قصتي مع خويتي في مجمع الفيصلية ( لا يفوتكم)

[عازف الناي]

مرتن من المرارير كنت طفشان ومقفله معاي , رحت لصويلح صديقي قلت خل (اجلس) عنده شوي وواسع صدري.

دقيت الباب حق غرفته

رد صويلح: من الطارق << حلووه من الطارق kK،4

قلتله عكرمه ياثور, افتح بسرعه لالعن خيرك

فتح صويلح الباب, الا ريحت الجيفنشي التقليد تعطعط, وشماغ ريموند لاعب لعبته
وذاك الثوب الابيض اللي يلق لق, وفي جيبه قلم فضي زارفه ( سارقه) من محلات ابو ريالين


قلتله اخس ياصويلح, والله منت بهين, اثريك اذا كشخت كشخت

رد صويلح, اووووه ماشفت شي, هذا وانا تو مالبست الجزمه الصفرا حقتي << والله من الذوق المخنز


طيب ياصويلح وين رايح, من وين جاي

قال: ابشرك ( مواعد خويتي), وتدري مادامك جيت خل اخذك معاي, وانا راح اكلمها تجيب معاها صديقتها


بصراحه انا الفار بدا يلعب في عبي, وماتوقعت ان صويلح الدلخ يمديه يشبك بنت.

قلتله اوكيه حبيبي صويلح ابجي معاك, بس وين بنقابلهم


قال, مايبيلها, في مجمع الفيصلية


قلت حلو, بس بشرط, اذا وصلنا كل واحد ياخذ خويته ويبعد عن الثاني << اعرفه يفشل واسلوبه ماينشرى بر يال


قال, طيب


ركبنا الرولز رايز حقت صويلح ورحنا للفيصلية << اي والله قويه 6e7r1a


دخلنا الفيصلية, وقمنا ندور البنات, وكل ماشفنا ثنتين يمشون مع بعض قلنا هذولا هم



المهم جلسنا تقريبا 40 دقيقه على هالحال


في الاخير قفلت معاي وقلت صويلح والله ماعندك ماعند جدتي


شكلها سحبت عليك



قال اما تسحب علي, كثر لي منها بس


والله لا تنق بطايق الشحن حقتي بطاقه ورا بطاقه


قلتله انت شاحنلها, قال اجل وش رايك

لا ومعطيها بطاقه ثانية لخويتها اللي بتجي معها


طبعا انا طالعت في وجه صويلح اللي كنه قوطي لبن ابو ريال وقلتله صويلح خلني ادق عليها من جوالي هي ماتعرف رقمي



اخذت الرقم ودقيته, الا ذاك الشنب اللي صوته كنه شكمان مخروق


قلتله تعرف واحد اسمه صويلح

قال لا مااعرفه , مين معاي


قلت طيب من متى وانت مطلع الرقم


قال منذ مبطي



قلت طيب تجيني ازعاجات من وحده من نفس الرقم حقك


قال والله غلطان يابوي



قلت اقول يالوصخ, بطايق صويلح اللي ارسلها لك ترجع بطاقه بطاقه


قال اووووووووه قصدك رامي dkhan اصلن انا من اول داري ان ذا الاسلوب مايطلع من واحد اسمه رامي
هههههههههههههههههههههه

سلملي على صويلح حقك وقله يعيش وياكل غيرها


المهم انا مامداني اتكلم الا وقفل الخط بوجهي



ناظرت صويلح وقلتله رامي هاه

اصلن انا داري من اول انك منت كفوا بنات


انت فلبينيه شغاله في مستشفى المانع وتخب عليك



واخذت صويلح المسكين ورجعنا ونحن نجر اذيال الهزيمه!!!


هههههههههههههههههه

تحياتي للجميع

[بنوته كول]

هههههههههههههههههههههههههههههه

ياحرااام والله كسرتو خاطري على هالسالفة ..

بس ماعليه تعيشون وتاكلون غيرها على قولة خويته المزيفة ههههههههههههههههههههه

ثااانكس خيوو عالقصة الرووعه ..


دمت بخير

[ميشوووه]

ههههههههههههههههه اما رامي <<<<<<<< مسوي رامي عياش هههههه

ايوه كذا القصص ولابلااااااااااااش ،، بانتظار قصتكم في المملكه ...

تحياتي ,,

[نورالبحرين]

هههههههههههههههههههههههههههههههههههههههههههههههههه ههههههه





قطعتوا قلبي ولكم مني دعوووووة للبحرين مجمع السيف وتعوضون الهزيمة







سي يو سون

[عازف الناي]

بنوته كول


ههههههههههه

ماقصرتي مشكوره على الرد

[عازف الناي]

ميشووه



هههههههههههههههه شفتي كيف من زين وجه مسمي رامي هههههههه

انتظري القصه عن قريب في المملكه بس بدون رامي ههههه قصدي صويلح



مشكوره على الرد

[عازف الناي]

نور البحرين

قبلت الدعوه وبجي عن قريب علشان نعوض سالفه رامي هههههه




مشكوره على الرد

تحياتي

[ونــ ـ ـــــاســ ـ ـــــــة]

بسم الله الرحمن الرحيم

ياولد أنا من يوم قالك من الطارق وانا غاسلن أيدي منه

المهم ماعليه ..

أزين من اللي صار معي ياخوك من وين يجون هالدلوخ ماينتهون من السوق

أبشرك جالسا أحفر بحفرة طويلة عريضة أبرمي فيها الدلوخ وأشب عليهم نار تحرقهم الين يعرفون أن الله حق واللي بيزعل قطيته معاهم

ههههههههههه
ههههههههههه

فمان الله ..