قصتي مع منال !!!

[عبـدالله]

[align=center]ياهلا والله ومسهلا بالغالين
أخباركم ؟ وعلومكم؟..ان شاء الله الكل بخير ..
المهم..

مره من المرارير فتره قعدت فيها لحالي..اعيد شريط الماضي..
وافكر في المواقف الي صارت..سواء المضحكه او الرومنسيه ..

تدرون تعالوا معي :


$$ بداية القصه $$



كان ولد جيراننا اسمه "عبدالرحمن" اعز اصدقائي
يوميا نشوف بعض في الاجازه..من بعد صلاة العصر نصحى من النوم..نروح للبقاله نسرق ببسي: ..ونتمشى بالحاره ..اي ليموزين يجي نكسر قزازة سيارته ..
اي واحد غريب عن الحاره نستهبل عليه

كل يوم على ذا الحال ..

في يوم من الايام ..صحيت من النوم واطلع ادور عبدالرحمن..علشان نكمل المسيره
طلعت من بييتنا ..والقاه في الشارع مع ابوه ومختبصين وحالتهم حاله ..
يوم طالعت زين والاهم يحملون اغراض البيت..
وأسأل عبدالرحمن.. ويــــــــــن؟؟؟؟؟؟؟؟ وش السالفه..
قال..بننقل من الحاره

علطول وقتها جا تفكيري على الليموزينات..وشلون استهبل عليهم لحالي؟
وشلون اطلع لحالي بالحاره..وعيال الحاره كلهن ناوينني بشر ..

المهم..نقل عبدالرحمن مع اهله من البيت..ومر اسبوع على هالكلام..وكان أسوأ اسبوع في حياتي



راح عبدالرحمن وجت منال



كالعاده..صحيت من النوم العصر: ..مريت على بقاله الشايب الي اسمه"الخال"
دخلت عليه بالبقاله ..اسولف معه شوي..والهيه بحاجه الين افتح ثلاجة الببسي..واسرق لي واحد
والمشكله شين وقوي عين بعد..!!
اسرق الببسي..واشربه قدامه..:
رجعت لبيتنا..بعد ما انفقع بطني من الببسي..
واطالع والا فيه ناس جوا بيت عبدالرحمن...
انا قلت بس..اكيد ذول عيال الحاره بيسرقون كمبيوتر العائله حق عبدالرحمن
وادخل..ومعي سلاح ..سلاحي السري "عصا المكنسه" ..<-- وين قطاوه
وطلعو ناس جدد بيسكنون بالبيت..
وسلمت على عيالهم وجلسناانواع السواليف<-- بيدشرهم
واحد اسمه "مشاري"..وواحد اسمه" يوسف"
وبعد شوي..مرت من قدامنا وحده زي الببسي.. أقصد زي القمر
واسأل اخوانها..من ذي؟؟؟
قالو اختنا الكبيره..
قلت وش اسمها؟؟ <--- لا تشرهون عليه
قالو..اسمها مــنــال

المهم طلعت من بيتهم..واروح لبيتنا..جلست بالملحق..وافكر..لكن هالمره التفكير غير
افكر ..وشلون بكلمها؟ وشلون؟؟ ..


$$ بداية قصة الحب $$



صحيت من النوم العصر ..<-- وانت ماغير نايم..!!
والقى امي لابسه ومتزينه..
قلت لها..وين بتروحين لبقالة الخال؟؟
المسكينه ماتدري وش يسوي ولدها بالخال..
قلت لها وين بتروحين؟
قالت: ابروح لجيراننا الجدد أم مشاري ابسلم عليها..
قلت : اروح معك طيب؟
قالت : ضف خلاقينك بس..ماعاد الا هي ..لا تفشلنا بس انثبر واقضب ارضك
قلت: تكفين..هاااا يمه؟؟ <---- مع حبة دموع وشغل مصاريه
المهم وافقت ..واخيرا ابشوف بعد قلبي منال :
دخلنا البيت وانا "منثبر" جنب امي..
المهم ماجاز لي الوضع....!!
سألت ام مشاري..وين العيال؟
قالت فوق رح العب معهم..
وانقز فوق وادخل عليه بالغرفه..والا فيه اخوانها مشاري ويوسف يلعبون كيرم
واطالع في اخر الغرفه والا فيه هالبنت جالسه لحالها تطالعهم..
واقعد جنبها..ونسولف..
كانت سواليفنا عن المدرسه..تقول لي حليت واجباتك؟؟
واقول لها والله لي اسبوع غايب..وبالاساس من قال ان عندي دفاتر؟؟

صرنا على هالحال اسبوع..ادخل عليهم هالسلق ..اما يلعبون كيرم..أو أتاري..
وجاحدين اختهم مايلعبونها..فاستغليت هالموقف وقعدت اسولف معها..

جا يوم..قعدت افكر فيها..من جد خذت عقلي هالبنت <<--- والله ياهو سحب على عبدالرحمن
فاخذت رقم تلفون البيت حقهم من امي..
وادق..وترد علي منال يابعدهم والله.
فكانت هذي أول مكالمه ..

انا: الووه..
هي: اهلين
انا: اخبارك؟
هي: مين؟
انا: ما عرفتيني؟؟؟؟
هي: لا مين؟؟
انا: انا عبدالله:
هي: .........سكتت شوي..بعدين قالت هلا والله حبيبتي عبير..!!
انا: وين عبير بعينك اقول لك عبدالله !!
هي: قصرت صوتها شوي..وقالت..عندي اهلي ياحمار

<--- والله طلعت ملكعه ..مب سهله

المهم في يوم قلت لها ابجي واشوفك ببيتكم..بس مانبي نجلس مع اخوانك ..
قالت اوكي ..تعال بكرا بعد صلاة العصر..
وبعد صلاة العصر علطول من بكرا..رحت اول شي سلمت على الخال
ومسكت معاه خط بالسواليف..لين سرقت لي ثنين ببسي
عاد هالمره..ما شربتهن قدامه..لا قلت له الله لا يهينك عطني كيسه ابحط الببسي فيها

وادخل عليها بالبيت..ونقعد بالحوش.. ..لا يعني موب في الحوش
كان فيه ورا البيت عشة حمام ..قعدنا فيها

فكانت اسعد لحظه بحياتي..كيف لا وانا معي حبيبتي قاعدين نكلم بعض مع زقزقة العصافير ونباح الحمام
كانت سواليف قــمــة في البراءة
وين رحتو ووين جيتو؟ وحليت الواجب والا لأ؟؟

سهرنا لآخر الليل في عشة الحمام..
فصار موقف رومنسي جدا
كانت تطالع القمر..وساكته..قلت لها وش تفكرين فيه ؟
قالت..مدري ..بس افكر في القمر..لو انه كوره وشلون بينلعب فيه ؟<<<<<<< ياعمري على التفكير

$$ نهاية قـصـة الحـب $$


الصراحه ..تعبنا من التلفون الثابت ..كل يوم مكالمه طويله..
انا عادي ما يضايقني التفون..بس تضايقني كلمة وحده..وهي:-
هلا حبيبتي عبير
فانتقلنا من التلفون للرسايل المكتوبه..ابد شق ورقة من دفتر الرياضيات واكتب بيدك ورجلك

في يوم ..طلعت من البيت ..واطلع في بيت ابو مشاري..
والا قاعدين يشيلون اغراضهم.. لحووول..محد يسكن في هالبيت علطول
واسأل ابوهم وين يبو مشاري..قال والله اني ترقيت وجت الترقيه في مدينة ثانيه..فلازم اباشر الدوام من السبت الجاي
قلت له ..كيف الحال؟:وش تقول؟؟ الصراحه مافهمت شي منه..الا شي واحد..اني منب قادر اشوف منال ولا اكلمها ولا اراسلها

فكنت واقف عند باب بيتنا..والدمعه بعيني ..
وقلبي يتقطع ..عل فراق احباب..
كانت نيتي اول شي اهدم هالبيت..يجيب لنا ناس نحبهم بعدين يفرق بيننا ..!!
طلعت منال من البيت..وبتركب سيارتهم..
فعطتني نظره ..فهمت منها اني راح احبك لاخر عمري..بس ما باليد حيله <-- والله لو انها تسولف ماقالت هالكلام

راحو..وخذو قلبي معهم..
راحو..خذو حياتي معهم..
راحو..جرحو قلب تبعهم..
راحو..راحو..وكلي أمل برجعتهم ..



--------------------------------------------------------------------------------


وانا اقول هالكلام الي فوق..ما دريت الا واحد يصارخ بوجهي
واسمعه يقول قم..قم..
ويوم طالعت والاه واحد من العيال..يقول قم لعنة الله على بليسك لك يومين نايم..قم
فقلت له: اصبر طيب ..بشوف بيسكنون ناس جدد والا لا
انلحس المسكين : ..<<<<<<<<<<<<<

وبكذا تنتهي قــصــة حب..فاشله : ..لا وفاشله جدا بعد
ويابعدي والله يالخال ..
تحسبون اني اسرق منه طلع يسجل في الحساب وابوي يدفع آخر الشهر
حتى الشايب طلع ملكع


ونشوفكم على خير..
تـ ـحـ ـيـ ـا تـ ـي


-------------------------------------------------
ملاحظة : القصه وهميه ماهي صحيحه [/align]

[adem]

الله يستر عليك
وديتنا ورجعتنا
مشكور على السلافة معذرة الخرافة
بس الترتيب بعد العصر فشلة
لك الف تحية

[مملـgggggح]

[align=center]

وبعد شوي..مرت من قدامنا وحده زي الببسي.. أقصد زي القمر
واسأل اخوانها..من ذي؟؟؟
قالو اختنا الكبيره..
قلت وش اسمها؟؟ <--- لا تشرهون عليه
قالو..اسمها مــنــال


ههههههههههههههههههههههههههههههههه
ههههههههههههههههههههههههههههههه
هههههههههههههههههههههههههههه
هههههههههههههههههههههههههه
هههههههههههههههههههههههه
ههههههههههههههههههه
ههههههههههههه
هههههههه
هههه
هه
ه

ينعن ابو ذبة الوجه هههههههههههههههههههههههههه

والله بصراحه القصه مؤثره قمت اصيح واناشق وجهي صار شلالات

ياخي اول وناسه مايزين لك التفكير الا الظهر با الملحق

الحين بمجلس الرجال ولا تقدر تفكر نص فكيره << حلوه فكيره

مصرقع يا ابو عابد الله يرجك

يعطيك العافيه لاتحرمنا من جديدك

(( يثبت الموضوع بمسمار خشب << ماعندنا صلب خلصن هع هع )) [/align]

[مشـاعـل الخـالـد]

هههههههههههههههههه هع هع هع

وربي انسجمت مع القصه

بس تدري بطووولة القصه الببسي<<تموووت على الببسي هع

بس ماشالله اقصوصه فكاهيه بشكل مستسااااغ ورهييييب<<احلىىىى

يعطيك العافيه اخوي عبد الله على هالقصه

بانتظار جديدك

<<اسلوبه يذكرني باسلوووب مملووووح

يااحلوك ياامملوووح<<

دمتم بود

[مـجـنـggg نـهـا]

هههههههههههههههههههه
ههههههههه
ههههه


الله يرجك تصدق قصه رومنسيه خصوصا يوم تبكي عند الباب

كسرت خاطري لو انا مار من عند الشارع ذاك الوقت كان عطيتك ريال

موضوعك حلووو ويستاهل التثبيت

[عبـدالله]

[align=center]هههههه

هلا فيك اديم ونورت الموضوع اخوي[/align]

[عبـدالله]

[align=center]هههههههههههههههههههههه
هههههههههههههههه
هههههههه
ههه

هلا والله بالمملوح وشاكر لك التثبيته والمره الجايه ابيها بطنب خيمه اقوى شوي

ههه
هههههه
ههههههههههههههه
هههههههههههههههههههههه[/align]

[عبـدالله]

[align=center]هههههههههههههههههههه

هلا فيك امراءه من جليد وشاكر لك المرور[/align]