......@@(( انا لبست الحزن في طلعة العيد ))@@.....

[غازي الرسمان]

[align=center]


قصيدة اخر ماكتبت وهي تشرح نفسها بنفسها[/align]
[align=center]


العيد فرحة تجمع الناس بناس
.............. وانا لبست الحزن في طلعة العيد

لبس الحزن لبسي وزيده بعد ياس
................ وشلون احس العيد ما دامك بعيد

العيد عيدك شفني انسان حساس
.............قــلبي يصيح اليوم يكفي تناهيد

ماهو بحق تغيب تتركني محتاس
............. شوف الالم والخوف يعطيني تهديد

شوف الشقا يازين يقرع بالاجراس
......................حتى سهام الموت تعطيني تسديد

انا اشهد اني ماخذٍ درعٍ وكاس
............... دبلوم حزني والشهـــايد تزاييِد

اجامل الايام ضحكات واعراس
................. وابكي وحزني يعطي الـقـلب تاكيد

متى على الله تكتمل فرح واوناس
.................. متى على الله يكتمل عيدي سعيد

ياعيد روح لاتجي صوب هراس
................ وان طعتني ياعيد تبقا لي بعيد[/align]

[ـالهنوفـ]

اجامل الايام ضحكات واعراس
................. وابكي وحزني يعطي الـقـلب تاكيد

متى على الله تكتمل فرح واوناس
.................. متى على الله يكتمل عيدي سعيد

ياعيد روح لاتجي صوب هراس
................ وان طعتني ياعيد تبقا لي بعيد


.


الله على حزنك اخوي غازي ..


صح لسانك ..


على هالقصيدة الجميلة ..


.


دمت بخير ..,,

[ونات الحنين]

العيد فرحة تجمع الناس بناس
.............. وانا لبست الحزن في طلعة العيد


صح لسانك اخوي غازي

قصيدة روعة

تحياتي ...

[!@ولد@الكويت@!]

صح لسانك غازى

ولاهنت

وتسلم يمناك على القصيده الحلوه

[فهد بن منصور]

شوف الشقا يازين يقرع بالاجراس
......................حتى سهام الموت تعطيني تسديد

صح السانك

اخوي غازي الرسمان

ويسلم يمناك على الابيات الجزله

ولاهنت

[ثورية]

السلام عليكم ايها الشاعر الحزين

وعيدك ان شاء الله سعيد وينعاد عليك بالسعادة والهناء

متى على الله تكتمل فرح واوناس
.................. متى على الله يكتمل عيدي سعيد

اكيد ربي حيحقق احلامك وتكتمل فرحتك عن قريب يا رب

بصراحة قصيدة ممتازة وفيها ما فيها من الانين و تلامس المشاعر والاحاسيس

كل التوفيق والنجاح الدائمين ان شاء الله

كل الود اختك ثورية

[جــــــــــرح]

العيد عيدك شفني انسان حساس
.............قــلبي يصيح اليوم يكفي تناهيد

صح الله لسانك ولاهنت ....

تحياتي لك اخوي غازي ..