سألتك هو بقى فينـي مشاعـر لـو تخونينـي

[ونات الحنين]

<> قصيدة اعجبتني وحبيت انقلها لكم حبايبي


أنا أشهد إني في حبك بنيت جبال فوق جبـال
وقلبي لك بعد يشهـد وصرتـي دم شرايينـي

رسمتك نون في عيني كأنـي للخيـال خيَّـال
وكَأني بعد ما أَصحى أَشوفـك وردة بيدينـي

من أَول ما نبض قلبي لقيت الحب بك ترحـال
ولقيت النـار فـي بـردك تبعدنـي وتدنينـي

وقلت إنِّي على دربك أبضرب للعشـق أمثـال
أبضرب شي في الدنيا قطفته مـن دواوينـي

كفاية إنِّي عرفت دربك ولا همِّي أنا لو طـال
حلفت اني أبد ما توه لـو ضاعـت عناوينـي

أشوف الشمس بعيونك يلملم طيفهـا الشَّـلال
وأشوف الليل برموشك بحر بالعيـن يرمينـي

تخيَّل كثر حبِّي لك كثر ما في السِّفـر أميـال
وكثر ما ينطق العالـم لغاتـه لـو سألتينـي

خيالك يسكن بدمي اِلى مِن القلـم قـد سـال
وصارت رسمتك فيني مثل منتـي رسمتينـي

أصورك الجبال اللي بقت آيَة وحِكَـم وأمثـال
وأنا مثل السحـاب اللـي بأَمطـاره تنادينـي

لجل ينبت براضينا من ورود الولـه أَشكـال
بعد ما شفت بعيونك جـواب إنِّـك عشقتينـي

أشوفك حلم بحلامي وأحس برقصة الخلخـال
وأحس الوقـت ياخذنـي لأَشواقـك يودينـي

حقيقه كنتي بحلامي مثل وردة بوسـطِ رمـال
هقيـت إنِّـي أبقطفهـا ولكنِّـك قطفتيـنـي

أجيك بشوق يدفعني لعالم ما يعـرف محـال
وأصير الكون بيدينك ومن خوفـك تضمِّينـي

وأنا أشهد إنِّي في حبِّك يمين ٍ ما تعرف شمال
لأنِّي بالعطا أكبر مـن بحـور الضمـا فينـي

أنا واحـد ولكنِّـي بأمواجـي غلبـت رجـال
وتراني يالهوى أكبر من إنِّـك تنتحـر فينـي

عرفتك يا لقمر كامل ولا أريدك تكون هـلال
أريدك يا لملاك تكون حبيبي و منبع سنينـي

أريدك تفرشي قصيدي من عيون الجمال آمال
وأريدكْ تسكني قلبي وقبل يشكينـي تشكينـي

جمعتك لو نثرتيني ونثرتـك يالغلـى بهمـال
ويـوم إنِّـك جمعتينـي عرفتـك تستحقينـي

أريدك لافقدتينـي يكُـون بهاجسـك زلـزال
وأبد ما تركن ركونـك اِلـى منِّـك ظلمتينـي

حقيقة لو نسيتيني أببقـى بصورتـك تمثـال
سألتك هو بقى فيني مشاعـر لـو تخونينـي

لأني ما أبي تفتـح لأبـواب الجفـا مدخـال
كفايه إنِّي فتحت قلبـي وجنَّاتـه وبساتينـي

أبد ما فيه أحد غيرك ولو قالوا لـك العـذَّال
ترى كل الحكي منهـم يبـون إِنِّـك تخلِّينـي

وأنا ما ابيك تجرحني ودموعك بعدها تنهـال
وإذا ظنِّـك بهجرانـك تقـول اِنِّـك تجازينـي

بكون أكبر من عنادك مثل ما اشرب الفنجـال
ولا يطري على بالـك بيـوم إنِّـك تكيدينـي

وإذا والله بعتينِي أبيعـك لـو بنصـف ريـال
برغم إنِّي صغير السِّن ودمِّك قد سرى فينـي

ترى ما حب تهينيني بكلمـة قيـل ولاَّ قـال
لأنِّي عارف ٍ نفسـي قبـل لنتـي تعرفينـي

ومهما قالوا وقلتي بقول إن الرجـال أفعـال
وكلامي عالورق كذبه أريـدك مـا تجافينـي

وأريد البسمه بعيونك تناجي خافقـي بوصـال
وقبل لا ترمش عيونك أريدك تسكنـي عينـي

وأريدك لاذكرتيني يكون الحـق لـك تختـال
ويكون الحق لك تمشي على أطراف سكِّينـي

أبي منِّك تعاهدني لو إِن الحال غيـر الحـال
بأنِّي أبقى فـي ذاتـك وهـذا بـس يكفِّينـي

ولو إِنِّ الثرا فينـي يحـوِّل هالجبـال أمـوال
لحوِّلها لجل عينك وأحـرِّك هاجسـك فينـي

أبي تاخذنا أبياتـي لشمـس ٍ ماتعـرف زوال
وتصبح عينك بعيني ورمشك يحتضن عينـي

وتكون خطاك في دربك زهور العاشق الـدَّلال
سمعت اصواتك بحلمك قبل لنتـي تصحِّينـي

صحيت ولا يزال الحلم بحِلمي يِعتلي الأطـلال
كأني فِي سنا حلمـك مثـل منتـي تريدينـي

كتبت اِسْمك على حروفي وكنتي أروع الأعمال
ِلامِن صاحت حروفي وقالت بس أنـا وينِـي؟

وأنا أشهد إني في حبك بنيت جبال فوق جبـال
وقلبي لك بعد يشهـد وصرتـي دم شرايينـي

تحياتي
ونات الحنين

[سنابل]

أبي منِّك تعاهدني لو إِن الحال غيـر الحـال
بأنِّي أبقى فـي ذاتـك وهـذا بـس يكفِّينـي

ولو إِنِّ الثرا فينـي يحـوِّل هالجبـال أمـوال
لحوِّلها لجل عينك وأحـرِّك هاجسـك فينـي

ونـــــات الحنين ،،

صح لسانك ولاهنتِ ،،

يعطيك العافيه ..

[نـــــــو ا ل]

كتبت اِسْمك على حروفي وكنتي أروع الأعمال
ِلامِن صاحت حروفي وقالت بس أنـا وينِـي؟

وأنا أشهد إني في حبك بنيت جبال فوق جبـال
وقلبي لك بعد يشهـد وصرتـي دم شرايينـي

ياسلام ..
صح لسان شاعرها ويعطيج العافيه اختي ونات الحنين


تحياتي لج


نوال

[(ابوشويعر)]

أبد ما فيه أحد غيرك ولو قالوا لـك العـذَّال
ترى كل الحكي منهـم يبـون إِنِّـك تخلِّينـي

وأنا ما ابيك تجرحني ودموعك بعدها تنهـال
وإذا ظنِّـك بهجرانـك تقـول اِنِّـك تجازينـي

مشكووووووره على النقل الرائع

[ونات الحنين]

صح بدنك حبيبتي سنابل

ومشكورة على مرورك

تحياتي ...

[ونات الحنين]

الله يعافيج حبيبتي نوال

شاكرة لج مرورج

تحياتي

[ونات الحنين]

العفو اخوي ابو شويعر

شاكرة لك مرورك

دمت بود