|
.gif) |
|
||||||||
 |
|
|
LinkBack | أدوات الموضوع | طرق مشاهدة الموضوع |
07-31-2005, 01:31 AM
|
#1 | |
|
معاناه شاعر مع جهازه/////
جهازي بدا يتلـف حديـده وفيـه اصـوات
جميـع المشاكـل فيـه وازريـت احددهـا يقوم ويطيح ولـو مشـى يكثـر الوقفـات كما الفاطر اللي تشكي الضلـع مـن يدهـا حداهـا الكبـر والضلـع ماتقـدر الشـدات ونظرها ضعيف وجايـر الحمـل يجهدهـا اذا جيت باخذ مـع هـل المنتـدى لحظـات (يهنـق) ولحظـات السـعـادة ينكـدهـا يقولون لاعاند معـك سـو لـه( فرمـات) وانا كيـف( افرمـت) والتعاريـف فاقدهـا شريتـه قبـل عاميـن بالنقـد والطلبـات ثلاثـة الـوف قبـل اشيـلـه مسـددهـا وبعد ماشريته قـال خالـد زد (الرامـات) تراهـا قليلـة كـان تبغـى الظفـر زدهـا ويقولون دور لـك جهـاز مـن الزينـات وترى قيمته كـان انـت طفـران قصدهـا وخـل القديـم اللـي مبهذلـك عـده مـات بعـه للهنـود ببخـس الاثمـان وازهدهـا وانا كيف اعاقب صاحبي راعي الحسنـات واواديــه هـنـدي كـروتـه يبـددهـا وانا للخوي لو بار ما ارضى لـه الضـدات الاوي علـى رفقـه رفيـقـي واجـودهـا واودر له الاعذار واغضـي عـن الـزلات ولا اواخـذه فـي زلتـه لــو تعمـدهـا واجامل مـع تقديـر معروفـه اللـي فـات والا ما اكثر افضالـه علـي لـو اعددهـا معه صرت اعرف النت وادخل علىالساحات واكاتب فحـول الشعـر واقـرا قصايدهـا واتابع علوم الكـون واقـرا مـن النشـرات تجـي طازجـة قبـل الـروادي ترددهـا قطعنـا مسافـة بالـنـداوي وشعبـيـات صروح الرجـال اللـي بنتهـا سواعدهـا خذينـا بهـا مـرواس بالنظـم والقلطـات نصـدر جـديـدات العـلـوم ونـوردهـا نراسل نشامـا هرجهـم يفـرج الضيقـات رجـال قبـل تنشـر مواضيـع تنقـدهـا ولا ياجهازي معك باصبر علـى الشـدات واكافـح معـك ظيـم الليالـي واجاهدهـا >>>>>>! اخوكم !!ابوحسن!! |
|
|
    
|
|
07-31-2005, 12:31 PM
|
#3 | |
|
|
يسلمووووووووووووووووووووو
اخوي على مرورك والله لا يحمنا منك ويحرمنا من شيطانت المنتدى تحيااااااااااااااااااااااتي !!ابوحسن!! |
|
|
|
|
|
07-31-2005, 12:57 PM
|
#4 | |
|
|
خذينـا بهـا مـرواس بالنظـم والقلطـات
نصـدر جـديـدات العـلـوم ونـوردهـا نراسل نشامـا هرجهـم يفـرج الضيقـات رجـال قبـل تنشـر مواضيـع تنقـدهـا صح لسانك على الابيات والله يعينك على جهازك مع تحياتي اسيــــ الوجد ـــر
__________________
الاسـ‘ـم..نـ‘ـايـ‘ـف..ومـ‘ـن..رجـ‘ـال(ن)..مسـ‘ـمين ......تمـ‘ـشي..علـ‘ـى..دروب..المـ‘ـراجـ‘ـل..خطـ‘ـأ هـ‘ـا قبيلـ‘ـتي..حــــ‘ـــــرب..وعلـ‘ـى..العـ‘ــز..ماشيـ ـ‘ـن ..........يحـ‘ــق..لـ‘ـي..أفخـ‘ـــر..بهـ‘ـا..واتبـ ‘ــــاهـــ‘ــا |
|
|
|
|
|
08-01-2005, 03:59 AM
|
#5 | |
|
|
بو حسن ,,
صح لسااانك .. والله كنك تحكي عن جهازي .. من جد معناه هالأجهزه اذا هنقت يعطيك الف عافيه اخوي ,,
__________________
 ؛ صاح الزمن بـ أيامه البيض عجلات ... ولا بقى لك غير سود النكوفه قريت تاريخ الـ هوى عشر مرات ... وآخر سطر مابيّـنت لي حروفه ..! |
|
|
|
|
|
08-01-2005, 07:57 AM
|
#7 | |
|
|
[glint][align=center]بو حسن ,,
صح لسااانك .. والله كنك تحكي عن جهازي .. من جد معناه هالأجهزه اذا هنقت يعطيك الف عافيه اخوي ,,[/align][/glint]
__________________
|
|
|
|
|
|
08-18-2005, 05:45 PM
|
#8 | |
|
|
مشكوووووووووووووووووووووووورين
اخواني واخواتي على مروركم والله يعطيكم العافيه تحيااااااااااااتي !!ابوحسن!! |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
