|
|
|
||||||||
 |
|
|
LinkBack | أدوات الموضوع | طرق مشاهدة الموضوع |
10-12-2005, 05:38 PM
|
#1 | |
|
|
مسابقة $$$ درهاااام $$$ الرمضانية ..
بالأمس القريب .. و عندما كنت على العشاء في وقت متأخر من الليل.. فإذا بالهاتف الجوال (الموبايل) يرن .. فأرد .. و أجد المتصل هو من أحد العمالة (هندي/بنغالي).. عامل لا أعرفه ..
و قال لي (ردهام) <<< طبعاً ما يعرفني هو .. (أكيد مو مسجل بالمنتدى هو) بس ناداني بأسمي .. و قال: شوف قدام بيت مال أنتَ فيه واحد نفر فيه روه (يعني يروح) و أيجي (يعني يجي) .. يمكن هذا نفر علي بابا (يعني حرامي) يبغى يروح جوا بيت مال أنتَ !! قلت: من أنت يا رفيق .. قال: أنتَ ما فيه معلوم أنا .. خلاص خلي ولي مين أنا .. أنا ما يبغى كلام مين أنا <<< (يا زعط فاعل خير) ..!! قلت: طيب كيف أنتَ معلوم أنا تلفون .. <<< الولد تكلم لغات .. يا عيني ! قالي : مافيه مشكله أنتَ شوف هذا نفر قدام الباب ألهين (يعني ألحين) .. كنت أتعشى مع المدام .. قمت و لبست شماغي و جيت بطلع .. و نيتي بترفس في بطن هالحرامي .. أولاً لأنه يبي يسرق – على قولة العامل اللي كلمني - و ثانياً خرب عليّ العشاء مع المدام ( عاد بعد الصغار ما بغوا ينامون - الله يحفظهم -).. بس قلت حق نفسي : لحظة يالمطفوق .. لو كان أللي يكلم له هدف ثاني ؟؟ قلت حق نفسي : يعني مثل أيش .. قالت لي : يمكن هذا العامل يقرب حق أحد العمّال أللي سفرتهم و بينتقم منك .. يعني وش بيسوي؟ <<< بدا يخاف ! لا و لا شي .. بس بيكفخك .. رديت على نفسي و أنا ناقد عليها : يخسي ذا الهندي .. و بعدين خلي عنك الطنازة ! قالت : طيب يمكن يبي يعرف مدخل البيت بالضبط عشان ناوي يسرق بيتك ؟؟ لأنه يمكن ما شافك زين وأنت داخل .. ضيع في الباب يعني !.. قلت : شدعوه .. البيت على شارعين و له ثلاث أبواب .. و سيارتين عند الباب .. و لا شافني .. و بعدين لو سأل أي هندي أو بنغالي عن البيت بيدليه <<< الولد معروف في أوساط العمالة .. قالت طيعني لا تطلع .. !! قلت : لقيتها !! قالت : وش هي ؟؟ قلت : أكلم سواقي يطلع من غرفته أللي هي أصلاً في البيت و يشوف إذا فيه أحد واقف قدام الباب، يدق عليّ و أطلع وأكفخ هذا الحرامي المزعوم .. و فرصة إذا كان جثّة يساعدني السواق .. قالت : خوش فكرة .. دقيت على السواق و طلع ........... جاني أتصال من العامل مرّة ثانية .. بابا أنتَ ليه ما فيه يجي .. <<< معصب الأخ ! قلت له أنتَ معلوم وين أنا بيت ويّا وجهك .. قال : لا ما فيه أنتَ بيت .. أنتَ بابا بيت (يعني بيت أبوي) .. أللي هو أصلاً مو بعيد عن بيتي .. هالمرة طلعت بسرعة .. حسيت أن البنغالي صادق .. لقيت سواقي يحوس .. صاير كونان .. و قاعد يلف عند البيت .. ( حنيفه ) .. نعم بابا .. تعال مع وجهك .. أخلص بسرعة .. وين بابا .. أمش مو شغلك .. و الله رايق ..!!!!! خذيته معاي .. جينا عند بيت أبوي إلا الشخص اقف عند الباب و الساعة الحين 2.30 أيه أم (AM) ..!! مريت كأني واحد مار في الشارع .. ما و قفت و لا خففت ..قلت حق السواق : (حنيفة) نعم بابا .. شفت هذا الشخص الظاهر أنه هندي .. هذا ما فيه هندي بابا <<< خذته الحميّه هنديّيّ .. هذا بنغالي .. إلا هندي و نص .. أنت وش دراك .. أنت ما تبخص الرجاجيل .. !!! المهم يا (حنيفة) ماله داعي نختلف من الحين .. أنا أعرفك .. عنيد و تصمم على رايك .. ماخذ هذي العادة الشينة من كفيلك (إللي هو أنا) !! شفت هذا نفر .. ايه بابا .. أبيك تنزل و تراقبه من بعيد .. و أنا بوقف بعيد و بأنتظر مكالمتك .. أوكي << مع هزة راس مني .. أوكي << مع هزة راس من حنيفة ارتدادية طبيعية .. نزل كونان .. أقصد حنيفة و وقف في البراحة أللي قدام بيت أبوي و جلس يراقب و يعطيني التفاصيل أولاً بأول .. بابا ؟ نعم .. هذا نفر واقف قدام بيت و يكلم بالجوال ..!! طيب .. بابا ؟ هاااااه .. هذا نفر يروح شوي بعيد بعدين يجي .. طيب .. بابا ؟ اش تبي <<< غثني .. وبيني و بينكم جاني النوم و أنا في السيارة . هذا نفر راح بعيد .. ممكن يروح هو بيت ! وينك أنا جايك .. جيت و وقّفت الشخص .. و أتضح أني أعرفه و أعرف مديره .. و هو يعمل في أحد المطاعم على توصيل الطلبات !! قلت له ليش أنت وقف قدام البيت !!؟؟ هو عرفني و أستحى و خاف .. قال لا بابا .. أنا شغل مال أنا الحين خلاص .. و أنا فيه روح بيت من هذا طريق .. و نظراً لوهن حجته .. أضطررت إلى ... تكفيخه عدة طراقات من نوع راشدي .. ثم قمت بتفتيش جواله لعلي أجد ضالتي <<< يتكلم نحوي و هو معصب ! و أثناء البحث في الجوال عن دليل يقودني إلى الجريمة <<< جريمة مرة وحدة !؟ وجدت رقم خدامة بيت ابوي المصونة .. و رسايل حب و غرام .. لا و متفقين على الزواج بعد ! الغريبة أني لقيت رسالة منها تقول له .. أنت لا يجي اليوم قدام بيت .. درهااام يجلس داخل بيت بابا اليوم <<< و الله يخوف الولد ؟! بعدين قال لي أنه تعرف عليها عندما كان يوصل طلبات للبيت .. و أنه يبي يتزوجها .. و وراني رقم جوالي أللي ماخذه منها عشان يخطبها مني يقالك <<< و لي أمرها و أنا مدري !! تكلمت عليه و أفهمته أنه بكذا يجيب الشبهة لبيوت العوائل .. و إذا كان يبيها على سنة الله و رسوله يتقدم لها رسمي .. ما حبيت أقطع رزقه .. بلغت رئيسه و مديره الإقليمي .. و نبهت عليهم يوصل طلب حق حارتنا كلها .. بس لا يسفرونه <<< قلبه طيب .. شعقبه .. عقب التكفيخ طاب خاطره !! و لسان حال صاحبنا يقول : رب ضاره نافعة .. فالتكفيخ كان سبباً لبقائه في العمل و عدم رفع قضية ضده ! ما يستفاد من القصة عدة أمور .. لا تطلبون من كنتاكي <<< ههههههههههههههه دعايا مضادة لابد أن تتعشى بدري .. عشان ما يجيك ما ينغص عليك عشاك ههههههههه!!! لا تعطي السائق وجه هههههههههههههه <<< وش دخّل؟! لا جد .. فائدة القصة : لا تترك الخادمة تفتح الباب و تقابل الرجال و العمال على وجه الخصوص .. و لا ترد الخادمة على الهاتف .. فضلاً عن أن تعطيها هاتف جوال ... أسئلة المسابقة : 1. وش هو نوع جوالي ههههههههههههههه ؟ 2. وين كان حنيفة ساعة القبض على (المجرم) ؟! 3. وش كان وضع زوجتي بعد أن رجعت لها .. وش سوت بالعشاء ؟ 4. وش هي جنسية الخادمة ؟ 5. العامل أللي كلم .. هل كان يكلم من تلفون ثابت أو جوال ؟ 6. كم عدد بناتي الأثنتين ؟ و ما هي أسمائهم ؟ 7. في أي مطعم يشتغل الهندي ؟ 8. شلون قدرت أقرأ الرسايل أللي بينهم .. مع أنه أجانب ؟ 9. هل فعلاً كان ظاهر من العمل ؟ 10. إذا وصلت لهذا السؤال .. فإنه لا يلزمك إلا الإجابة عن السؤال رقم ( 7 ) أعلاه ؟ الجائزة : كوبون تخفيض 50% .. من مطعم كنتاكي .. الشروط : أللي يجاوب الأول .. و يجيب إجابة كاملة يحصل على كوبون التخفيض .. درهااااام ،،، التعديل الأخير تم بواسطة : درهام بتاريخ 10-12-2005 الساعة 05:40 PM. |
|
|
    
|
|
10-12-2005, 09:29 PM
|
#4 | |
|
|
درهااااااااااااااااااااااام
ودي اذبحك احس راسي افتر بابا مافي معلوم يرووه ويجي تهيء تهيء تهيء k14 يا هي اسئله صعبه بس توني فاطره والمخ قافل خلها بعد شوي احلها ههههههههههههههه دام الجايزه فيها اكل <<<اكيد بترجع تشاوات
__________________
 احتاج كوبا من القهوه .. وبعض من ذكريـ  ـات |
|
|
|
|
|
10-12-2005, 11:43 PM
|
#6 | |
|
|
ههههههههههههههههههههههههههههههاي
طلعت خواف درهام قمت تستفزع بالسواق الهندي وين الشجاعه وين كلامك تقول يسموني المرعب في الحاره اشوف طلع الصج . الاسئلة صعبه ما عرفت الا اجابة السؤالاول / نوع جوالك اخوي درهام اعتقد اذا ما خاب ضني انه كرسيدا باب واحد ولونه اتوقع ابيض هذا الي انا استشفيته من الموضوع . دمتم بخيررررررررر |
|
|
|
|
|
10-13-2005, 03:22 AM
|
#7 | |
|
|
ياربي انا كني سامعه هالقصه قبل
بس مدري وين << فضيحه الاسئله كلها صعبه وماعرفت الا إجابة السؤال السادس .. الجود والجوري << المفروض اخذ الجائزه والسؤال الثالث .. اعتقد زوجتك حطت لك العشا بالحوش وقفلت ونامت ههههههههههههههههههههههههه درهام متى ترسل لي كوبون التخفيض تراي للحين ماتسحرت ؟ |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
