|
 |
 |
 |
 |
 |
|
||||||||
 |
|
|
LinkBack | أدوات الموضوع | طرق مشاهدة الموضوع |
10-26-2005, 08:13 AM
|
رقم المشاركة : 17 | |
|
|
[[align=center]img]http://www.shmmr.net/upload/up/up/5bs0.gif[/img]
السلام عليكم ورحمة الله وبركاته امتداد لموضوع الاخت تغريد سوف ابدا انا بـــ تعريف عن حمود العبيد الرشيد هوالأمير حمود بن عبيد بن علي بن رشيد احد الفرّّيس والشعراء المشهورين في نجد والجزيرة العربية وهو من امراء قبيلة شمــر ولد مابين 1255هـ 1265هـ تقريباً وهو أحد أبناء الأمير الشاعر الفارس عبيد العلي الرشيد وأمه هي عبطاء بنت هندي القويعي وله من الأولاد تسعة أولاد هم 1ماجد 2مهنا 3عبدالله 4فيصل 5 سالم 6 سلطان 7متعب 8 سعود9عبيد و لم يبقى له نسل من الأبناء الا من ابنه عبيد وهم في أيامنا هذي أبناء وأحفاد سليمان بن عبيد الحمود العبيد العلي الرشيد . هذه مرثيه للأمير حمود العبيد الرشيد في ابنه عبدالله وتأثر مره في موت عبدالله ومن شدة تأثره وحزنه على عبداله كان سبب بموت حمود العبيد اخذ الامير ماجد الحمود والده حمود للبر في العانقه لليخفف عليه من الحزن ويوسع صدره وفي العانقه وجد الامير حمود العبيد قبر وجلس عنده وقال القصيده هذه كيف القبور الدارسـه والجديـده لاعين لاروض به العشب ممطور لياشفت قبره حـن قلبـي يريـده حنين عطشان على الورد مقهـور العاجزه ماهـا وضلعـه وغيــــده ماشاقني به غير قبر تحت صور لوكان انا مادري من ايـا بديـده لكن عبدالـه بـه اليـوم مقبـور يامنتهي شكواي بيـت القصيـده واقلبي الي تقـل يصلـى بتنـور الامير حمود العبيد الرشيد يرثي ابنه مهنا : ايضاً هذه في ابنه سالم : أما عنـي يابـوه مانـي بناسيـه ماطول ماحطـت علـي النصايـب ماكنه إلا غايـب وابـي الا قيـه أنا به اهبل مـن زعـوج الهبايـب من الضلع لاجاء طارش قلت يغديه يبـي يبشرنـي بـراع الجنـايـب الله وأكبـر كـل ماحـل طاريـه أوجس بقلبي مثل صفـق اللهايـب استغفر الله كان قولـي أنـا فيـه أنا عن اللي يغضب الـرب تايـب وهذي في ابنه مهنا يامصيبتي ماينطرا بـه مهنـا ياكبرها ياجلهـا مـن مصيبـه يافارس الفرسان من غبت عنا الشمس غابت قبل حزة مغيبـه لو الحزن ينفع عليكم حزنـا حزن الحبيب اللي يفارق حبيبـه لاشك مايجلا صدى الهمّ عنا ماسر حسكي هو وخشقة نحيبه بكوا لما أن عيونهـم بزرنـا ولا حصلوا عقب البكا غير خيبه صبرت لجل الصبر حق وسنا ومن لاصبر حق يصبر غصيبه يالله تجمعني بهم جوف جنـا وإلا العلوم الباقيه وش نبي بـه في عام 1316هـ هجم الشيخ هزاع بن شعير الدويش من قبيلة مطير ومعه سعود الفغم وصاهود بن لامي والملاعبه وجا بن غنمان على حمود بن سند وغنيم الحربي واخذوا اباعرهم وثور عليهم عبدالعزيز بن متعب سلطان : الدويش فعجز الدويش يدي منهم فغزاهم الأمير عبدالعزيز بن رشيد واخذهم وجت اباعر غنيم وسعود عرائف وذلك في السنه المذكروة فقال في ذلك الامير حمود العبيد الرشيد : - يـا مـال هجـن ٍ مـن منـاه الغديـدي اقفـى بهـن هـزاع وغنيـم وسعـود يفقـى ويقبـل مثـل خيـل البـريـدي لما غـدا المجحـود عظمـان واجلـود حمولـه مـا يرخـصـون الزهـيـدي ما يرخصـون إلا المحاليـف واعهـود رجالهـم يضـرب علـى مـا يريـدي ما سال هـزاع عـن النقـص والـزود وراه عـن ذبــاح نـايـف يحـيـدي وعلـى غنيـم كنـه الحـر مـجـرود يامـن يخبـره صـار سيـر ٍ عقيـدي الا علينـا هـو وجـاسـر وصـاهـود لعـل مـن يقضـب حديهـم بـالايـدي او عاد يقضب هايـف الفغـم وسعـود ويقفي منـه حـي عسـى مـا يفيـدي قـل آميـن ياللـي للمخاليـق معـبـود والله ماهـم كفـو حكـي او قصـيـدي مير (( الطنا )) يصطي على الكبد بحدود وعرضتـهـم لمـدوريـن الحمـيـدي اللي عوايدهـم نصـف كـل مضهـود يـوم ً خطـو الشيـخ مثـل المعيـدي أسمـه كبيـر وشوفتـه مثـل فرهـود لـولا عيالـه مرشديـن وعبـيـدي وحظـه وحـظ اللـي تنصـاه منكـود عشريـن خيـالا ً عـيـال الحمـيـدي عجزوا مـن القشعـان يـدون مفـرود ياطيـر ياللـي مـا تـعـود تصـيـدي متـى غزيناهـم ونظمـن لـك الفـود الحـق بساقـه مذهبـيـن الضـديـدي اللـي مشاكلهـم علـى كـل مــردود الحمـى علينـا كـل عـام ٍ جـديـدي لا جاء الشتاء ولا على ابراضه العـود نجـدع بـه الغبطـان هـن والوهيـدي ونكسـى روابهـا عـجـاج وبــارود عـام ٍ خذينـا بـه زبــون البلـيـدي ماتـوا بغيـظ غبـه العـود والـعـود ومات القصيد اللـي بصـاع المجيـدي اكتـال ركـان وليـل خــذ الــزود ديـار ٍ خذيناهـا بحـفـر الحـديـدي غصب ً على الزعلان والخـد ممـدود مـن فـوق شـوص ٍ كنهـن الفهـودي ملبوسنـا مـن فوقهـن صـنـع داؤود والا الحـداو والمنـى مــا تفـيـدي والحكي ببلاش ً علـى الرجـل منقـود تفرقـت شـاشـات عـمـر وزيــدي اللي وخـذ واللـي سلـم تقـل مالـود خلق فيـاض العشـب هـو والزبيـدي ومبايـع ً تلقـا بهـا الـزود مـاجـود يـا مفـرق الأنسـاب جعلـك سعيـدي ولعـل حظـك دب الايــام بسـعـود وبدشـوه بالخكـر هـم والصمـيـدي وجره على بشر ً سبـب كـل مقـرود وخليـق السفـار يمـشـي قهيـيـدي لو عدو لهـم سمـر وبعارينهـم سـود وهذه القصيده قاله عقب ماانتصروا بوقعت الصريف ،، فقال عزاه ياقلـبٍ مـن العـام ملهـود ولاجت علوم الغزو ينسـاح بالـه واليا ابطو الطرشان تلقـاه منكـود مثل الغليث اللـي يحسـب ليالـه والله لـولا حبكـم يافتـى الجـود لاحـج بيـت الله وأصلـي قبالـه يالله ياللـي للمخالـيـق معـبـود يالواحد اللـي كـل حـيٍ يسالـه تجعل سهمنا يمّـت الضـد مقيـود بسلامت اللـي وافيـاتٍ خصالـه عبدالعزيز اللي على الحرب والكود يصبر كما تصبر عرايـب جمالـه عطـاه ربـه خلّـة مـثـل داوود وليّن قلوب التـرك لـه واستمالـه من العام غزايٍ على خير وسعـود مـاديـره الا بنـايـة ظـلالــه الله يعيـن الخيـل ويقـوي العـود عليـه لا سنّـه تعـلّـى رحـالـه ماكن له في حايل فـراش ماهـود ومجالسن وان جيتهـن حـي فالـه والا فتق فتق وهـو كـان مسـدود يذبـح بحيـل الله ويوخـذ حلالـه شره على نفسه وحنـا لـه الـزود مثل الجمل يقطـع بـزوره شمالـه وان مامضى شيِ ترا الحكي مردود انشد بريده وانشـد اللـي حوالـه ليا من اميرٍِ خات بالحلف وعهـود فمارتـه علـى يديـنـا زوالــه وليا تمنا الحرب ماهـوب بمـردود ومنهو حاربنا ماحصل الا الرزالـه ترا حربنا مثل البحـر مابهـا زود الغبه اللـي موجهـا فـوق جالـه داخلـه مفقـود وطالعـه مولـود ما أهبلك ياللـي خابـرٍ واتعنالـه وش عندك الربع لدعيـج ولحمـود وعريب دارٍ يـوم تطـرد شعالـه يقول مالي يوم أجي نجد مقصـود الا الاميـر أحولـه مـن جبـالـه وابوه ماكبر فزتـه يافتـى الجـود وابوه لو هو حالمـه كيـف قالـه هو مادرى ان جبالنا الحمر والسود عينٍ على الطٌّباخ فـي كـل حالـه وابوه ماني خابـرٍ يطلـب العـود ولاعندنـا بـه قالـةٍ بـه مقـالـه غره سلاحه خمسـة آلاف بـارود ومطيـر وسبيـع ويـامٍ صيـالـه مثل الحبوش اللي يسوقون محمـود وأهلكهـم البـاري بعـزة جلالـه نقلهم الله لين جو حول ابـا الـدود ومن دمهـم هكالطعاميـس أسالـه حاموا عليهـم بالبواريـد وفـرود ومبـاركٍ نجـاه ربــه لحـالـه ماله شبيـهٍ كـود فرعـونٍ العـود اللي نجـا والقـوم تفـرق قبالـه وفرعونٍ المذكور وابليـسٍ العـود أطيب منه واذرب منه فـي فعالـه ماهاب من ربـه ولاخـاف منقـود امـه لقـع قلبـه وشمّـت بحالـه شيبان أخوانـه مصليـن وارقـود في فرشهـم ذِبحـوا بليـلٍ غيالـه وان كان عند امه جنيهات وعقـود لزماٍ يغولـة مثـل غولـة عيالـه ونكس على قومه بخسران مفقـود ومن انذبح منهم وخِذ شطـر مالـه خلوه بكويته وراحوا علـى القـود وكلًّ زبن لـه ديـرة فـي حلالـه [/align] |
|
    
|
|
10-26-2005, 08:31 AM
|
رقم المشاركة : 18 | |
|
|
[align=center](( الامير حمود العبيد و رحيّان ))
(( رحيّـان )) هو سيف ابن عدوان وهو من الجنس الفارسي المسمى خريسان، وقد كان الأمير حمود العبيد الرشيد يريد ذلك السيف لما يمتاز به من جودة الصناعة وصلابة معدنه، فقال-رحمه الله- هذه القصيدة مخاطباً عبدالمحسن السيف يقول فيها : - ما اريد كتبٍ لك ولا ريد غرْضان إنته بحلٍّ مـن بُوَاقِـي حقوقـي باغٍ مْنَكْ يا ابـو محمـد رحيَّـــــان مالي من الحاجات كـوْد الدّفُـوقِ نفسي تحب من الصِّيارم خريسان إلى عاد ما به يا ابو صالح طبوْقِ اِشْره وكِـزّه لا تَدانَـى بالأثمـــــان مانا بحال الـزود باللـي يلـوقِ مبْطِي وأنا شَفِّي بسيف ابن عدوان بغاه أبـوي ولاحصـل بالوفـوقِ أنا على نَقْلة هَكَ الشِّرْث شفقــــان أريد أحاول بـه خَطـاة البيـوقِ ليتك تشُوْفَنْ يوم موْجَات الأذهــان والسيف بِي يمناي والدِّرع فوقـي إلى اختلط عـجّ السبايـا لدخَّـــــــان لزْماً تخلّى يا ابو صالح طْرُوقـي (( نـجـدٍ ملكنـاهـا من الطـاف للطـاف )) كان للأمير محمد العبدالله الرشيد(المهّاد) علاقةٌ استثنائية بأخوه من الرضاع وابن عمه الأمير حمود العبيد الرشيد وكان كل منهما يكن للآخر حباً قلما تجده بين الأخوة الأشقاء، ومن ذلك أن حمود كان هو المؤيد والعامل المساعد الأول في استلام محمد مقاليد الحكم، و قد كان محمداً مغرماً بقصائد حمود الحماسية والحربية فقال لحمود اترك شعر الغزل حتى لايطغى ذلك على الجانب الآخر من قصائدك فتجنبها حمود فترة من الزمن إلى أن تزوج إحدى بنات عمه ..... فأنشد فيها هذه القصيدة ممازحاً ومشيراً إلى ماحدث بينه وبين محمد العبدالله ( رحمهما الله ) والله يالولا ذلّتـي مـن محمـد لأقول بك قولٍ يضرّب بالأوصاف ياللي على وجهك كسرنا اليمامه نجدٍ ملكناها من الطاف للطـاف يابو جديلٍ مثـل ريـش النعامـه ما فوقها كود الغوازي و الأنصاف وله أيضاً هذه القصيده واللي يقول عن فرسه ويفتخر فى نسبها : - لى مهرة من حمد ربك والاحسان لاهيب لا زرج ولا هى مجنـون متخيره من خيل زعب وعـدوان ابوى ماهى من تـراث العفـون جداتها حمـرا طـلال وراكـان واخوه حصان سعود موف الديون بنت الكحيلـه والعلـوه عبيـان كثير خيـل النـاس منهـا ودون هذه القصيده للأمير حمود العبيد الرشيد في حربهم مع أهل القصيم سنه المليدا :- كولي شمع صارة لما تشبعينـي لا بد مـن دق ً شمعهـا دنانـه يا فاطري باغيك لي توصلينـي القرد الأكوخ نجذبه فـي لسانـه يالله بحـق الديـن يالمسلمينـي تجعل شرايدهم حريـم ٍ مهانـه حيث أنهم باروا بنـا البايرينـي ونسيو فعايلنا معـه يـوم زانـه جبنا قفـار وحايـل ٍ سايرينـي وهو كان بين المطرقة والسندانه يوم الأمام امحاربـه والبطينـي وكثير ٍ اللي قاضبيبيـن قرانـه جينـا وفرقنـا جمـع الثنينـي وكل لفظ من عند شقـة عنانـه اقفا الأمـام ومسلـط ٍ نايرينـي ومنهم تبرا زامـل ٍ يـوم شانـه لولا الحولـه فأنهـم غانمينـي ما يرفع التيس الخفيف انقزانـه يسقف عليه العج مثل الطحينـي وهو كان بالقطعة يبيـع وزانـه فان فزع مثل ابـوه والمترفينـي ذبحوه " غلبا " قبل يركب حصانه وعمه ببقعاء يوم ماضي السنيني كظوابه اللي جعلهم فـي جنانـه برموا به اللي يظهرون الكنينـي عمى بريـده بينـه مـن كنانـه والقرد يذهب تالـي الذاهبينـي يجيهـم فـي سهلـة ٍ سمهدانـه وينير عنهـم بـأول النايرينـي ويخلي اللي كالمناشيـش اذانـه فليا تخفينـا مـن اللـي يبينـي عيب على اللي ما يخضب سنانه والا الحكا ما ينقضب باليدينـي لا خير في حكي كثيـر ٍ دنانـه أن ساعف الله غـزوة الثايبينـي يعـده الأول لتـلـي زمـانـه مثل ابرهه وجنـوده المعتدينـي اللي ذكر رب السماء في قرآنـه جابوا لهم فيل ٍ تقل قصر طينـي وجابوا هذولا زامل ٍ في مكانـه إعيرج مالـه مـن الله عوينـي متسلح ٍ بالكذب هـو والذهانـه وهذا زمـان ٍ عجـر الكاذبينـي مابه حذا خيل ٍ معـه شيشخانـه ليا شافه الشايب سلح حد حينـي وليا شرب ما وقف في جرانـه وهذه القصيده قالها الشاعر الأمير حمود الرشيد بعد معركه المليدا في عام 1308هـ :- يالله هـاليوم تجعـل حرفنـا نصرة الدين هو والشروعـي يوم سرنـا وسـارت عطفنـا وارزت الخيل هي والجموعي تو ما قـرد عقـب اعرفنـا هو زامل ٍ خبيـث الطبوعـي يوم ثـار الدخـن وارتجفنـا وانتخينـا بخطـو الفروعـي ما صديقـك يطيـح بحظفنـا والهنادي تقـص الضلوعـي كـم عديـم ٍ لراسـه شلفنـا وين زامل وهـاك الربوعـي والله انـا عليـهـم وقفـنـا موتي مثـل افـام التبوعـي بالمليـدا عليـهـم عكفـنـا كل طيـر ٍ وضبـع دنوعـي سمحت النفس باللي صرفنـا يوم صاروا سوات الجذوعي وأنت يا جاهل ٍ فـي شرفنـا ما شرفنا بـزرع الزروعـي كـم عقيـد ٍ لوثـره جعفنـا من مصانيم بيض الدروعـي بالحمـاده شيـوخ ٍ جرفـنـا حيهم مات فقـر ٍ وجوعـي يوم أخذنـا الأيمـام انحرفنـا قبل يبرا الحفـا والطلوعـي في ثميل وابـا القيـر شفنـا وسمعنـا عليهـن نجـوعـي اتكلنـا عـلـى الله وحفـنـا والسنع من ولـي السنوعـي الشعاليـن بأيسـر طرفـنـا والصويطات معنـا فزوعـي عقب عشر وعشـر ً رجفنـا كل نزال هـاك الضروعـي طرشهـم يـوم شفنـاه عفنـا طرشنا من كبار الضروعـي ــــــــــــــــــــــــــــــــــــــــــــــــــ ـــــــــــــــــــــــــــــــــ واسف على الاطاله وتقبلو تحياتي [/align] |
|
|
|
|
10-26-2005, 10:35 PM
|
رقم المشاركة : 20 | |
|
|
[align=center]يعطيك الف الف عافيه اختي تغريد
واكيد موضوع يستحق التثبيت[/align] |
|
|
|
|
10-27-2005, 11:12 PM
|
رقم المشاركة : 21 | |
|
|
[align=center]كل الشكر تغريد على الموضوع [/align]
[align=center]إنَّ الحمدَللَّهِ نحمدَهُ ونستعينُهُ ونستغفِرُهُ، ونعوذُ باللَّهِ منْ شرورِ أنفسِنا، من يهدي اللَّهُ فلاَ مضلَّ لهُ، ومنْ يضلِلْ فَلاَ هاديَ لَهُ، أشهدُ أنْ لاَ إلهَ إلاَّ اللَّهُ وأشهدُ أنَّ محمداً عبدُهُ ورسولُهُ» «{يا أيُّهَا الذينَ آمنوا اتقوا اللَّهَ حقَّ تقاتِهِ ولاَ تموتُنَّ إلاَّ وأنتُم مسلمونَ}، {يا أيُّهَا الناسَ اتقوا ربَّكُم الذي خلقَكُم منْ نفسٍ واحدةٍ وخلقَ منها زوجَها}، {يَا أيُّهَا الذينَ آمنوا اتقوا اللَّهَ وقولوا قولاً سديداً يصلحْ لكم أعمالكُم ويغفرْ لكُم ذنوبَكُم، ومنْ يطعِ اللَّهَ ورسولَهُ فقدْ فازَ فوزاً عظيماً[/align] [align=center]بداية سوف اتحدث معكم عن فارس وشاعر خلده التاريخ العربي شق طريقه ووصل الى ماهو عليه من شعر وفراسه وعلم واخلاق ودين ورجوله هو الامير طلال الرشيد رحمه الله واسكنه فسيح جناته [/align]  [align=center][align=center]نبذه عن الشاعر: ــ هو من عائلة آل رشيد العريقة ومن زعماء قبيلة ( شمر ) في المملكة والوطن العربي . ــ ولد عام 1962 وتوفي والده وهو لم يتجاوز عمره العامين . ــ حصل على بكالريوس في العلوم الادارية من جامعة الملك سعود . ــ بدأ في كتابة الشعر في نهاية السبعينات تحت أسم مستعار وهو ( الملتاع ) . ــ أنشأ مجلة ( فواصل ) المهتمه بالشعر عام 1993 . ــ أقام عدد من الأمسيات الشعرية في الكويت والبحرين والامارات وفي مهرجان الجنادرية . ــ يعتبر من الرواد في كتابة الشعر الحر ( التفعيلة ) وصاحب مدرسة شعرية مستقلة . ــ أنشأ مجلة ( أبداع ) في عام 2002 والتي تعنى بأمور الاداره والتسويق والتدريب . ــ أنشأ مجلة ( البواسل ) في عام 2003 وهي مجلة متخصصة في الفروسية والتراث والثقافة . ــ غنى له العديد من الفنانين منهم محمد عبده ( عاتب الآمال ـ سنا الفضه ـ أحبه حيل ) وعبد المجيد عبد الله ( ايه شفتك ـ تعال ) وعبادي الجوهر ( كل العواذل ـ وقف الامام ـ ماحبيته ـ ان حكت حكا ـ وعدتني ) ورباب ( لا تذكرني ) وكاظم الساهر ( الليلة احساسي غريب ) . ــ من هواياته المحببه ( القنص ) والذي مات بسببه في صحراء الجزائر على يد مجموعة من المجرمين. [/align][/align] [align=center]ومن اشهر قصائده اللتي الى الان يرددونها وخلدها التاريخ قصيده ياصغير وهي قصيده يخاطب بها بعض من السفها والجهله اللذين لايفقهون ولايعلمون دعونا نبحر في هذه القصيده[/align] [align=center]يا صغيّر ما يكبِّرني لقب و ما يصغِّرني إذا انكرني صغير ما خذينا الصيت من جمع الذهب و لا نسابة شيخ أو قربة وزير كاسبينه من هل السَّيف الحَدَب الجنايز كان ما جاك النذير صيتهم نجمٍ على راسه ذهب سمعوا الصقهان به و أجهر ضرير بالوفا تاريخٍ أبيض ينتصب لا حكوا بالحق حيين الضمير ضيغميٍّ للسناعيس أنتسب لابةٍ طلنا بها عرشٍ كبير عند حدّك يا كثير الهرج تب لا تمر النار و ثيابك حرير كان لك عزٍّ بذلّي فتعقب و الله الا تبطي و حبلك قصير أحسب أنك من صناديد العرب و أثر ساترتك عباتك يا غرير ما حسب للسوس زراع القصب و القرادة ما درى عنها البعير و لو حسبنا للحسايف و التعب ما بذرنا يالعصافير الشعير عن هلك أبرا إلى الله و أحتسب الرجال اللي مجاراهم عسير من قريش المصطفى و أبو لهب و الدغالب ما غشت عذب الغدير للرجال من الرجاجيل العتب و الزكاة تحل في حال الفقير لعن ابو وقتٍ غدينا به حطب تحرقه نارٍ يثوِّرها أجير ما ألومك ذا الزمن سوّى العجب هو بقى غير الكرامة بالجفير ؟ ما أذل و راسي يشم المهب لو بقى من شمّرٍ طفلٍ غرير و ما أهاب و لا يزلزلني غضب الشجاعة ورث و العاقل غزير يا صغيّر ما يكبَّر باللقب غير من كان من دونه صغير [/align] للاستماع على قصيده ياصغير اضغط هنا بصوت المرحوم الامير طلال الرشيد [align=center] وللغزل ابواب وابواب مع الامير رحمه الله اخترت هذه المتواضعه[/align] [align=center] مكانك مكانك أمـوت من فرقـاك وأمـوت بـلقـاك وأمـوت من جـورك وأمـوت بحنـانـك كـل قضـاه يمـوت مـرّه ويـفـداك وانـا أمـوت ألـفيـن مـرة عشـانـك أذكـرك لا منـي نسيـت انـي أنسـاك وأنسـاك لا منـي ذكـرت نسـيـانـك رضيـت انا بالهـم لرضـاك مـرضـاك وأرخصـت لك قلـب جرحتـه وصـانـك أجيـك في صـدري عتـاب وأبـجفـاك وأرجـع ألـوم الوقـت وأقـول خانـك أحـب فـيك احسـاسـي انـي بلا مـاك في عـز خوفـي منك أحـس بأمـانـك عجـزت أفـرق بيـن وصـلك وفـرقـاك ياللـي عطيـت الناس بيـدك حنـانـك مـرة تجيـنـي لـين أقـول انـي ايـاك ومـرة تـروح بعـيـد وانسـى أوانـك أقبـل وتقفـي واعتـذر عـن خطـايـاك وأقـول مـا عـييـت عيّـى زمـانـك وان خـانتـك دنيـاك أو خنـت دنيـاك ارجـع وتلقـا بي مكـانـك مكـانــك [/align] [align=center]رحمك الله واسكنك فسيح جناته[/align] |
|
|
|
|
10-28-2005, 02:47 AM
|
رقم المشاركة : 22 | |
|
|
[align=center]لسان الروح يا مرحبا
حياج الله اختي نورتي الموضوع والحمد لله على سلامتك نور المنتدى برجعتك تحياتي لك [/align] |
|
|
|
|
10-28-2005, 02:53 AM
|
رقم المشاركة : 23 | |
|
|
[align=center]هلا وغلا يا النايف
أبدعت الله لا يهينك وشخصيه تستحق فعلا الذكر وفيت وكفيت طال عمرك أسعدني مرورك ومشاركتك ألف شكر على المساهمه واعذرنا جا الرد متأخر المعذره . كاني على الوصل قصرت . ماهو بكيفي حاكمتني . >>ظروفي<< وان شاء الله يتم التواصل المستمر معكم تحياتي لك [/align] |
|
|
|
|
10-28-2005, 03:07 AM
|
رقم المشاركة : 24 | |
|
|
[align=center]غازي
. . والله دخلتك هنا ومشاركتك في الموضوع في الوقت اللي انت عارف له قدر كبير عندي أسعدني وعارفه سبب المشاركه وانت والله غالي عندي فوووووووق ما تصوور يا مرحباا ملالايييييييين نوووووووورت تسلم والله يعطيك العافيه يا الغلا أجيـك في صـدري عتـاب وأبـجفـاك وأرجـع ألـوم الوقـت وأقـول خانـك أحـب فـيك احسـاسـي انـي بلا مـاك في عـز خوفـي منك أحـس بأمـانـك عجـزت أفـرق بيـن وصـلك وفـرقـاك ياللـي عطيـت الناس بيـدك حنـانـك مشاركه في منتهى الروعه من شاعر مبدع الله يرحمه اهديها لك تحياتي [/align] |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
