ليلة الشيبان و الفلم الخليع .. ممنوع دخول المبزرة

[ابو ميحد]

سلام عليكم عن بكرة ابيكم بارك الله فيكم والخليجين خياله ويازين المهستر فيهم



هالموضوع كامل وماهنا تقاطيع عشان ماحد يخنفر علي .. وتورم براطمه















وانا منسدح في بيت الشعر في حوشنا وفي تلك الليلة الشتويه البارده .. التي كاد بردها ان يقرس جسدي (( ابوك يالاسلوب )) .. فجأه طق جرس بابنا وذهبت وافتح الباب وإذا بجارنا يقول : هل والدك موجود فقلت له ان ابي غادر البلاد وأمي ذهبت عند اختي مزنه . )) فضحك ضحكتن قويه وكانها صوت ماطور مزرعه .. قلت له خير وش تريد <<< وش تريد مدري وشلون جات .. قال انت ابو ميحد قلت له ماتعرف تقرا اللوحه يالووووح اللي عند الباب .. قال قريتها مكتوب عليها فيلا ابو ميحد ((( بيني وبينكم عندي لوحة كاتب فيها فيلا ابو ميحد وحاطها بشنطة موتري لامن سافر ابوي .. طلعتها وعلقتها في الجدار ولامنه جا فكيتها )) اخاف يشوفها ويفلقني ويقول تبي تورثني وانا حي .. التفت للشايب جارنا وقلت له .. وش تببببببببي
قال عندي فلم فديو ولا اقدر اشوفه في البيت .. انا عاد قمت اناقز في الحوش كالكنغر فرحت كثيرن .. قلت له ااااه يالخبيث اجل فلم .. هذا وانت متزوج تطالع لافلام نص كم .. هو انحرج مني وطاح وجهه .. قلت له ولا يهمك ولا تنحرج احنا ليش جيران .. اقلط وبطلب من المطعم عشا نتعشا ونتقهوا ونسهر على الفلم (( ماصدقت خبر )) .. وهو اللي يدخل ... وانا اتصلت على مطعم يجيبون عشا .. وانا بصراحه من الفرحه ماخليت شي الا وطلبته مو عشان خشة جاري عشان الفلم .. زمان ماشفت هالعلوم ... ونتعشا ونسولف ((( بصراحه اول مره اعطيه وجه ماكلمته الا مره وحده بس يوم وقف سيارته عند بابنا قلت له طلع سيارتك لا انسم كفراتها ))
ونتعشا ونتقهوا .. واحط الفلم في الفديو واعيده من اوله .. عشان اندمج واقفل اللمبه عشان ماننحرج مع بعض .. وفجاه طق الجرس .. واطفي الفديو واشغل محطة السودان .. واولع اللمبات ... واروح افتح .. واطالع يمين ويسار مافيه احد وارجع ... واطفي اللمبات واشغل الفديو (( والجار منسدح ينتظر بس اشغل هالفلم اللي هو جايبه ومتحمس
)) .شوي ويطق الجرس ... وطفيت الفديو وفتحت اللمبات وحطيت التلفزيون على محطة ليبيا .. واروح افتح الباب .. الا وفيه شايب من جيرانا قال لعبت عليكم صح .. اهي اهي خوفتكم صح ... قلت وش لعبت وش خوفت الله يصلحك .. قال ابو سعد عندك .. دخلت داخل عند جارنا قلت انت ابو سعد قال ايه .. قلت فيه شايب برا قال اااااااااايه ابو عليان الشايب انا قايل له يجي يوم صلينا العشا قلت له يجي هنيا يتقهوا ويسهر معنا .. (( مالت عليك وعلى خشتك مسوي فيها كريم على حلال غيرك ))) ويدخل ابو عليان ... وقال شغلوا الفلم ... قلت بعد اجل متفقين ... شكلي بفتح دار العجزه ولا افتحا مجلس اباء ... واطفي اللمبات واشغل الفلم .. وقبل يبدا طق الجرس ... لاحوووووووول واقوم وافتح الباب اثاريه مناحي ولد عمي ... ارررررررررررحب واقلطه داخل ... شاف الشيبان والتفت لي .. قال سلامات وش فيه .. قلت ابد شوفت عينك جايبين فلم يبون يتفرجون له .. ومناحي ماصدق خبر قال شغغغغغغغغغغله تكفى .. واناظر له قلت الحمدلله رب العالمين وش هالمراهقين المتجمعين عندي .... (( ماكني كنت اناقز يوم جاب الفلم )) ... ويقوم مناحي ويطفي اللمبات ويشغل الفلم ... ويتسدحوون الشياب .. ومناحي انسدح على بطنه... ويشتغل الفلم ... اول مابدا شاشه مخططه بالوان ... وطوووووووووووووط .. بعدين دعاية البان المراعي ..... ؟؟؟؟؟

وش ذا الفلم اللي اوله دعاية لبن ... ثمن جات مقطع نشرة اخبار والتفت على الشايب قلت وش السالفه .. قال مسجل على الفلم ... الحين بيجيك اللي تبيه لاتستعجل ..

شوي ... وتطلع لنا لقطه ؟؟؟؟؟؟؟؟؟؟؟؟؟؟؟؟


























وش ذااااااااااااااا
















لقطة اغنية لسميرة توفيق وهي تغني وبالله صبوا هالقهوه وزيدوها هيل .. وهي تغمز بعينها ... واناظر للشيبان الا وهم صاكينها تنااااهيد .. وانا اللي يطلع دخاان من خشمي من القهر وترتفع عيوني الى هامتي ومناحي .. فك خشته وطلعت عيونه مثل افلام الكرتون .... الا وجارنا يقول لابو عليان
هيهااااااااااااااات يبو عليان انت تشوف يابري حالي بريااااه اويحاااااااااه على بنت توفيق ... ويطق بيده على صدره

ارسلت مسج بالجوال على مناحي .. تكف يامناحي اطلع برا وقفل طبلون الكهرب حسابهم عندي ومناحي ماصدق خبر ومن الحماس ماطلع من الباب قام وفززززززز وطب من الجدار وهو اللي يقفل طبلون الكهرب ... وانا اللي اقوم والزخ الشيبان بسلك الفديووووووووو ... لابوكم لابوووو من جمعكم جايبين لي فلم سميره توفيق .. الناس وصلوا لرووووبي ولناانسي عجرم ,, وانتم على سميره توفيق ... صاكيني مشاوير من الفديو الى مفتاح اللمبات الى الباب وجايب عشا .. ومعطيكم وجه وفي الاخير سميره توفيق ... الا وابو عليان يصارخ ويقول اهئ اهئ ابي امي ابي ابووي ابي زووجي .... وشوي يجي ابوي ويدخل البيت ويشووفهم قال خيييييييييير قلت يبه كفشتهم وهم يبون يسرقون
اسطوانات الغاز من الحوش ...........

[هاوي حنانك]

حلوووووووووووووووووووووووه

مشكوووووووووور ابوميحد

[ام الشباب]

هههههههههههههههههههههههههههههههههههههههههه
يسلموووووووووووووووووووووووووووو

[وجودي]

يسلموووووووووووووووووووووووو صادوه تجنن
بس اسلوبك العامي هو اللي محليها

[ابو ميحد]

هواي حنانك & ام الشباب & وجودي



مشكورين جدا على المرور يا حلوين

[عواااش]

هههههههههههههههههههههههههههههههههههههههه الله يرجك ويخظك

[محرقاوي]

انشالله تحصل فلم عدل انا عندي تبي خخخخخخخخخخخ فديت خشمك مشكووووووووور

[ابو ميحد]

محرقاوي & عواش




ترى الردود ببلاش




والحبر في المنتدى واجد




ليه ردودكم صغنطوطة