مسلسل ....جدتي

[على خبرك]

[align=center]السلام عليكم ورحمة الله وبركاته






يامحاجاتك شيّن نط بعلباتك
ويعلى الصوت .. كل واحد يبي يصير شارلك هولمز وكل واحد يقط كلمه كل ثانيه علشان يسبق اخوه
والذكي منا ...يسكت يفكر كني اعرف الحل واذا سالته جدتي : قال : الزنوبة ..... وبكل ثقه ... وطبعا الذكي الثاني فينا يقول بنفسه : إهب جابها صح ..........!
ويعلى الصوت مره ثانية والضحك والهرج والمرج ونجيب اسماء مال امها داعي (( وننفره )) يعني تجينا انفراهه ونخرج عن السيطره
( وتنزرنا ) جدتي ذيك النزرة
ويتحول الجو لسكوووووون وهدوءءءء
وتناظرنا بعين حاره وفيها ظحكة مكبوته
وتقول : تدرون اللي يعلي صوته بوجه جدته وش يصير له هااااااااااااااااااااااااااااااه ؟
وتطير عيونها علينا .... ونقعد نبالع بارياقنا ....اي ..ايه ايه ندري ....
وبصوت واحد كأننا ننشد انشودة الصباح .... اللي يعلي صوته ياكل لسانه القبون !
وطبعاً الى ساعتكم مادري وشو القبون ومن الروعه الى الحين عجزت لا اسأل وشو ...
وتناظرنا
وتتمقل فينا
ونظرتها للحين صارمه وقويه
ويبدا فلم السهره ....فلم الأكشن ... والرعب ...
اسمعوا ( ياعييلي ) هالسالفه .....
وياساتر استر
اذا قالت هالكلمة تنشد احاسيسنا ويصير كل تركيزنا وانتباهنا متركز لابعد حد عليها
وتبدا تسولف علينا السالفة (وحنا طايرة عيونا ) وخششنا مفتوحه على مصراعيها خوف.... وإثارة.... وتشويق ... كأننا نتابع فلم لروبرتو دنيرو
طبعاً كل القصه أكشن من أولها لآخرها وطبعا أغلبها مواقف رعب وتقطيع واكل وعض ( ودمان ) يعني دماء ...!
نتخيل كم رجل ( للسعلوة )
(والعوي ) وش كبر عيونه .؟ واذانه ؟
وطبعا كيف صوته ؟ هو ( يجاعر ) ولا يصارخ ولا يزأر رغم ان كنا ذاك الوقت ما نعرف وش هو الزئير ؟ عوا الذيب ويخب علينا
نتخيل ( عافية الله ) وهذا كان اكثر شي يرعبنا ونخاف منه نتخيلها بشعر كثيف وعيونها كبار وطالعات ( يتدودلن ) kK،4 وهذا تعبيري اذا بغيت اخوف اخوي اللي اصغر مني ( كل قوي عليه اقوى منه )
وتستمر الدراما المثيره
وطبعا ( حمارة القايلة ) تكرمون .. كانت فوق مستوى ادراكنا
لاننا كنا بالليل ونتطمن انها ماراح تطلع علينا الا بالقايلة والقايله نكون نطامر بهالشموس وهالقوايل اللي لو طاوعناهم كان وش كثر ( الحمير ) تكرمون .. اللي بتطلع علينا.....





يتبع ....[/align]

[راشـد المهمــوم]

[align=center]رائع رائع رائع



اخوي على خبرك




ننتظر التكمله لا تروح بعيد



اخوك راشد[/align]

[مشـاعـل الخـالـد]

[align=center]يوووووووووه ذكرتني بحكاوي جدتي الله يشفيها كنا نجي بحجرها وهي تحكينا


حكاوي النمنم والسعلوه واشيا للان مانعرف معناها لكن نتخيل انها مسخ

شي من الرعب مانوصف

الله على حكاوي جداتنا ........


الله يعطيك العافيه اخوي على خبرك


بانتظار اكمال القصه

دمت بخير[/align]

[نـــــــو ا ل]

يعطيك العافيه اخوي


بانتظار تكلمت القصة

وانتظار جديدك القادم

تحياتي لك ,,,

[fathela]

حياك الله اخي الفاضل على خبرك

رائع جدا

بانتظار التكملة

ودمت بحفظ الله

[ضامي الود]

[align=center]هلا أخوي


على خبرك



عسى عمرك طويل يارب


ماقصرت والله[/align]

[على خبرك]

اخوي راشد
ياهلا وغلا فيك والله
نورت يالغالي
الروعه كلها في حظورك
تسلم يالغالي
وكل الاحترام لشخصك الكريم

[على خبرك]

اختي مشاعل
منوره
بطلتك الحلوة
الله يشفي جدتك يارب

شكرا على المرور
وتشرفتك بوجودك
احترامي وتقديري لكرم حظورك