فـمـان الـله

[عبدالله الجهني]

يسعد صباحكم احبتي


صباح مختلف حيل


صباح شكل ثاني


ماهو الصباح اللي اعرفه


اللي في ليله حضن جرحي ولمه


ولا هو ذاك اللي رحم قلبي وضمه


سنه تطول او تقصر بايامها ولياليها


عشتها مع قلوبكم الرقيقه


كانت ورب البيت من اغلى مااعطاني وربي

ومن اعذب ماوهبني وقتي

بحلوها وبمرها


شملتني قلوبكم العذبه برقتها وعذوبتها

اخوان واخوات عشت بينكم

وكان لابد للجرح ان يتجدد

استودعكم الله احبتي لااستطيع الاستمرار اكثر

وكل ماتمناه ان تسامحوني وتحللوني

وتاكدوا بان هناك بين الحنايا مكان ولو صغير تسكنونه

فمان الله


ربي يسعد ايامكم يارب





.
.
.
.
.



سامحيني يالغاليه


.
.







في البدايه

قبل ماتحكي تقول


ودي هالليله سكوتك


يابعد عمري يطول


ودي احكي

بس ابحكي


ودي تسمعني كثير


لاتقاطع اي كلمه للاخير


من عرفتك


بسألك باللي خلق زينك وجابك


كم مره ازعلتك معي


كم مره ياعمري خطيت


فيك وانا مادريت


ماابي اسمع جوابك


لين انهي من كلامي


ليه بعد العمر هذا


جاي في ليله حبيبي


تتهمني


اني غير الناس هاذي


لامشاعر


لا ولاقلب وضمير


وانت عارف


انك انتا في حياتي


انت الاول والاخير


والله اني مانويت افضح شعوري


مانويت احكي واقول


اني ياعمري احبك


ايه احبك


ايه احبك


كنت خايف يوم تفهمني خطأ


تبتعد عني تروح


وانا والله يابعدهم


ماني ناقص هالجروح


ليه تجرحني حبيبي في كلامك


يعني صرت ابعينك الليله صغير



وانت عارف انك انتا غير غير



غير كل الناس هاذي


والله اني كنت بحكي لك زمان


عن شعوري لاحضر قلبك معاي


وش يسوي بي خفوقك


لا حضنت تراب رجلك


هاذي بس ابسط حقوقك


كنت ابيك وبعد ياعمري ابيك


كنت ابيك انسانه دائم بالحلال


وكنت ودي دائم اسأل هالسؤال


انتي في قلبك حبيب


كنت خائف حتى من كلمة ابيك


رغم قلبي كل ليله يابعدهم يحتريك


اعذريني


جيت متلخبط كياني


مدري والله وش بقول


بس كان الصبح هاذا ماهو صبحي


اييه اعرف اني متأخر كثير


في كلامي



حتى والله في غرامي




يابعدهم مابقى شيئن بقوله


وان طرى لك شي ياعمري تقوله


لاتقوله


بس خلك دووم عارف


ان عبدالله يحبك


ومايبيك الا وربي بالحلال

[رغ ــد]

[align=center]؛

.
قبل قراءة حرفك
صباحي كان غير ذلك
صباح لم أعهده من قبل
مع قهوةٍ ذات مذاق مــر
ووداع لحـــرف جريح

.

.

دمعة سقطت
تلاها انتحاب قاتل
لكلمات حركت أشياء أردت أن أتناساها
.
.

كل ليلة أحتريك
اييه أعرف اني متاخر
.
.
عبدالله
سأظل أحب سطورك
فهي قريبة من قلبي
وترسم ما بداخلي بدقة متناهية
وإن كانت تحمل بقايا من وجــع

كل الود
مع انتظار الجميع هنا لك دون وداع ,,[/align]

[رغ ــد]

لحروف سُكبت هنا ..
اشتقت لبعض منها ... بل لكلها ..
أريد أن تأخذ حقها

[عبدالله الجهني]

يسعد مساك يالغاليه

دوووم تشمليني برقتك وعذوبتك

بالامس كنت هنا

كان الوجع اشد

لم استطع تحمله

بعض القلوب

ودعتها هنا

وعدت لها ايضا هنا

ادمنت جرحها

رغد ...

كنتي ومازلتي من القلوب التي اجبرتني ان اعود

دمتي اعذب

ربي يسعد ايامك

[جريح الوطن]

[align=center]عبدالله


يكون أبداع همسك قد طغى

عـلينا في مجـارات حـروفكـ ,,

لنيقن أن حـرفكـ صادق

الأحـساس والمشاعـر والحـــب ..

جميل ما سطرة قلمك الرائعة

وشعمورك الجميل

تحياتى[/align]

[تعب كلها الحياه]

عبد الله الجهني ,,,


لاتقول....!!!


تودع اليوم فينا جروح ,.,

كنت لها المداوي والطبيب ..








لانريد ان نتعب ونبحث عنك في ديمومة الايام ..

ابقا هنا ..

[نـــــــو ا ل]

عبدالله
دائما متميزا
وتعرف ماتكتب وكيف توصل الحس الينا عن طريق كلماتك
العذبه ولو كانت حزينه
اشكرك اخي واشكر ايضا قلمك المبدع دائما

دمت بحفظ الرحمن

[ـالهنوفـ]

[align=center]

كانت الكلمه غريبه ..!!

بالفعل .. كانت غريبه ..

من متى صرت الحبيبه ..

من متى ..!!

من متى .. ناديت قلبك ..

ولبى قلبك .. هالندا..!!

من متى .. !!

قول الحقيقه ..

هالعشق فينا ابتدا .. !!

.....

..


اذكر انك .. كنت تشكي

واسمعك .. وابكي همومك

واذكر إنـّي .. كنت أنا احكي

وتضحك لفرحي عيونك ..

مادريت ..

ان الأماني .. بالقلوب اتعلقت

وصرت ادور .. أي كذبه

لجل اجي وحكي معك ..

وقتها .. شفت بعيونك

أجمل الحان الغرام

ما اصدق ...

ما اصدق ..

يمكن انه بس كلام !!

هي سوالف .. والسلام

لين قالتها شفاهك ..

وانطقت ..

ايه احبك .. ايه احبك

وقالها قلبي بعد ..

قالها بصمت .. وابتعد

.......


..


مدري باكر ..

له مع قلبي وعد ..

وارجع واسولف ؟..

واقرأ الحان الغرام ..!!

أو تصير ..

بس سوالف .. والسلام ..!!

بس الأكيد .. إني انتظر ..

هذا الوعد .. هذا الوعد .. هذا الوعد


.....

..


عبدالله الجهني

,؛,

اصدق البوح .. واعذبه

قراءته بين سطوركـ ..

وعلى يديك ..

وساظل اتعلم منك كل يوم ..

كل يوم ..

فكن دوماً .. هنا

اعذب الود ..,,[/align]