((( تحسبين الزواج توفـي وكتكـات,, ولا تحسبينـه توكـس والا بونتـي )))

[الأول]

لا تحسبين العرس توفـي وكتكـات = ولا تحسبينـه توكـس والا بونتـي
ولا تحسبين العرس كيكة وطرطات = وصلـة قطعتيهـا ووصلـة بلعـتي

ولا تحسبين العرس تصفيق واصوات = وانت عللى صوت الغطاريف همتي
ولا تحسبين العرس كوشة ولمبـات = وانت كما الطاووس فيهـا جلسـتي

ولا تحسبين العرس احلام في الشات = يامـا بنيتيـهـا ويـامـا هدمـتـي
ولا تحسبين العرس روحة وجيـات = هيا اقضبي بيتـك عسـى مانهبلتـي

ليلة سعيدة وانت احلـى الجميـلات = تشخص عيون النـاس اذا حضـرتي
( واللاينر ) حطيـه بـلا زيـادات = لايخـرب المكـيـاج اذا دمـعـتي

( والمسكرة ) تحتاج لطف ومدارات = حتـى يبـان ازيـن اذا غمضـتـي
( والاسبريه ) رشيه حتى البصيلات = ينسك شعرك زين ولـو كـان زدتي

وترى( المحدد ) فن يحتاج رسمـات = يبـان رسمـه زيـن اذا ابتسـمـتي
العـرس يابنيـة ماهـو شعـارات = تفنـى مراسيمـه وتبقـيـن انــتي

ويبقى شريك العمر راعي الطويلات = هذا هو العرس الحقيقـي عرفتـي؟
اول نصيحة لـك حفـظ الصلـوات = صلي العشاء والفجر في كـل وقـتِ

وفي ليلة العرس الموفـق وبالـذات = ادعـي الكـريـم الله اذا سـجـدتي
والتعري لاترضين عند الكوفيـرات = ولبسـك يملـي العيـن اذا لبسـتي

واللي على زوجك تحرضك مـرات = ارجـوك شوتيهـا شوتـت بلنتـي
والصبر في العشرة حتى على فتات = يامحـلا فعلتـك يومـك صبـرتي

واذا حفظت السـر مـع المـدارات = زوجك ترى في عيونه انت كبـرتي
والسوق يعني هاه وقت الضرورات = والاتـرى زوجـك يـدور لمفتـي

زيدي الغطاية وكثري في العبايـات = والله يرضـى عنـك اذا سـتـرتي
اوصيك بالكبسـة وكثـر اليدامـات = حتـى لوانـك مـن سببهـا متنتـي

وخلي الرجيم اللي فشلت في مرات = سويـه مـرة واحـدة لا ولــدتي
اوراق بنيه ترسل ازكـى التحيـات = خصيهـا بالـدعـوة اذا دعـوتـي


منقوله القصيده

[رماد]

أخوي يعطيك العافيه بس ياليت اسم قال القصيده

[جرووبقاياووح]

[align=center]سلمت يديك على النقل الرائع
ويعطيك العافيه

تحياتي الخالصه

بقاياجرووح[/align]

[نـــــــو ا ل]

جان زين حلويات !!

ههههههه



يعطيك العافيه الاول


واكيد صح لسان شاعرها

تحياتي لك


نوال

[هــاب الــريــح]

صح السان شاعرهاا ولا هان ناقلها

اخوي الاول اختيار مووفق

يعطيك العافية

[الأول]

رماد الله يعافيك وصاحبك القصيده مااعرف اسمه

االف شكر على المرور

[الأول]

جرووبقاياووح الله يسلمك ويعافيك اخوي

والف شكر على المرور

[الأول]

نوااال الف شكر على المرور