.....@@(( ياسعود ))@@.....

[غازي الرسمان]

[align=center]صبحكم الله بالخير كلٍ بسمه[/align]




[align=center]

[align=center]

ياسعود عطني من دفاترك قرطاس
...................... مادام قلبك بالهوا ماتعنا

لولا القلم ياخذ من الفكر والراس
...................... على الورق يشرح تفاصيل عنا

اصبحت انا ياسعود ماني من الناس
....................... وقالو علي الخلق هذا إستجنا

في ملعبي يلعب من الخلق قرناس
....................... داعب كفوف إمخظبات الأحنا

ماهو بمثلي يشكي الجور والياس
....................... يرثي بشعره لعن أبوهن جفنا

إليا طرى للفكر معطور الانفاس
........................ اللي جديله فوق متنه تثنا

عيت عيوني ترخي الجفن بنعاس
........................ ماقط ليلٍ مر جفني تهنا

حمست قلبي مثل بنٍ إبمحماس
.......................... فكري يفوح إبدلتي ما تهنا

يطري علي صويحبي وقت الادماس
......................... بنور القمر نلعب ونبني سكنا

نلعب انا وياه في عز الاوناس
......................... وأثر الليالي تاخذ الوقت منا

[align=center]ما شفتها يوم إنها فلت الراس
................. حتى شعاع الشمس أخفته عنا

أبو جديلن لنتثر يخرع الناس
..................... في جيدها نورٍ سطع في وطنا

إليا مشت ريم الفلا مالها قياس
...................... من حسنها كل النسا يخضعنا

الجوهره اللي بحسنها كلها احساس
....................... كل النسا من زينها يجفلنا

إليا اقبلت مثل البدر وقت الادماس
....................... يشرق بنوره غصب لو يزعلنا

ريميةٍ ماشافها كل عساس
................... حتى الجوازي في جماله تغنا

ترى زماني راح وعود بالإنكاس
......................... دنيا صغيره في زماني تغنا [/align]

الكذب درب المهزله ودرب الاتعاس
...................... والصج نجى صاحبه ما تعنا

إكتب وجاوبني من إحساس بحساس
........................ وخلك على عهدٍ قطعناه حنا

ترى حياتي دونكم مالها ساس
....................... من غيركم أيام عمري تدنا

وترى الذي من حبكم فيه هوجاس
....................... لولا الحيا فوق الشعر كان غنا[/align][/align]

[أريــــــــــام]

الله الله

صح لسانك استاذ غازي

قصيده جميله في قمة الروعه

تحيتي ،،،

[روعــة الزيــن]

[align=center]
بسم الله الرحمن الرحيم



صــــح لسانك اخوي غازي

سلمت يمناك..... بس في بيت دش مزاجي بالحيل


يطري علي صويحبي وقت الادماس
......................... بنور القمر نلعب ونبني سكنا

نلعب انا وياه في عز الاوناس
......................... وأثر الليالي تاخذ الوقت منا


الله يعطيك العافيه وعساك عالقوه

للأمام دائما


تحياتي لك....



روعـــــة الزيــــن
[/align]

[شــوق الــنـــداوي]

[align=center]ريميةٍ ماشافها كل عساس
................... حتى الجوازي في جماله تغنا


صح لسانك ولا هنت

ابدعت يا غازي تسلم يمينك يعطيك الف عافيه

وكله ولا زعلك ما نقواه يا بعدهم

تحياتي لك [/align]

[ـالهنوفـ]

إليا مشت ريم الفلا مالها قياس
...................... من حسنها كل النسا يخضعنا

الجوهره اللي بحسنها كلها احساس
....................... كل النسا من زينها يجفلنا

إليا اقبلت مثل البدر وقت الادماس
....................... يشرق بنوره غصب لو يزعلنا

ريميةٍ ماشافها كل عساس
................... حتى الجوازي في جماله تغنا

.
.

الللللللله على هالوصف ..

من جد ابدعت اخوي غازي

صح لسانك ملايين ..

من أروع ماقرأت من القصائد

انتظر جديدك .. بكل شوق

دمت بخير ..,,

[سنابل]

ما شفتها يوم إنها فلت الراس
................. حتى شعاع الشمس أخفته عنا

أبو جديلن لنتثر يخرع الناس
..................... في جيدها نورٍ سطع في وطنا

غــــــازي الرسمان ،،

صح لسانك ،،

يعطيك العافيه ..