حنا الســـــــــــــــعودين

[أبو ممدوح]

انقلها لكم مع التحفظ




للدكتور. صعب بن محمد الزعيمر الشراري {عكاظ} 528

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .

حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .

حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..

حنا السعوديين أحسن المسلمين والعرب.(هيّن بس) .!!

ملاحظة : كل المعلومات الواردة في المقال صحيحه وعلى حسب الإحصائيات



وللجميع أطيب تحياتي وتقديري ,,,,,,,,,,,,,,,,,,,,,,,,,,



أبو ممدوح

[AL-BADER]

[align=center]أبو ممدوح والله ضاق صدري كيف إن فيه واحد يفكر بالشكل هذا لا وشراري من أهل الشمال المعروفين بالغيره والحميه والله مدري وش أقول أبو ممدوح هو صادق في بعض الأمور بس بس عنده إعتقادات مالها داعي والله أجل يبغي البنت تطلع لحاجات لو ماكانت مهمه ياخي ممكن تمارس الرياضه في بيتها ولحد قايلها شي وبعدين أنا ودي أوضحله نقطه إذا هو يعتبر إن السواقه بالنسبه للمرأه عادي ليش عشان زمان كانو الحريم يسوقون<<< زمان غير والحين غير هو بنفسه قالها: وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا,,7 )) أو ترمينا بحجر )) طيب الي حصل الحين معطيات تدل إن النساء معرضات للخطر إذا ساقو..
بكل صراحه يابو ممدوح الرجال ماهو مركز مع إحترامي..
أبو ممدوح
،
،
،
تحياتي
وماقصرت على الموضع [/align]

[مهدى المصرى]

[align=center][glow=FFFFFF]الســــــعودية

ذلك البلد العربي الجميل

والذي يحتوي علي أفضل بقعة وأحبها ألي الله تعالي ورسوله الكريم

ألا وهي .. مكة المكرمة

أنني أحب السعودية حبا شديد

ولكنني أظن أن السعودية كبلد مسلم تطبق عند الزواج

النظرة الشرعية من قبل الرجل للمرأة

***

ولكن معني كلامك ان هذا لا يحدث

ورغم كل السلبيات التي ذكرتها أنت

فأن الأيجابيات تظل أكبر بكثير

***

فللسعودية مني جزيل الأحترام

ولكاتب الموضوع جزيل الشكر

***

مهدي المصري [/glow][/align]

[غمــــــــــووض]

[align=center]مهما كانت الاحصائيات صحيحة

ليس هذا سبب ليكتب بهذة الطريقة ؟

الى هذا الحد وصل فية الحال من اليأس ؟

وحتى لو كانت محاولة لفت انتباه للسلبيات من المفترض

ان تكون ارقى اذا كان الخالق عز وجل رفع من شأن المرأة

يأتى من بنى البشر من يستهين بها !!

بالنهاية الاقلام وما تخط تعكس عقلية الكاتب

ابو ممدوح يعطيك العافية ونكتفى بالقول حنا سعودين بشر نخطئ ونصيب[/align]

[أبو ممدوح]

عزيزي الفاضل / AL-BADER

أسعد الله جميع أوقاتك بكل خير

أشكر لك مرورك الكريم على الموضوع كما أشكر لك تفاعلك مع الموضوع وما كتبت حق من حقوقك التي تدلي بها من وجهة نظرك ولا نختلف على بعض الحقائق لأننا قد نراها من نفس الزواية ولكن نختلف على بعض الحقائق التي قد نراها من زوايا مختلفة فيدلي كل شخص حسب ما يراه من زاويته .

والأختلاف في وجهات النظر لا تفسد للود قضية .

شاكراً لك, متامنياً أن ما يطرح من مواضيع تعود بالفائدة على جميع القراء.

ولك أصدق وأطيب تحياتي وتقديري ,,,,,,,,,,,,,,,,

أبو ممدوح

[أبو ممدوح]

عزيزي المحترم / مهدي المصري

السلام عليكم ورحمة الله وبركاته

أشكرك جزيل الشكر على مرورك وتعليقك .

نعم هناك بعض العوائل تمنع النظرة الشرعية التي أقرها ديننا الحنيف وهذا من الأمور التي دفعت الكاتب لطرحها من خلال موضوعه.

أرجو أن لا تستغرب, فهذا واقع ولا نستطيع إخفائة
يعني كما قال الكاتب ( الزوجة ليلة الدخلة تكون حظ نصيب ) يقبل الأرتباط بها بناءً على وصف إما والدته أو أخته أو أحد قريباته .
واقع لا نستطيع إنكاره .!!!!!!!!!!!!!!!!!!!!!!

مقدراً لك مرورك ولك أطيب وأصدق أمنياتي ودعواتي ,,,,,,,,,,,,

أبو ممدوح

[أبو ممدوح]

عزيزي / عزتي ////// غمــــــــــووض


أسعد الله جميع أوقاتك بكل خير

أشكر لك مرورك كما أشكر لك تعطير الموضوع بمشاركتك العطرة .

نعم الخالق عز وجل أنصف المرأة وأعطاها حقوقها ولم يقلل من شأنها وهذا لا يختلف عليه إثنان من العقلاء .
وما دفع الكاتب لأن يكتب ويتطرق لكل هذه النقاط هوالواقع الذي نعيشه وما قام به بعض الناس من العبث بهذه الحقائق من فرض بعض الأمور الدخيلة كالعادات والتقاليد والأعراف التي لا تتوافق مع الدين الحنيف .
على العموم إن طرح مثل هذه المواضيع القصد منها الأسئنناس بآرائكم الفاضلة والإدلاء كلٌ بدلوه وتعليقه على ما يراه من وجهة نظره .

والمستفيد في النهاية من الطبيعي كل القراء الأعزاء .

لك فائق إحترامي وتقديري ..,,,,,,,,,,,,,,,,,,


أبو ممدوح