اكتب موقف تعرضت له

[شلةالكروزر]

شباب نبي من كل واحد يقول موقف مضحك تعرض له انا ما عندي مواقف مضحكه تعرضت لها لكن بما اني انا صاحب الفكره تعرضت حق موقفين بايخين ولا يضحكون ولا شي بس مجبور اقولهم
مره كنت في الكويت وتدرون في الكويت تقدر تمشي بدون ليسن(رخصة قياده) وكان ابوي طالع مع عمي فأنا استغليت وهل فرصه وكان المفتاح الاحتياط للسياره عندي اخذت السياره واخت واحد من عيال عمي وياي وانا افحط ومستانس بروحي ويوم رجعنا وقفت السياره ونزلت ويوم نزلت شميت ريحة التواير من كثر التفحيط فقلت الحين اذا ابوي وصل وشم الريحه والله بيسويني مجزره والحل فشسويت رحت وشريت معطر جو ورشيته على تواير السياره علشان ابوي يشم ريحه حلوه وما يشم ريحة التواير. بايخه صح انا ادري انها بايخه بس شسوي هذا الموجود.

الموقف الثاني اول ما نزل شريط ميحد حمد لاغنية (خمس الحواس) رحت المحل علشان اشتري هل شريط ومعروف ان سعر الشريط دينار ونص(15 ريال) فلما سألت الهندي كم الا يقول لي دينارين ونص(25 ريال) سألته ليش سعر الشريط معروف في كل مكان الا يقول لي (بابا هزي في خمس هواس). والله مسخره اشكركم انكم تحملتوني وقريتوا مواضيعي البايخه الحين كل واحد يحط موقف مضحك تعرض له. ودمتم سالمين.

[نورالبحرين]

ههههههههههههههههههههههه تسلم على الموضوع

موضوعي هو اني قفلت حسابي بالمنتدى ولله الحمدل لولا سواق اللوري اللي استحمل غثاي كنت مارجعته هههههههههههه




سي يو سون

[بحرينية مجروحه]

هههههههههههههههههههههههههههههه


يسلموووو ششلة بس اشكره موضوعي دنيا المواقف امثبت وانفس الفكرة

يعطيك العافية

[شلةالكروزر]

يعطيكم الف عافيه يا حبايبي ويسلموا على المرور والردود.
[blink]تحياتــــــــــي
شلـــــــــــةالكـــــــــــــروزر[/blink]