوكم فارس الرياض |
|
|
    
|
|
03-29-2005, 04:11 PM
|
#2 | |
|
|
هههههههههههههههههههههههههههه
هههههههههههههههههههههه هههههههههههههههه ههههههههههه ههههههه هههه هه ه اقول فارس الموضوع طويل اشوية بس وانا بقراء فى الاول وجع ضحك اقول لى عودة بلاش هلا ابعت لك بوسه من فلسطين لا الرياض |
|
|
|
|
|
03-29-2005, 05:33 PM
|
#3 | |
|
|
تسلم يا قمر على ردك الحلو هذا
وصبت مننك و ننتظر تعليق مملوح هالحين يعجب علي هههههههه |
|
|
|
|
|
03-29-2005, 05:34 PM
|
#4 | |
|
|
[align=center]
اياااا الملعونه يا الكويحه تصدق اول مره اشوف خوال اذكياء والا من دلاختك هههههههههههههههه تصدق تخيلت موقفك وهي تقولك ياعمري قمت اهز كتوووف مدري شجاني اقول فارس معك رقمها ابيهم يطقون بعرس اخوي << خق مع العبده يعطيك العافيه فارس انتظر الرقم على احر من الفحم << تخبر على حسب الموقف[/align]
__________________
[align=center]  [/align]
|
|
|
|
|
|
03-29-2005, 05:37 PM
|
#5 | |
|
|
خذ الؤقم يا قمري 050 طقاقه بعيون عهعههههههههههههههه
شلون حلو الررقم هي ترا تنتظر منك اتصال هههههههههههه |
|
|
|
|
|
03-30-2005, 10:25 PM
|
#7 | |
|
|
أبو ميحد مشكور حبيبي على ردك
خير الردود ما قلت و دلت هههههههههه وين الصرقعه خلك مصرقع و رد رد كبره لهلدرجه ههههههههه مشكور اخوي لو قلت مشكور يكفي ما اكون طماع ههههههههههههه |
|
|
|
|
|
03-31-2005, 07:13 AM
|
#8 | |
|
ابن فلسطين بعد اذنك سلف
هههههههههههههههههههههههههههه هههههههههههههههههههههه هههههههههههههههه ههههههههههه ههههههه هههه هه ه عجبتني الضحكه رجك اللهم رجا مبرحا يا دب فارس الرياض مشكور عالموضوع قمة الصرعقه والهستره ههههههههههههههههههههههههههههههههاي تقبل تحياتي
__________________
[flash=http://4rsan.net/images/upload/img/tedll.swf]WIDTH=400 HEIGHT=200[/flash] 
|
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا
العرض العادي
