قصيده غريبه من نوعها

[ونات الحنين]

قصيده غريبه من نوعها

ليست الا رثاء النفس
قيل انه كتبها احد الشباب رأى في منامه انه توفى ورثى نفسه فيها


جاني وانا في وسط ربعي وناسي " " جاني نشلني مثل ما ينشل النـــاس

مني نشل روح تشيل المآســـــــي " " تشكي من ايام الشقى تشكي اليـاس

اثر الالم في سكره المـــوت قاسي " " ماهالني مثله وانا انسان حـــساس

جابوا كفن ابيض مقاسه مقاســــي " " ولفوا به الجسم المحنط مع الـراس

وشالوني اربع بالنعش ومتواســي " " عليه ومغطى على جسمي البـــاس

وصلوا علي وكلــــــهم في مــآسي " " ربعي ومعهم ناس من كل الاجناس

ياكيف سوا عقبنا تاج راســــــــي " " وامي الحبيبه وش سوى بها الياس

اسمع صدى صوت يهز الرواسي " " قولو لها لاتلطم الخــد يانـــــاس

قولولها حق وتجرعت كاســـــــي " " لاتحترق كل يبي يجرع الكـــــاس

اصبحت في قبري ولابه مواسي " " واسمع قريع نعولهم يوم تـــــنداس

من يوم قــــــفوا حل موثق لباسي " " وعلى رد الروح صوت بالاجراس

هـيكل غريب وقال ليه التــناسي " " صوته رهيب وخلفه اثنين حـــراس

وقف وقال ان كنــت يانـمر نـاسي " " هاذي هي اعمالك تقدم بكــــــراس

ومن هول ماشفته وقف شعر راسـي " " وانهارت اعصابي ولاارد الانـفاس

يالـيتــني فكرت قبل انغمـاســي " " بالـغفله اللي منتـهاها لــلافلاس

وفزيت من نومي على صوت ناسـي " " واصرخ واقول الموت وأحذر الناس



قائل القصيدة توفي في حادث مروري بعد يومين..:(

(رحمه الله وأموات المسلمين )..

اللهم ارحمنا برحمتك يا أرحم الراحمين..

[لؤلؤة الخليج]

يالله يالله المووووووووووووت صعب على كل انسان طبعا

ونات االحنين طرحك مميز

تحياتي لؤلؤة الخليج

[((لعيونها))]

يــــــــــــــــــــــــــــــــــــا الله
الله يرحمه ويسكنه في جنات النعيم

يعطيك ربي العافيه
وتسلم يمينك وقلمك الذهبي
الله لا يحرمنا منك ولا من جديدك

احترامي وتقديري لكِ

[ونات الحنين]

الف شكر لك لؤلؤة الخليج على مرورك

دمت بود

ونات الحنين

[ونات الحنين]

الله يعافيك اخوي بندر

تحياتي