الله يساعدنا على بنات نفس هالاشكال هههههههههههههه

[محرقاوي]

السلام عليكم ورحمة الله وبركاتة

كيف الحال اخواني وخواتي انشاء الله بخير

اتمنى تكونوا بخير دائما وابدا

طبعا ماراح اطول عليكم ...

اليوم راح اقولكم وش صار لنا أول ايام الأختبارات النهائية في >>>>انا وشلتي الداشرة

نبدا بالسالفة

اولا بعرفكم على اعضاء الشلة الداشرة ..

1-جالكسي :- طبعا هذي البنت يعجبها كل شي... عمرها ماقالت هذا مو حلو؟؟!!حتى لو كان مو حلو تقول حلو

ودائما وابدامرجوجة الناس اذا كبرو عقلوا وهي لكبرت زادت رجتها وتمووت في شي اسمه جالكسي ..



2-أم أند أمز(وهذي هي انا) :- طبعا هذي البنت مرجوجة

بس نسبة الرجة فيها بسيطة مو مثل رجة جالكسي وتمووت في


شي اسمة ام اند امز ..

3-تويكس :- وهذي البنت مدري وش اقولكم عنها وطبعا

هي دافورة الشله يعني شاطرة ""بس العكس صحيح "" وتموووت

في شي اسمة تويكس ..

4-كت كات :- وهذي البنت ماهمها احد اهم شي اتسوي

اللي في راسها وبس ودائما رايقة وتموووت في شي اسمة كت


كاات ..

5-ماارس :- وهذي البنت تقريبا مثل مواصفات كت كات

دائما رايقة وطبعااختنا ماارس أم الافكار تجيب لك افكار جهنمية


مدري من وين تجيبها و خليناها دفاع لشلة لانها دائما تطلعنا من المشاكل بفكارها الجهنمية وترقيعاتها اللي تجي مع الموقف

وتمووت في شي اسمة ماارس ..

6-اسنكرز :-هذي دائما وابدا مفهية بقووووة نقولها يمين

تروح يسار مدري وش سالفتها مع التفهي هذا وتموووت قي شي


اسمة سنكرز ..

7-باونتي :- طبعا دائما عجزانة ""الاخت سودانية""هاهاها

ولا تحب المشاكل(والعكس صحيح) وطبعا اموووت في


الباونتي ..

.................................................. .................................................. ..............................
الحين نبداء بالسالفة ....
قبل الاختبارات كنا انا والشله غايبين اسبوعين من الشطارة الزايدة ( مايدرون انهم غايبين علشان الدجة في الاسواق

والنووم ) . وبعداسبوعين ... أول ايام الاختبارات شفنا بعض وسلمنا على بعض وقعدنا وكل وحدة تقول لثانية ماابي اسولف

ابي اذاكر ( وانتوا عارفين ان الكتاب ماندري وش فية ) قلنا على الاقل نقرا كلمتين تنفعنا ولما نطلع من قاعة الاختبار

بنسولف على كيفنا وحنا قاعدين نذاكر يمرون علينا البنات ويوقلون في قلوبهم ونظراتهم لنا تقول وش ذا الهدوء اللي بعد

العاصفة معقول الشلة الداشرة تذاكر؟؟ ومعقولة عندهم كتب يقرونها؟؟ المهم هم استغربوا وقالوا اكيد صاير شي في الدنيا

وحسدونا البنات على المذاكرة ( لو يسألون وحدة فينا ماندري وين ربي حاطنا فية ) بعد الصمت الطويل قامت اختنا أم اند

أمز تضحك !! قلنا : وش فيك تضحكين؟! قالت تذكرت موقف صار لي وضحكت ( طبعا هي تبي تسولف بس ماتدري

وشلون تبدي السالفة ) قلنا : وش صارلك ؟؟ قالت : انها مرة راحت السوق وفي محل من المحلات الي موجودة بابة مقفل

وقدام الناس تجينا اختنا في الله ام اند امز تحسب المحل مفتوح وانتوا خابرين شسالفة ؟؟ وتفتح الباب بقوة وتصفق خشتها

بالباب طبعا اختنا حولة .. وقعدنا نضحك عليها ( الله يرجك يا ام اند امز .. هاهاها ) ورجع علينا الهدوء مرة ثانية طبعا

اختنا الثانية جالكسي عجبتها الخطة اللي سوتها ام اند امز وقامت تضحك جالكسي .!! قلنا وراك تضحكين ؟؟ قالت : تذكرت

موقف صار لي . قلنا وش صار !!؟؟ قالت : مرة كنت داخلة محل جديد وهذا المحل مسوي افتتاح والمحل كبير وفية سلم

يصعدك لطابق الثاني وهذا السلم ثابت طبعاوموقع السلم عند بوابة الدخول والخروج وقدام المحاسبين وكان وقتها المحاسبن

سعوديين واختنا جالكسي تفرجت على الطابق الاول وقالت لنفسها بصعد الطابق الثاني وتجيك المرجوجة وتركب السلم

وتطيح وكل ماقامت مدري وش يصير لها وتطيح طبعا من كثر رجتها والناس يضحكون عليها والاطفال تجمعوا عندها

ويضحكون ويقولون وش ذا المهرج اللي حاطينة في الافتتاح وانحرجت هي وقالت مستحيل ادخل المحل مرة ثانية .

بعد السوالف هذي انتهى الوقت وجا وقت الجد ولازم ندخل القاعات وحنا ماراجعنا أي شي ولاندري وش السالفة طبعا الشله

الداشرة مستحيل يمر يوم مايصير لنا موقف طبعا الموقف اللي صار جونا الاستاذات وقالوا : كل وحدة على قاعتها . وحنا

ماندري وينا فية اصلا وقعدنا نتمشى داخل الكلية وندور القاعات اللي فيها اسمائنا ومن زود الذكاء اللي فينا نشوف اسماء سنة

ثانية نحسب اسمائنا معهم المهم مالقينا قاعاتنا وكل البنات دخلوا القاعات ماعدا الشله الداشرة ماتدري وينها فية وجتنا وحدة

من لأستاذات وقالت : ناظروا الورقة الاولى مو الثانية اللي حاطينها في الباب ورجعنا ندرو حول الكلية مرة ثانية ندور على

الاسماء وشافتنا العميدة وقالت : كل البنات دخلوا وانتم لية مادخلتوا قلنا : مالقينا اسمائنا وندور عليها قالت : بسرعة

لاتتاخرون ولا ماراح تدخلون الاختبار المهم شفنا قاعاتنا ودخلنا طبعا الشلة كلها مفارقينا حاطين كل بنت او بنتين من شلتنا في

قاعة ودخلنا بعد مرور نصف ساعة على الاختبار واختكم باونتي شافت قاعتها ودخلت وجلست على الكرسي والاسم اللي

موجود على الطاولة مو اسمها قالت بلاش اقوم وافشل نفسي. وجتها وحدة مشاء الله طول بعرض وانتوا خابرين اختكم

ماتحب المشاكل قالت هذا محلي وفية اسمي يالله قومي قالت لها يابنت الحلال الكرسي اللي وراي فاضي اجلسي فية

ولاتفشلينا . جت الاستاذة قالت : كل وحدة على تجلس على الكرسي اللي فية اسمها . قلت يا استاذة الكرسي اللي فية اسمي

هنا في القاعة بس مدري وين ؟؟ (طبعا سودانية دائما عجزانة ) قالت : قومي دورية واجلسي فية . قلت لها :دورولي

الكرسي بعدين اقوم قالت الاستاذة قومي بس بلادلع علا كرسيك..قالت باونتي: حاضر ولقت الكرسي وجلست فية وعطوها

ورقة الاختبار بعد البهذلة اللي صارت و هي في القاعة .. رن جوالها. قالت:يالليل مطولك الله يعدي اليوم على خير جاية

متاخرة ويرن الجوال بعد (شين وقوي عين ) قالت المراقبة اللي في الاختبار عطيني جوالك ؟!! قلت لها اسفة..شتبين فية.

. وبحكم اني بنت شيوخ شافت اسمي وسكتت وقامت تبتسم لي (واسطة قوية ) هاهاها طبعا اللي دق عليها اختنا دافورة الشله

تويكس(العكس صحيح ) طلعت اول النااس من القاعةوكلمتنا تبينا نطلع معاها المهم اعضاء الشله كلها طلعت (قلوبنا على

بعض )في نفس الوقت ومن الشطارة دخلنا اخر النااس وطلعنامن القاعات اول النااس شافتنا العميدة !! قالت انتوا ماخلتوا ؟؟

قلنا : الادخلنا وطلعنا . قالت قدمتوا زين ؟ قلنا :انشاء الله اعضاء الشله الداشرة من الاوائل بس مو الاوائل الناجحين من

الاوائل الراسبين .. ونزلنا في الكفاتيريا ونسولف كل وحدة تقول لثانية هاة وش سويتي قالت حليت بس ماندري وش

الموضوع (طبعا كلنا نفس الشي في الهواء سواء) ونقول الاسئلة سهلة مررررة ومن شدة الصعوبة البنات ما أمداهم ينتهون

بس شلتنا غير وحنا نسولف تجيكم اختنا كت كات واختنا ماارس طبعا هم دائما رايقات لوتقولون الدنيا احترقت ماتوا من

الضحك !! كانك قايلهم نكتة ويجونا كت كات ومارس بعد ماخذوا جولة حول الكلية وحدة تغني وترقص وحدة تصفق

وترقص "رايقات " ويشوفونهم شؤون الطالبات "راحوا فييها" طبعا كت كات ومارس قاموا يرقعونها قالوا:حنا نسوي رياضة

علشان رشاقتنا طبعا صادوهم والكذبة مامشت معاهم وخذوهم وكتبوا تعهد وعطوهم كم زفة وجونا وحنا نضحك عليهم

وجلسوا معانا وكل وحدة نفسها عند خشمها يويل وحدة كلمتهم ويعم الصمت على الشله تضامنا مع كت كات وماارس .

وتجيكم اختنا المفهية سنكرز ماتدري وش السالفة قالت غريبة ساكتين وش صاير قلنا لها اسكتي ليصير اليوم اخر يوم في

حياتك ؟؟!! طبعا هي مفهية قامت تضحك وقالت احسب عندكم سالفة وخافت على نفسها وراحت ورجعت لنا بعد ساعة تقريبا

ووجهها مصفوق وكشتها طايرة والجزمة "اعزكم الله" ماسكتها بيدينها وشكلها نكتة في ذيك اللحظة قلنا وش فيك ؟ قالت:

كنت امزح مع بنات تعرفهم وقالت لنفسها ابي اكب عليهم موية مجرد مزح وفتحت علبة الموية ولما جت تكبها كبتها في وجة

مساعدة العميدة طبعا "الذلة بنت حلال" وخافت اختنا وحطت رجلها عندنا تبي الفزعة من شلتها الداشرة قلنا : ولا يهمك هي

خاربة خاربة خلينا نعميها وجتنا وحدة من الامن اللي في الكلية وقالت وين سنكرز؟! قلنا لها مايصير تاخذونها لوحدها حنا

كلنا معاها . قالت : روحوا الى شؤون الطالبات . طبعا حنا فزعة ورحنا لشؤون وقلنا خير وش السالفة ؟! قالوا لنا انتوا

كلكم سنكرز قلنا لا حنا مجموعة شوكولاتات داشرة هاهاها "طبعا مزحة" مايصير تاخذون وحدة والباقي لا لزم كلنا مع بعض

في السراء والضراء (ياعيني على صداقتنا)وطبعا انواع المخالفات علينا والجولات معانا وعطونا محاضرة طويلة على

تاريخ الشلة الداشرة في الكلية وكل وحدة فينا تضحك تقول توا الناس ماشفتوا شي ونقول هذا الكلام في قلوبنا طبعا لية حنا

ناقصين محاضرات بعد ؟ وبعدالمحاضرة قلنا خلاص سامحونا وبلاش تعهد من اول ايام الاختبارات وبحكم ان الشلة كلها بنات

شيوخ قالوا خلاص ولاتكرروها قلنا : اوكي نبي نطلع وبس .. وطلعنا وشافونا البنات وقالوا: هذي الشلة اللي خابرينها

دائما في الشؤون . وانتهى اول ايام الاختبارات وختمناها في الشوؤن . "وانتهت السالفة"




وراح تكون في اجزاء جديدة وطـــــــــــــازجة عن اعضاء الشلة بس بشرط؟؟

اذا شفتكم متحمسين بالسالفة وعجبكم الموضوع راح انزل الاجزاء الباقي ..
__________________
ان كان خــــانـــــتــــك الــمـــرجــلـــة لحـــــظــــة الخــــوف..لـــبــــســــنــــي الــغــتـــرة و أبــشــر بـــعــزك..


اللة يهنيك مع ناس تغالي بك..وانا علا نيتي مولاي يعطيني..
العام دايم أسولف بــك واغني بك..واليوم انتهى كل شيء مابينك وبيني..


شايــــــــــلــــــــة جـــــروحــــهــا بــــروحـــهـــا

--------------------------------------------------------------------------------
[blink]ترقبوووووووو المزيد يا حبايبي
محرقاويk8[/blink]