|
|
|
||||||||
 |
|
|
LinkBack | أدوات الموضوع | طرق مشاهدة الموضوع |
10-09-2005, 03:06 AM
|
#1 | |
|
|
طير شلوى وش قصته؟
السلام عليكم ورحمة الله وبركاته...
هذة قصه جميله.. من خلالها نتعرف على مقوله معروفه يرددها اهل الباديه .. وهي (طير شلوى) ........... دايم نسمع بطير شلوى الي هي مدح للرجال اللي فيه خير كان فيه ثلاث أطفال أكبرهم كان عمره ثلاث سنين وأصغرهم مابعد كمل السنتين وتوفا أبوهم الي اسمه عجرش وعقبه لحقته أمهم ومابقى لهم بعد الله إلا جدتهم من أمهم واسمها شلوى وضاقت بها الحال وصارت العجوز تدور بين البيوت تدور أكل لهالاطفال وكانت تقول أبي عشاء أو غداء لـ"طويراتي" اللي هم الاطفال الثلاثه المهم درى عنها الشيخ الجربا (من شيوخ شمر) وأمر أن يبنى بيتها جنب بيته وكان قبل لا يقدم الغداء او العشاء يقول لاتنسون طيور شلوى وكبروا الصغار وصاروا كبار ومن الرجال الي يعتمد عليهم في القتال وكانت اساميهم شويش وعدامة وهيشان قرر الجربا انه يروح ورا الربيع على شان الحلال وانتقلوا قريب من حدود سوريا وكانت هناك قبيلتين تسكن نفس المنطقه الاتراك وقبيلة ثانيه وكان الجربا وعدد رجاله قليلين مقارنه بعدد القبايل الثانيه وطمع فيهم الوالي التركي وارسل للجربا مرسول يطلب منه (الودي ) الي هي الظريبه الحين واجتمع الجربا برجاله وجلس ينظر الى عدهم القليل واظطر انه يوافق على دفع الودي للوالي التركي وبعدة مده ماهيب طويلة طلب الوالي التركي من الجربا مضاعفة الودي وافق عليها الجربا غصب عنه وبعد حوالي اسبوعين اقبل فرسان الاتراك ومن الجهة الثانيه اقبل فراسان القبيله المواليه للأتراك وارسلوا الاتراك مرسول يطلب من الجربا يعطونهم (خاكور) الجربا مادري وش قصدهم وقال وش الخاكور قالوا نبي حريم من شمر لجيش الاتراك لغرض المتعة وبعده تقدم شايب من شمر وقاله له بيت وكان قريب منهم قبور يستطيع الرجال يشوفونها وقال : هنيكم ياساكنين تحت قاع=مامركم وديٍ تقفاه خاكور هنيكم مُـتم بحشمة وبزاع=ومامن عـديم ينغـز الثـور؟ كان يقال ان الدنيا على قرن ثور اذا تحرك الثور قامة القيامة . وكان يقصد الشايب ان الموت اهون عندهم من هذا الطلب وما ان قال ...مامن عديم ينغز الثور ؟....الا نقز شـويش العجرش.. وقال انا ......وانا طير شلوى . واخذ الشلفا ورفعها بالهواء يوم طاحت ضربها بالسيف وركب ضهر فرسه وزهم صوب الاتراك ألحاله بشجاعه وشق له طريق بين جموع الاتراك وصاروا يشوفون طرابيش الاتراك الحمر تطير مع روسهم وعقبها لحقه اخوانه عدامة وهيشان العجرش ولحق بهم الجربا وربعه وكلها ضحوية الا كل شيء قد انتهى بنصر الجربا وربعه وعقب مارجعوا منتصرين كان الشايب الي قال البيتين جالس على مركاه يتفرج على الي حصل ورجعوا شمر يباركون لبعض وقالوا اذا رجعنا وسألنا الشيخ من مات بنقول له مات شويش يوم سألهم قالوا شويش مات وانشد يقول: قالو شويش وقالت لالا عدامه=او زاد هيشان زبون الملاييش ماهو ردى بمدبرين الجهامه=لكن هوش شويش يالربع ماهيش يوم شويش حزم راسه نهار الكتامه=دبر ظنى... وحمر الطرابيش يوم شويش مثل يوم القيامه=بالله عليكم لاتحكون بـشويش وقالوا لالالا نبشرك شويش حي مامات وعقب ذا الغزوة حكم الجربا المنطقه وصار ياخذ الودي من القبايل الي حوله تحياتي وتقديري للجميع ,,,,,,,,,,,,,,,,,,,,,,, أبو ممدوح
__________________
 أرافق اللي رفقته مكسبلي وأبعد عن اللي كل يوم له صاحب ** واخاوي اللي خوته ما تملي وأبعد عن اللي لا قسى الوقت جناب ** وأحب من هو بالشدايد سندلي واكره ردي الساس خص من الاصحاب |
|
|
    
|
|
10-09-2005, 03:39 AM
|
#4 | |
|
|
[align=center]ابو ممدوح
يعطيك العافيه على هالقصه وفعلا اول مره اعرف ان قصة هالمثل كذا مشكور اخوي تقبل تحياتي [/align] |
|
|
|
|
|
10-09-2005, 06:23 AM
|
#7 | |
|
|
ابو ممدوح
فعلا قصة رائعة تحمل الكثير يعطيك العافية تحياتى |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
