منتظرك تجي...

[الفراتي]

تعال.. العيد باجر وآنه مشتاك... اذا ماجيت ماحس عيد باجر
لان ادري ابحضورك يكمل العيد... يمن وجهك يزف احلى البشاير
تعال .. وجيب لشفافي المسرات... حرام أنعيّد ابكسر الخواطر
تعال . اكبالي اصفن والحجي ايطول.. ادري بصفنتك تملي الدفاتر
تعال . ابطرك روحك كلشي موجود... حنّه .. ومبخره .. وصبغ الاضافر
اريد الوجهك ارسم لوحة ابداع...........وأكحل اعيونك ابأجمل مناظر
تعال.. وجيب زودك بين الجفوف....... اريد أبين أدي تترك مآثر
يامصدر فرح محتاجك العيد............ رايد للفرح منك مصادر
يبو سوالف عسل تنكط عبارات........ منتظرك تجي اتحلي الحناجر
ويلكلك ذهب رفقا بالعيون............ عليمن ياحلو تلبس جواهر ؟
ويبو ريحة مسج تنثر رياحين.......... اريد ابريحتك أملي المحابر
تعال.. ولاتخلي العيد مخنوك ........ هوّه العيد محتاجك يشاطر
كبل جيت الصبح راح ألزم الباب.... واخلي اعيوني لدروبك تناطر:
:
واتمنى لكم عيد سعيد ولقاء أحبتكم بأذن الله

[مهدى المصرى]

أخي

لي عودة

دخلت فقط

لوجود أسمك هُنا

مهدي

[الفراتي]

اخي الغالي... مهدي المصري
اهلا بحضورك
الذي تستقبله
كلماتي بشوق
بانتظار عودتك
عزيزي