قصة أبكتني !!!!!!!!!

[الشجاع]

بسم الله الرحمن الرحيم
السلام عليكم ورحمة الله وبركاته
قصة منقولة



القصة صارت على إحدئ شواطئ الخليج

فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون جتهم عجوز كبيره في

السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح

وماأكلت شئ جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء

وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون

العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي

ياخذك . قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟ مكتوب ( من

يجد هذه المرأه يآخذها لدار العجزه) انصعقوا الشباب من المكتوب في الورقة وجلسوا ساعة يترجون العجوز

تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها

وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه . > >ماتدري

المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وأتركوها على

أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في

مصير العجوز المسكينه وقام من فراشه وغير ملابسه وركب سيارته وراح للشاطئ. ولما وصل. شاف الاسعاف

والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له

أرتفع معها الضغط وماتت. ماتت من خوفها على ولدها يمكن يكون صار له شئ. ماتت وهي تستنا ولدها يجي

يآخذها.

ماتت وهي بعيده عن أهلها. الله يرحمها برحمته ويدخلها من أوسع ابواب جنته.أدعوا

معي آمين

اخووكم الشجاع

[معانق الهم]

آمــــــــــــــــــين يارب آمــــــــــــــــــــــــــــين يارب آمــــــــــــــــــــــــين يارب وترحم المسلمين الاحياء منهم والاموات وتزيل من على الارض من يفعل بوالديه مثلما فعل الشاب بامه وتركها دون رحمة ولا مخافة من الله حسبي الله ونعم الوكيل اشكرك اخوي على هذه القصه المحزنه فعلا والتي تذرف لها الدموع

[الشجاع]

الله يجبر في خاطرك مثل ماجبررت بخاطرري ورديتhbaeb


يعطيك العافية اخووي معانق الهم وان شاء الله الهم بعيد عنك

اخووك الشجاع

[نورالبحرين]

الله يسامح ولدها



الله يرحمها برحمته

[شيخة البحرين]

الله يرحمها برحمته

[عمادالدين]

شكرا اخى الشجاع ابكتنى واله انا ايضا
شكرا على القصه

[الشجاع]

نور البحرين

شيخة البحرين

د عماد الدين


يعطيك العافية على المرور

والله يرحمها برحمتة امين يارب العالمين


اخوووك الشجاع

[زاحف نمبر ون]

اللهم ارحمها وارحم ضعفها وقلت زادها


اللهم انها ماتت بعيدة عن اهلها


غريبةً

اللهم اسكنها فسيح جناتك


اخووي الشجاع دائما متألق