.. لا صرت بالصمان والقيظ حاديك ..

[تقوى الهجر]

[align=center]


السلام عليكم ورحة الله وبركاته

كثير من سمع هالبيت ..
لا صرت بالصمان والقيظ حاديك ،،، أيا حسين الدل وأيا المطية

لكن قليل جدا منا يعرفون قصة البيت وش هي ... وبعد جهد جهيد وسؤال كبار السن ممن أعرفهم عرفة وش قصته واستلموها ...

كان فيه شايب - سبيت - له ولد شاب في عمر الزواج وحب بنت تقرب له وشرطوا عليه مهر ناقه نجيبة لأبو الشاب ورفض الأب يعطيهم الناقه وأصر الولد على الزواج من هالبنت حتى لوكان المهر هالناقه الي ما تقدر بثمن... وعلشان يبرهن الأب للولد نفاسة الناقه وقيمتها لأنقاذ حياته وقت الحاجه قال لولده خل موضوع الزواج الين نجي من السفر انت بتسافر معي في مهمة خاصه واذا رجعنا نشوف الموضوع وسافر الشايب مرورا بالصمان وردف وراه ولده ويوم صار اقرب مورد للماء يبعد مسافة ثلاث أيام راح الشايب وللده غافل عنه وشق قربة الماء ويوم اصبحوا ما لقا الولد ماء في القربة فأزعجه الموضوع خوف من الموت عطش فقال الشايب لولده خلنا نركب على ظهر الناقه وهي بتوصلنا للماء فمشت فيهم مسيرة ثلاث أيام في يوم واحد ووصلو لمكان وجود الماء وهم على وشك الهلاك لكن سلموا بحمد الله وفضله وقال الشايب لولده شفت قيمة هالناقه الي انقذت حياتنا ثم قال بعد:

لا صرت بالصمان والقيظ حاديك أيا حسين الدل وأيا المطية

ففهم الولد القصد من هالسفرة ورد على أبوه وقال:

ربك كريم ولا ومر بالتهاليك ولا ومر بفراق صاف الثنية

لاصرت بايام الرخا عند أهاليك شوفة حسين الدل تسوى المطية

فيأس الشايب من ولده وقدم الناقه كمهر للزواج وفي اليوم الثاني للزواج رجع أبو البنت الناقة للشايب...



ومن يريد الأستماع لقصيده يظغط على هذا الرابط

[ramv]http://66.98.208.113/qascoie/soot5.ram[/ramv]
















تقوى الهجر[/align]

[درهام]

أخوي /// تقوى الهجر ،،،

يعطيك العافية على سرد قصة هذه الأبيات .. و التي صغتها بصياغة جميلة ..

ألف شكر .. و مقدر لك مواضيعك الهادفة ..






















درهااااام ،،،

[تقوى الهجر]

[align=center]اخوي درهام الف شكر لمرورك
والحمد الله عجبك الموضوع

تقوى الهجر[/align]

[درهام]

((( الحمد لله عجبك الموضوع )))


تصدق ياخوي أنت مو أول واحد يقول لي هالجملة !!!


ليه ماخذين عني فكرة خطأ .. كأني ما يعجبني العجب .. كل هذا عشاني صريح ، و أقول للغلط غلط ..

تبوني يعني أجامل .. تحسبوني ما حاولت ؟؟ .. حاولت بس ما قدرت ..

لكن أقول لكم شي .. أنا أحس أنه لازم يكون في النتدى واحد علة يدقق و ينتقد و يتهاوش لو كان النقد نقد لاذع أحياناً .. بس أهم شي الواحد ما يغلط على أحد ..

و لا شرايكم .. شرايك أخوي (تقوى الهجر )

















درهااااااااااااام ...

[تقوى الهجر]

[align=center]لا ياخوي محد ماخذ فكرة خطا بالعكس ياليت الكل مثلك ومحد يجامل

وانا اللي اقصده اني اللي نزلته اعجبك

لك تحيتي


تقوى الهجر[/align]

[درهام]

إذا كذا معليه ،،،




















درهاااام

[نهار]

مساكم الله با الخير جميعا


يعطيك العافيه اخوي تقوى الهجر على ها المعلومه


وعجبني رد الولد مينلام مسكين بس رده يبين انه بايع الدنيا وما فيها للي يبي


ربك كريم ولا ومر بالتهاليك ولا ومر بفراق صاف الثنية

لاصرت بايام الرخا عند أهاليك شوفة حسين الدل تسوى المطية


تسلم اخوي تقوى الهجر



نهار

[تقوى الهجر]

[align=center]الله يسلمك أخوي نهار
والف شكر على هالمرور

تقوى الهجر[/align]