سعودي وسكران منقول لووووووووول

[محرقاوي]

السلام عليكم ورحمة الله وبركاته

اليوم بااقول لكم قصه صارت معاي انا

هذا ياطويلين العمر والسلامه وانا في ليلتن من الليالي كنت بالدوام الساعه وحده ونص بالليل

او شئ اعلمكم عن طبيعة عملي لانها جزء من القصة

انا موظف استقبال في احد فنادق الرياض ومدير مناوب

جاني اتصال من الروم سيرفس يسألني يقول غرفة 331 طلب من عندهم عشا يوقع على الفاتورة والا

يدفع كااش . طبعا شيكت على حسابه وحصلت حسابه عالي وبلغتهم انه يدفع كاش قيمة العشا ولايوقع على الفاتورة

المهم بعد نص ساعه ساعه الا ربع جاني (( الويتر )) << العامل اللي يوصل العشا

جاني يشتكي من صاحب الغرفة اللي وصل له العشا والرجال مبين عليه انه باكي

قلت له ياشهاب وش فيك ؟؟؟ قال لي ان صاحب الغرفة رفض يدفع كاش ورفض يوقع على الفاتورة وضربه

وطرده من الغرفة .. اتصلت على النزيل وقلت له ادفع قيمة العشا ورفض وقفل الخط بوجهي

واتصل عليه مرتن ثانية قلت له هذا جزاتي يعني اخليك احيانا توقع على الفاتورة وانت حسابك عالي

وتعاملنا كذا قال لي يافلان انا بدفع المبلغ اللي علي بعد اسبووع ... قلت له ياالله الخيرة يعني بنقعد ندينك

اسبوع بعد ماتلاحظ انك مصختها واحرجتنا مع الادارة ... المهم ويقفل الخط بوجهي مرتن ثانية

واتصل على حارس الامن وقلت له تعال خذ الفاتورة وخله يوقع عليها علشان ندخل بالجهاز

المهم بيني وبينكم انا انقهرت يوم قفل الخط بوجهي مرتين ونويت له نيتن قشره وقلت لخويي اللي معي

والله مااكون ولد ابوي اذا ماخليته يفتح باب غرفته ويجيني هنيا .... واكلم قسم الاشراف الداخلي

وبلغتهم يفصلون الكهرب على غرفة 331 ونفذو الامر ... وجاني اتصال ورجعت لغرفة السنترال

لان ممنوع اتكلم وانا بالاستقبال . المهم خويي كان يسكن واحد شوي الا واسمع صوت ازعاج

واطلع من غرفة السنترال على الاستقبال على طول الا واشوف خويي ماسك عقاله بيده .. والحق عليه

وامسكه وشاورته خلص الزبون اللي معاك بالاول .. وخلصه عاد سألت خويي قلت له ضربك يافلان

خويي كان منقهر ولارد علي واعيد عليه نفس السؤال ضربك يافلان وبرضو مارد علي

وقال لي الكاشير اي ضربه .... قال لي الزبون ضربته وش بتسوي يعني

بيني وبينكم ريحة الزبون كانت فايحه ... تطرح الطير من السما ...قلت له انا اللحين اعلمك وش اسوي

وارجع للسنترال واتصل على الشرطة وقلت لهم في عندنا نزيل عليه حساب زايد والرجال سكران واعتدى علينا

في محل عملنا ... قال لي وينكم فيه قلت له فندق ...... وقال لي اسم المبلغ قلت له فلان

قال خلاص ربع ساعه وتكون عندكم دورية ....

واتصل على المدير العام وجواله مقفل والله حقدت عليه طيب ليه تحط رقم جوالك عندنا وتقفله

واتصل على نائبه ورد علي وبلغته بالموضوع من طئطئـ الى سلام عليكم

قال لي ليه تفصل الكهربا عليه .؟؟ قلت له هاذي الصلاحيات اللي انتم عطيتوني اياها

قال طيب ليه تبلغ الشرطة ؟؟؟؟ جاوبته ماقدرت امسك نفسي وهو ضاربن خويي

وانا اكلم نائب المدير الا والنزيل جاني وعليه فلينه وسروال قال افتح الكهرباء

قلت له انا قلت لك ادفع قيمة العشا ورفضت لاكن وربي اللحين مااشغل لك الكهرباء

الا لين تدفع المبلغ اللي عليك كله والله لو على فصلي والمدير يسمع كلامي انا وياه

قال لي يافلان انا مثل اخوك الكبير .. قلت اخوي اشرف منك اخوي مايسكر

قال لي عيب هاالكلام انا في مقام ابوك ... قلت لاتجيب طاري ابوي على السانك

خلاص قفلت الاخلاااق

والمدير يسمع ردي عليه ويقول يافلان هدي هدي قلت له خلاص ياابو محمد انا اكلمك بعدين

قال الله يعينك سو اللي تشوفه زين

قلت للنزيل ارجع لغرفتك .. قال لي كيف انام والكهرباء ماتشتغل

قلت مو عاجبك نام بالشارع والا ادفع الحساب اللي عليك

والله والرجال يذلف عني ... وشوي والا والسكرتي يتصل علي يبلغني ان الدورية وصلت

والله وانزل لهم تحت واشوف رجل الامن <<< حلوه رجل الامن كثر منها

واشوف الشرطي صغيرون ومعصقل والرجال الي شاكيه عيرررر جسمه غير طبيعي

قلت له مامعاك احد ؟؟؟ قال شوي وتجي الدورية الثانية

المهم قال لي وين النزيل ؟؟ قلت له بغرفته واطلع انا والشرطي وحارس الامن ويوم دخلنا مع الممر

الا والرجال فاتح باب غرفته علشان ينور عليه السيب ويطلع عشاه

قلت له هذا هو ... قال الشرطي له انت فلان ؟؟ قال اي

قال عطني اثباتك وتحقق من اثباته قال له البس ثوبك وتفضل معنا للقسم

عاد الرجال قام يتهول ويرفع صوته هذولا سرقوني ومدري ايش دافع لهم اكثر من 7 الاف ريال

قلت له سبع الاف معطيناها شرهه والا قيمة سكنك وخدماتنا لك اكثر من شهرين ونص

المهم الشرطي واقف بيني وبينه وهو يدف الشرطي ويدفني على الجدار ويستفرد فيني بقووس :((

اللي يشووفه يقول مايك تايسون مدري شااسمه .. المهم الجدار معلقه فيه طفاية حرريق

ويصك ظهري بطفاية الحريق .... ودوروني ماعاد تلقوووني والرجال مستفرد فيني ضرب

يالله الشرطي والسكرتي فكوني منه والله وياخذه الشرطي وينزله تحت

قلت للشرطي تعال هو مايقول دافع لنا 7 الاف ريال تعال شوف حسابه كم وصل اللحين

ونروح عند الكاشير علشان نشيك على حساابه الكاشير المسكين مجمع فواتير لغرف ثانية ومرتبها حسب ارقام الغرف

علشان يدخلها بملفاتها وياخذ الفواتير ويرميها بوجهه قدام الكاشير

قلت للشرطي شف بعينك تعدى على خويي في محل عمله وعلي قدام حضرت جنابك واللحين على الكاشير قدامك

عاد الرجال قام يزود العيار من ناحية التهويل ويسجد بالارض ويضرب الارض ويدعي علينا

قال الشرطي ياالله همتكم معنا نبي نشيله ننزله تحت يوم جيت ابساعدهم قال لي انت ابتعد عنه لايتبلاك بعد

المهم يوم نزلنا تحت ويركبونه سيارة الشرطة الا والدورية الثانية توها جايه

ماشاء الله بدري طال عمرك توك توصل

المهم يوم ركبوه جو بيكلبشووونه وهو يرفض ويتشاد معهم بالكلام والله وهو يصفق الشرطي الاول بوقس على اسنونه وطير

اثنين منها والثاني قطع زرارين من قميصه

ويالله يكلبشووونه ويركبونه السيارة

دق علي المدير يسألني شااللي صار قلت له هيك وهيك وهيك

قال هذا ماهو صاحي

رح للكاشير وخذ برنت من فاتورته علشان نطالبه بدفع المبلغ

والله واخذ نسخة من الفاتورة والحقهم للقسم

ويوم وصلنا للقسم وينزل الشرطي ويكتب المحضر هو عاد يصايح ويزاعق

ويتهدد فيني هههه استغفر الله العظيم يقول لي والله مااخليك الله يوريني فيك يوم

المهم وندخل على الضابط المناوب وضحك يوم شافني قال انت ماغيرك

قلت هو زاااته مين بيجيك بمثل هاالوقت غير المشاكل اللي عندنا

المهم قرا المحضر ويسألني شاللي صار فيني

قلت له والله حنتسي رايحين فيها شوفة عينك

ظهري مااحس فيه

وسأل الشرطي وشاف اسنونه المتكسرة

المهم الرجال قام يصايح يايمه يايمه

انا والله قطع قلبي يوم قال يايمه

قال له الضابط امك لو شافتك وانت بالوضع هذا كانت تبرت منك ياالرخمه عز امك عزها

رد على الضابط احترم نفسك انت في مقام ابوك والله والضابط يتحمى له بذاك الكف اللي برد خاطري فيه

تضربني وانا اكبر منك ويرد عليه بالثاني

المهم قلت للضابط انا وخويي مانتنازل عن حقنا

قال ماعليك والله ان تاخذون حقكم ان قاله الله

المهم واعطيه صورة الفاتورة اللي نطالبه فيها ورفقها مع المحضر

قال سجل جوالك عندي علشان اذا دفع نتصل عليكم والله واشك له رقم جوالي + رقم الدوام

والرجال ودوه على التوقيف ... وارجع انا للدوام

المهم وبعد السالفه هاذي بأربع ايام اتصلو علي الصباح وانا مخلص دوامي وكنت شاك بالمنتدى

قالو فلان الفلاني قلت اي نعم قالو معاك قسم الشرطه تعالو استلمو مبلغكم اللي تطالبون فيه الرجال

قلت والله انا دوامي انتهى ... عندك الرقم الثاني اتصل عليهم يرسلون لك المعقب يخلصون الموضوووع معكم

قالو على خير ... حتى واحد من الشباب معانا هنا بالمنتدى كان شابك بالشات معاي وبلغته انهم اتصلو علي

واخينا بالله الساعه 12 الظهر يتصل علي من رقم مااعرفه ويغير صوته يقول تعال للقسم وخلص موضوعك

انا والله صدقته قلت له خلاص اجيكم بالليل <<<< يبي يتهرب من الدوام

وتالي الدرج ضحك وعرفته

وتوته توته وخلصت الحتوته

ابيكم تجاوبون على بعض الاسئلة

السؤال الاول / كم رقم غرفة النزيل اللي اعتدى علي ؟؟

السؤال الثاني / وش اسم العامل اللي ودى له العشا وانضرب المسيكين ؟؟؟؟

السؤال الثالث / مين هو الدرج اللي اتصل علي ومثل انه قسم الشرطة ويبيني اجيهم

هعع هعع الله لايعيد ذاك اليوم

__________________

**لعبــــة التذليــــــل**


منقول
[blink]محرقاويdkhan[/blink]

[ميشوووه]

واووووووووو خشيت جوا فيها تحمست
ربي ستر

[!!الـهـامور!!]

يا ليتني كنت موجود


اغ اغ اغ اغ

ومشكوووووووووور

اخوي

والله ال يحرمنا منك

تحيااااااااااااتي

!!ابو حسن!!

[ارنوبه الشقيه]

هههههههههههههههههههههههههههههههههههههههههههههههههه هههه

مشكور اخوي