الدلو يثقل الى منّه صعد

[ناصر البكر]

جيت للدنيا وانا خالي يدين
بابتعد عنها وانا خالي بعد
مابقى من ذكرياتي بالسنين
غير همّ كنّه بقلبي رعد
يرتجف قلبي على عزفٍ حزين
ليلتي سودا غدى فيها السعد
اذكر ايام الملاقى والحنين
الوقت ضايق على ذاك الوعد
ليتني ماقد عرفتك ياضنين
ليتني مختار غيرك من معد
فيك شيٍّ للمولّع مايلين
نشوةٍ منها خفوقي ارتعد
لو نزلت البير ماتلقى عوين
الدلو يثقل الى منّه صعد
جمّة الاحباب تنشف لوهي عين
ولّ ياحظٍّ مع الدنيا قعد
لو مشطت الراس عن ذاك الجبين
تصبح وتلقى جذايل من جعد
النهاية واضحه للعاشقين
لجل هذا لازم انّك تبتعد

[إعـفـيـنـي]

الـسـلام عـلـيـكـم ورحـمـة الـلـه وبـركـاتـه

مـابـقـى مـن ذكـريـاتـي بـالـسـنـيـن .. غـيـر هـمّ كـنّـه بـقـلـبـي رعــد

نـاصـر الـبـكـر ..

جـمـيـل مـا خـطـتـه أنـامـلـك

صـح لـسـانـك .. وسـلـم بـنـانـك ..

بـأنـتـظـار جـديـدك أخـوي ..

مـع الـتـحـيـه

[سنابل]

فيك شيٍّ للمولّع مايلين
نشوةٍ منها خفوقي ارتعد
لو نزلت البير ماتلقى عوين
الدلو يثقل الى منّه صعد

ناصـــر البكـــر ،،

صح لسانك ،،

يعطيك العافيه ..