حبـــيبتي ,,,

[!@ولد@الكويت@!]

حبيبتي يا غلاي ويا هنى عمري
.............أشتقت لك يا حياتي يا دفا سنيني

حبيبتي والغلا لك في دمي يسري
.............والله ان شوقي لشوفك حيل مشقيني

ودي أفهم يا غناتي وش سبب هجري
.............أحترق ودي بهمسة منـك تروينـي

وكل ما لاحت طيوفك في سما فكري
.............يستبيح الشوق كل الدمع من عينـي

وكل ما فاظت دموعي ينجبر حبري
.............يرسم احساسي قصايد يـا معنينـي

حتى الهامي سألني وش سبب كدري
.............في حروفي والدموع وكـل مافينـي

وأن خطر لك يا حياتي اني اهـذري
.............فأعرفي أنه جنوني لنظـرة تحيينـي

ولو جنوني يا غلاتي يستفز شعـري
.............فانتي شعري والقوافي يـا دواويني

أيه أحبك يا ربيعي ويا شذى زهري
.............لو تشوفي أشواق قلبي كيف تضنيني

لي متى وأحنى بعاد وهالعمر يجري
.............لي متى هذا الظلام الي يناجيني

يا غرامي يا جنوني يالهوا العذري
.............يا الأميره يالجديره بـشيخة الزيني

يا عنيده يا سديده يا الغلا الدري
.............يا الأبـيه يا البهـيه ليتك تليــني

يالغلا حبك سفينه راسيه فـ بحري
.............يـالعنود حبك تمادى في شرايني

إيه أحبك وبس أحبك وما بقى بأمري
.............غير شعري والحروف وغايةٍ فيني

حبيبتي يا غلاي ويا هنا عمري
.............ودي أشكي لك ولكن وينك و وينـي

[رغ ــد]

ولد الكويت

صح لسانك

ويعطيك العافيه على الابيات الحلوة

[سنابل]

أيه أحبك يا ربيعي ويا شذى زهري
.............لو تشوفي أشواق قلبي كيف تضنيني

لي متى وأحنى بعاد وهالعمر يجري
.............لي متى هذا الظلام الي يناجيني

ولد الكويت ،،

صح لسانك ولاهنت ،،

يعطيك العافيه ..

[نـــــــو ا ل]

حبيبتي والغلا لك في دمي يسري
.............والله ان شوقي لشوفك حيل مشقيني



صح لسانك ويعطيك العافية

ولد الكويت


تحياتي لك

نوال ,,,

[!@ولد@الكويت@!]

الله يعافيج

ومشكور على الرد رغــد

[!@ولد@الكويت@!]

الله يعافيج

وصح بدنج

ولا هان غاليج اختى سنابل

ومشكوره على الرد

[!@ولد@الكويت@!]

صح بدنج نـــــــو ا ل


ومشكوره

وتسلم يمناج على الرد

[لؤلؤة الخليج]

يعطيك العافية اخووووووووووووي ولد الكويت على الابيات الرائعة

لك تحياتي لؤلؤة الخليج