:؛:المرح ـــله الاولــى من مسابقة اطــرف موقف (تصـــويت):؛:

[مشـاعـل الخـالـد]

[align=center]السلام عليكم ورحمة الله وبركاته

اعزائي رواد المنتديات الترفيهيه بشكل عام

وقسم الهستره بشكل خاص

وددت اخباركم بأننا بدأنا اولى مراحل التصويت لاطــــرف موقف


واليكم

[blink][grade="00008B FF6347 008000 4B0082"]:؛:الموقف الاول:؛:[/grade][/blink]


مره رحت اراجع الوزاره مع ثنتين من رفيقاتي

بطلعلي تقرير راتب علشان اشتري لي سياره <<< من سألج

المهم رايحين الساعه 8 وما ردينا للدوام الا على الساعه 12

تعبنا واحنا نفرفر بالوزاره صاعدين نازلين <<< تخاف من الليفت

يوم خلصنا وطلعنا ،، يالله نشوف الدرب رجولنا تكسرت ،، ماعاد ورانا شي نبي نركب السياره

رحنا الباركينج قلت لرفيقتي اللي جايبتنا معهاا وين سيارتج ،،، قالت بعيد شوي

واحنا مانعرف في السيارات انا ورفيقتي الثانيه ،، وقلت وينهاا

قالت الحين بضغط على ريموت السياره وبتشوفونها

وهي تطلع مفاتيح السياره مامداهاا تضغط على الريموت

الا بجنبنا سياره شبت ليتاتهاا قلتهاا بس هذي هي ورحنا لهاا ركض شوي وبغينا نركبها

مادرينا الا رفيقتنا صاحبة السياره تأشر لنا تقول لا لا مووهذي سيارتي هههههههههههههههههه

يوم لفيت انا ورفيقتي ولا الرجال اللي جاي يم السياره <<< طلعت سيارته

تفشلنااا قام الرجال يضحك عليناا هههههههههههه ويطالعنا <<< شكله ناوي يحلف علينا مايوصلنا غيره هههههههههه

عاد رفيقتي هذي مطيريه تقول ياليتني طلعت نذالتي وخليتكم تركبون سيارة الرجال هههههههههههه



[blink][grade="00008B FF6347 008000 4B0082"]:؛:الموقــف الثانـــــي:؛:[/grade][/blink]

بسم الله الرحمن الرحيم

في مرة من المراريييير ايام الثانوية كنت مواعدآ لي واحد << واحد المهمــ وانا اللي حاطط بالشنطة حق المدرسة جينز شارلستون وبدي وعطر << لزوم المقابلة الشخصية << يتذكر انة كان ياخذ الكتب بسجادة صلاة

اتذكر اني اخذت السيارة حق اخوي وعطيته 50 ريال << وربي اني متحسف عليها خ2
ورحت للمقابلة الشخصية المهمــ صار اللي صار. << لاحدن يسأل وش صار .

المهمــ ونا راجعن للمدرسة وقفت السيارة على الظهر يعني وقت خروج الطلاب من المدرسة ولابس الجنز والبدي << وحاطط الثوب والشماغ بالشنطة .

خرجوا الطلاب وجاؤ الربع يسألون وين الناس وينك غايب ..
وفجاة وبدون سابق أنذار ومع لمحة البصر لقيت الشايب يمر بالسيارة من امامي ونا اللي اتدابغ انا والعيال ياهوو خبوني تكفة ياعيال .. لكن لمحة البصر حقي مثل لمحة البصر حق الشايب وهو اللي يوقف السيارة ويأشر بيدة تعال تعال كمووون كموووون < عنجلش

رحت لة ونا لابسن البدي والجينز << مسوي قوي الولد

يقول وش فيك لابس كذا هاااا < والعيون فيها شرار لو حطيت سلك لمبة أشتغلت

قلت لة (( أبد كان عندنا اليوم الوطني للمدرسة عشان اليوم تأسست وهم مسوين عيد مافية دروووس ))

قال والطلاب ذولي وش فيهم لابسين الثياب والأشمغة ونت لا .. << قال يبي يحكرني قال

قلت له (( يابوي هذولا بدوان مايعرفون هالعلوم لو لابسوا الجنز جلس يطالع بالمرايا ساعة يقول هذا انا لالا مب انا ))

طولنا عليكم ومشيه السالفة على الشايب ونتهت القصة
بس يابنت ياكانت المقابلة الشخصية زينه

[blink][grade="00008B FF6347 008000 4B0082"]ماعليكم سوى القراءه ومن ثم التصويت للموقف اللي تشوفونه يستاهل اصواتكم[/grade][/blink]

ملاحظه

التصويت بالاعلى وبالاسفل

دمتم بخير[/align]

[صبا]

[align=center]أشكرك أختي /

مـــشــــاعـــــــل الـــخـــــــــــالــــــــــــــد


و كل القائمين على المسابقه

و تم التصويت للموقف الأول

و بالتوفيق للجميع [/align]

[مشـاعـل الخـالـد]

هلابك صبا


واسعدني مرورك


يعطيك العافيه

[::الأدهمـ::]

[align=center]الف شكر اختي الغالية مشاعل الخالد على المسابقة الرائعة


وانا صوت للموقف الثاني

تمنياتي بالتوفيق للجميع

اخوكي القيصر[/align]

[nadanodo]

السلام عليكم و رحمة الله و بركاته



هلا مشمشة



تسلمى على المسابقة



انا صوتى للموقف الاول



شكرا

[جمــانه]

ههههههههههههههههههههههه

والله كلهم يضحكون

صوت للموقف الأول

شعوله يعطيكِ العافيه على كل شي تبذله ^__^

[غاية الموجود]

ههههههههههههههههههه



يالله يااهي من موااقف لاتحسدون عليها



صوتي للموقف الثااني ..

[مشـاعـل الخـالـد]

هلابك ندا نودو ويعطيك العافيه على التصويت


دمت ورقيك