الى محبي الدارمي اكملوا معي

[alrwasi]

ثجيله احلفت يمحمد بيدهه

او تشكي من عظم شوكك بيدهه

ا جذبت يوم الكلت ورده بيدهه


اعيونك سوربت والورده هيه



الي الحب بس مادر ولك دار

محبتكزالت اهمومي ولك دار

الك عرش انتصب يسمر ولك دار


بكلبي ولا لغيرك سكن هيه



امحله الذهب يناهي محلاك

تمر وذنوبك الفاتنه محلاك

هله وميت هله جيت بمحلاك


ا كثير اهلا وسهلا خوش جيه

[الفراتي]

الأخ ( alrwasi)
في البدايه أثمن فيك نشر جزء من التراث الشعبي العراقي...
ولكن هنا أريد ان ألفت نظرك ونظر الأخوه القراء....
الى ان الشعر الذي كتبته ليس ( دارمي) وانما يسمى أبوذيه
وان الفرق بينهما هو..
الأبوذيه :
تتكون من أربعة أشطر..
الثلاثه الأولى منها تنتهي بجناس واحد ولكنه يختلف من حيث المعنى
أما الشطر الرابع فينتهي بالياء والهاء وأضرب لك مثلا في هذا البيت من الأبوذيه:
أظلل على الصديج وعلي ماظل ( يعني لم يظلل علي)
وياهو العن طريجه اليوم ماظل( يعني ماتاه)
أغربل بالربع ظليت ماظل ( يعني مابقي)
سوى الغربيل ثابت بين أديه

أما الدارمي الذي ذكرته فهو يتكون من شطرين وينتهي كل منهم بنفس القافيه
ويسمى ايضا غزل البنات لسهولة حفظه وترديده في الأغاني
وأضرب لك امثله في الدارمي:

1- يامايع أشمحلاك وشمحله ممشاك
احسد خيالك دوم جي يمشي وياك

2-ميصير احب أثنين وافرح بالهواي
هوّ الكلب مو سوك للرايح وجاي

3-اتمنه جاري اتصير كل ساعه اشوفك
بس انت بيك اطباع تجبرني اعوفك


شكرا لك من الأعماق
وتقبل تحياتي
الشاعر / الفراتي

[alrwasi]

صديقي الفراتي
كل الي كلته صحيح

واشكر مرورك


تحياتي الك