°¨™¤¦¤][قالوا بدر راح لقطر][¤¦¤™¨°

[دافـ الدمعه ـئ]

[align=center]

اعتذر عن الغياب



وكل عام وقلوبكم اطهر




متواضعات فقبلوها





(( القصيده للشاعر فهد بن سليمان ))
تم التعديل من قبل المشرف العام

ياشين ميلات القدر وانقلابه
لاجاك في سمر الليالي بشينه

قالوا بدر راح لقطر مع صحابه
عود لنا بين الوجوه الحزينه

جيت لولد عمي وبعض القرابه
شفنا عبوس اهل العقول الرزينه

اللي به الهوجاس بين جوابه
واللي قوه الدمع طيح ثمينه

قلت الخبر صح ابو جيه تشابه
كلن وقف مبهور عاقد جبينه

يالله هون موقفي بانتصابه
يوم الركايب وقفوا حاملينه

سقت القدم لين انثنت عند بابه
الموتر اللي من قطر جايبينه

تحت السفاتي وسط تابوت جابه
وشالوه باخشاب ثقال متينه

ناظرته ابعيني وقريت الكتابه
اللي على التابوت اموثقينه

باسمه وتاريخ الوفاة وخطابه
بالفاظ توجع من قراها بعينه

ثقلت على صدري وزاد التهابه
ولومالقدر لاقول موته غبينه

حيث رجوعه مايشبه ذهابه
يوم انكتب موته بهاك المدينه

لاعادة الله من ديار خرابه
جاها بدر حي ورجع مسعفينه

قالوا توفى مايفيد الرجى به
باب الرجى لاجا القدر قافلينه

سود المنايا لاقبلت ماتجابه
مكتوب لابن ادم يرد الرهينه

ليلة حزن مرت على من درى به
وصوا بكتمان الخبر لين حينه

بين فجر الربوع وبدى به
رجف القلوب اللي بوفاته طعينه

جينا مع الصبح بنطوي ثيابه
وانقبل ايدينه وهامة جبينه

قالوا كلام ماضربنا حسابه
قالوا عليكم بالرضى والسكينه

قضى الغسيل وعجلوا في زهابه
كلن وقف حايرايفرك يدينه

قلت الكفن فكوه شيلوا حجابه
لاتقهرون القلب ياحارمينه

والله لاشوفه ولا احدا اهابه
نادت عيوني وقلت لك ماتبينه

هذا ولد عمي وكل القرابه
لاتوقف العوقات بيني وبينه

نادوا المغسل وين حضرة جنابه
يفك رباط الوجه الله لايهينه

يبعد عن القلب لين ارتمى به
لمعانقه شفي اودع حنينه

قال افتحوا وجهه وشوفوا صوابه
فيه الجروح بدمها مستبينه

في وقتها دمي توقف ذهابه
يم الضمير اللي تعلى ونينه

قلت اذرفي ياعين دمعك سحابه
خلك معي بموته سناد وعوينه

خلك معي وقت العزى واكترابه
لاوجهوا به للقبر شايلينه

عقب الظهر يبدى الدفن واضطرابه
بين الجماعه لاقبلوا حاضرينه

ياكود لحظات العزى واقترابه
قرب لنا والصبر مستلهمينه

وياشين تنزيله ولاهو رقى به
اللي بقبره صف لبنه وطينه

قال ادفنوه اللحين وهلوا ترابه
مدري بعدها من انا في يمينه

كلن يوصي بالصبر والصلابه
يوم ارتفع نوحي على سامعينه

قلت اتركوا دمعي يهل بانصبابه
ماعاد بي صبر قضوا دافنينه

مريت قبره قلت لا واسفابه
والموت درب وكلنا عابرينه

زوله عن عيوني تعذر غيابه
نظرة وداعه بالضماير وطينه

ياكيف ابنسى من بوجهه حبابه
تحت الثرى مدفون والله يعينه

عند السؤال الله يضاعف ثوابه
بين الملايك لاحضروا سائلينه

راح وتوفى ماهتنى في شبابه
لا وعذاب اللي بدر هو جنينه

امه وابوه ومن يحس بمصابه
اللله يصبرهم بدر فاقدينه

باليوم الاولى عايشين بكائبه
كلن على وجهه سمات حزينه

على الذي بموته تأكد غيابه
ماعاد هو راجع ولا محترينه

مرحوم يابن العم بجنة رحابه
بارحابها تسكن قصور حصينه

ويالله عسى دعانا لبدر باستجابه
في جنة الفردوس مع والدينه






وسلامتكم





محبتي





مرسى الأحزان


[sound]http://www.movn.net/moseqa_alsh3r/moseqa8.ram[/sound][/align]

[ـالهنوفـ]

امه وابوه ومن يحس بمصابه
اللله يصبرهم بدر فاقدينه

باليوم الاولى عايشين بكائبه
كلن على وجهه سمات حزينه

على الذي بموته تأكد غيابه
ماعاد هو راجع ولا محترينه

مرحوم يابن العم بجنة رحابه
بارحابها تسكن قصور حصينه

ويالله عسى دعانا لبدر باستجابه
في جنة الفردوس مع والدينه

.,.

اللهم امييييين

رحمه الله واسكنه فسيح جناته

دافئ الدمعة

يعطيك العافيه على نقل القصيده ..

بصراحه قصيده تبكي الصخر ..

[تقوى الهجر]

[align=center]صح لسان شاعرها
ونسيتنا غيابك

وياهلا فيك ومنور

اخوك

تقوى الهجر [/align]

[سنابل]

عند السؤال الله يضاعف ثوابه
بين الملايك لاحضروا سائلينه

راح وتوفى ماهتنى في شبابه
لا وعذاب اللي بدر هو جنينه

دافـــ الدمعــــــه ـــــئ ،،

صح لسانك ،،

يعطيك العافيه ..

[دافـ الدمعه ـئ]

تبجلت الحروف وانعقد اللسان وثبت الفكر

وارتصت السطور

خضعت كالنمارق

لتثني كبريائـهـا إجلالاً لحضورك الغالي

والموسم بصدري كأفخر واعز شهـادة احملها

يـــــــآآهـ

ماأروعك وماأروع ماكتبته

تأملت كلامك كثيراً

فوجدته افضل بكثير من تلك السطور اللتي ابتهلتها بسوار الليل

فمنك شروق السعاده والأمل

تحيتي لكِ

يا

ملاك الرحاب

[Mohammed]

صح لسان الشاعر

(( فهد بن سليمان ))

ورحم الله فقيدهم واسكنه فسيح جناته

دافي انت كما انت لم تتغير وشكراً للنقل ... مازلت تحمل ذوقاً رفيعاً

تحياتي