ضامي الود:شوفي اكااللي نومهم في شليلي ....؟

[ضامي الود]

هذه القصيدة والله لقيتها عندي ولا أدري من قائلها

وكيف وصلتني بس عاد حبي أعرضها عليكم


تكفين ياطيور حرار افزعيلي
...................ابي عن اديار الاهل منك الاخبار

تكفين حومي فوقهم وارجعي لي
..................والا ان حصل لك حومة داخل الدار

تكفين حول ابيوتهم دوري لي
.......................سبعة فروخ يوم اخليهم صغار

شوفي ضناي وعودي وانكفي لي
........................وشلونهم ياعلهم صارواكبار

نسيوادفاي ونومهم في شليلي
..................وش علمهم ياعلهم طول الاعمار

قولي لهم أن امكـم له عويلي
..................خمسـة سنين دمعها دوم مدرار

وقولي لهم اني على طول ليلي
...........................انوح ولياقرب الصبح انهــار

وقولي عيونه دايم له هميلي
.....................تبكي لياشافت من الناس زوار

كل يوم اقول اغدي حديهم يجي لي
........................راحت سنين مابهم واحد زار

وانا اللي من سبة سوات الحليلي
........................حالي تردت كل ماله وتنهار

وفرقى ضناي اللي تردت بحيلي
...............كني على شوفتهم اصلى على نار

ياويلي كان الله عجل رحيلي
.....................وانالي سنين ابي لوهي اخبار

ياعونة الله الله من يبي يتكي لي
.................جارت علي بامرالولي كل الاقدار

تنكروا من يدخلون الدخيلي
..................واللي بوسط ديارهم يامن الجار

قولي لهم ياطيور قلبي عليلي
..................الله يكافي قلوبهم صارت احجار

وانا اللي لبراق الخيال استخيلي
..........................واقول ياعل (......) للامطار

.تكفين وسط ديارهم صوتي لي
........شوفي عسى لاسمي مع الناس تذكـار

وقولي لمن نسيانهم يستحيلي
...................يااللي نسيتوها ترى الوقت دوار

ياهيه ياللي بالسمالك هديلي
.......................ردي خبر تكفين يكفيني امرار

شوفي اكااللي نومهم في شليلي
...............من اذانه المغرب الى وقت الاسحار

شوفي اكااللي مااهتني في مقيلي
.........................الا بمقيل معهم كباروصغار

وقولي لهم ان كان حملي ثقيلي
.....................مره يجون وعقبها شي ماصار

وانا يتـولاني كريم جليلي
.....................ياعلني في جنته وسط الابرار

[العندليب الاسمر]

شكرا لك على
هذه الشعر الجميل





تحيات لك

[تقوى الهجر]

[align=center]هلا بك اخوي ضامي وبالقصيده
صح لسان قايلها
والف شكر لك
رائعه

ياليت نشوفك كثير بالشعر

تحياتي لك

أخوك


تقوى الهجر [/align]

[نهار]

هلا والله با الشيخ ضامي تسلم طال عمرك على ها النقل


وقولي لهم ان كان حملي ثقيلي
.....................مره يجون وعقبها شي ماصار


عسا متثقل حمولنا يضامي وعسانا خفاف حمول ثقال عقول قول امين


يعطيك العافيه


!! . نهار . !!

[ضامي الود]

هلا ناصر

حياك

وصح أبدنك طال عمرك

[ضامي الود]

هلا

تقوى الهجر


حياك والله اتمنى التواجد أكثر


وإنشاءالله خير

[ضامي الود]

هلا والله

نهار حياك طال عمرك

صح بدنك


آمين يارب

[ذيبان]

قولي لهم أن امكـم له عويلي
..................خمسـة سنين دمعها دوم مدرار

وقولي لهم اني على طول ليلي
...........................انوح ولياقرب الصبح انهــار

=============

الله يصبر كل أم مكلومه ببعد ابنائها

تحياتي لك اخي الكريم

ذيبان