احــلــي تحشـيـشـهـ

[عازف الناي]

(( تحشيش علي سنع ))

أوراق مترامية وقطع حشيش مبعثرة جمعت الفاغرين على مر الأزمنة (( أما هالفئة يا كثرهم )) لتتصاعد من أفواههم كميات من الأبخرة داخل غرفة محكمة جمعت ما بين رائحة أجسادهم وعقولهم المتعفنة (( هذا أن كان فيه عقول )) وكله داخل أمزجة غائمة .. وأعين متقلبة .. (( اجارنا الله وأياكم من هذا الداء ))

(( البداية ))

وقفت عند الإشارة وأنا مهموم من طلبات جدتي طالع كني سواق بنقالي ينتظر نقل إقامة ومع الهم ناظرت يميني لقيت سيارة معفنه مكسرة ومظلله وقلت لا حول الله شكله حادث .. وأنا أتكلم انفتحت الدريشة حقتها وطلع منها دخااااان ثمن وجه سوداني عليه عمامة ناظر فيني وهو يقول يا زول عليك الله داير اسألك عن حاجة .. قلت وش هالدخنه أنا احسبها تضليلة .. ابتسم السوداني وهو يقول ما تدقق يازول هادي الكنداسة منكسرة والدخان بيدخل عليا انا اتعودت عليها .. قلت على كذا شكل لازم تنزل من السيارة تركض عشان تصفي رأتك (( والله لو يلف العالم ما صفت )) قاطعني الزول وهو يقول عليك الله داير اسألك سؤال قلت تفضل .. قال أنا تاية وعايز اعرف الرياض من فين أروح له .. وقفت أناظر في وجهه وقلت له يا الحبيب فيه احد قايلك أن حنا في الشرقية .. حنا في الرياض وإلا صح ما ألومك وين تدل معه وهالدخنه معج عجه كأنك في مرقص حاول تكسر القزازة اللي قدام وغير نضارتك اللي منزله وجهك تحت من كبرها باقي شوي ويحك وجهك في الزفلت ... وبعدين وش هالشاش اللي لافه على راسك عسى بس محد فالقك .. ابتسم وهو يقول هادي عمامة .. قلت يا خوي شكلك فيها كأنك مجبص راسك

وأنا أتكلم رن جوالي ومشيت وخليته وأنا أشوف الرقم طويل كنه أرقام اليانصيب رديت وسمعت صوت ( صويلح ) وهو يقول ( عازف) وش رايك بالمفاجأة شريت رقم جديد .. قلت هالحين فرحان عشان هالرقم اللي كنه رقم شاص جمس تسعة وثمانين .. تأفف وهو يقول والله يا ( عازف) ما يعجبك شي .. المهم اسمعني انا ترى جبت قطعة حشيش كبيرة تكفينا أسبوع كامل .. قلت والله يا (( صويلح )) أنا معد أثق فيك أخر مره يوم تمسكنا الشرطه في السيارة وحنا محششين نزلونا وفتشوني ثمن جو يفتشونك وقلت للضابط عفوا معك اذن بالتفتيش بعدها التفت عليك وقلت لك والله لو انك شقه عشان يجيب أذن .. قال ( صويلح ) أيه اجل يفتش كذا من الباب للطاقة أفرض وهو يفتش لقا معي حشيش .. أنا سكت شوي ثمن انفجرت في وجهه بالله عليك اجل مفتشك ليش يا طويل العمر عشان يلمس جسمك الفتان ..

قاطعني وهو يقول (( عازف)) انت جالس تسترجع الماضي ونسيتني أقولك أن عرس أختي اليوم لا تنسى تحضر .. قلت أختك ما غيرها اللي جلست تتحايل علي عشان أتزوجها ويوم تقدمت لكم طلب أبوك طلبات حسيت أني جاي أخطب المونليزا ..قال ( صويلح) يا (( عازف)) احترم نفسك مهما كان هذي اختي ما أرضى تقول عنها مايونيز .. طنشته واسترسلت وياليته كذا وبس يقول يبغى شقه على البحر وحنا في الرياض يعني ما أدري كيف اجيب له بحر هل نسكن قدام السد عشان يرضى ... بعدها رفضت وجت أختك بتنتحر وشربت بنزين وطلعتَ من البيت تركض الين صلبوخ ثمن وقفت وطاحت وتجمعوا عليها الناس وودها المستشفى وقال الدكتور ما فيها إلا العافية بس سبب طيحتها خلص البنزين .

سكت وقالي (( صويلح )) يا (( عازف)) أنسى الماضي وتعال هالحين عشان نسوي الترتيبات معد بقى شي على العرس .. قلت أنا قريب عند بيتكم عشر دقايق وأكون عندك ..
لفلفت في هالشوارع المحفرة كنها وجه واحد مليان جدري الين وقفت عند بيت (( صويلح)) وطقيت الباب وفتح لي ودخلت وأنا أناظر في بيتهم وقالي تعال الغرفة رحنا للغرفة أول ما دخلتها كنت طاق لطمه لاني شميت ريحة مخيسة وقلت لـ (( صويلح )) أقول حاول أطلع العفش وتشوف سبب هالريحة شكله كلب ميت في الغرفة وانت ما تدري .. قالت أمه وهي متغطيه بالشيلة إلا نعنبوه مهوب يسبح أبد الله يعين اللي بيغسله إذا مات قلت يا خالة شكلهم مهوب مغسلينه اتوقع يحطونه في كرتون بيض ويدفنونه .. قلت كلامي وطلعت أمه ونط على طول وطلع قطعة الحشيش من سريرة وقال وش رايك هالحين .. قلت خلها بعد زواج أختك معد بقى إلا ساعة وشوي ويجون المعازيم

جلسنا في الغرفة بصمت ثمن قالي ( عازف) أنت ليش تحشش .. قلت عشان أنسى أني موظف .. وأنت تنهد وقالي أنا أحشش عشان أنسى شكلي .. قلت والله معك حق أنا لو أني مكانك كان أطق أبر هروين قلت كلامي وأنا في حالة أغماء من الريحة وصوت بنت من ورى الباب تسوي نفسها ناعمه وهي تقول ( صويلح ) شكل المعازيم جو رح افتح الباب .. نقز ( صويلح ) ورمى علي قطعة الحشيش وراح يفتح الباب وجلست أشوف الغرفة وأقول في نفسي احس اني جالس في مقبرة لا ومن زين الطبايع حاط صورته وهو راكب الحمار بدون ما يحط سهم ويكتب اسمه عشان نعرف أي واحد فيهم هو .. لكن مهوب مشكلة كلهم في النهاية حمير .. وأنا أتكلم قام ( صويلح ) يصوت علي وقلت بصوت عالي طيب جاي .. ناظرت في الحشيشة ومع اللخمة حطيتها فوق التسريحه وطلعت .. ونزلت للمعازيم وجلسنا معهم وهليت فيهم ومسكت الدله باليمين والفناجيل باليسار (( والله من علوم الرجال اللي من جنبها )) هذا غير اني كبيت بيالة على شايب فيه رعاش ما حس بالحرارة إلا بعد ربع ساعة قام يصارخ وخذوه ورموه في البانيو عشان يبرد عليه ..

وحنا نصب نادت( أم صويلح ) ولدها عشان يجيب فحم من فوق وقالها مانيب فاضي أنا هالحين أطبق علوم الرجال .. قامت هي وراحت رقت فوق وطلعت فحم عشان البخور وهي طالعه من المخزن مرت على غرفة ( صويلح ) وبغت تستفرغ من الريحة وقالت نعنبوه يا الله وش هالغرفة مدري كيف العفش متحمل ما طلع ياخذ هوى .. جت بتصك الغرفة ناظرت قطعة الحشيش على الكمدينة وقالت وش جاب هالفحمه هنا .. اخذتها ونزلت وولعت البخور مع الحشيشة(( تحسبها فحم من قل الشوف )) وقامت تعجعج ريحة الحشيش في البيت وراحت تركض وتطق باب الصالة وهي تضحك وجاء أبو ( صويلح ) وجهه مربع كنه علبة جبنة البقرات الثلاث اخذ البخور وهو يناظر فيها ويقول شوي شوي لا ينشق وجهك هالمتهردل كنه صروال باسكتاني قال كلامه وراح بالبخور وقام يلف به على الرجاجيل ويوم خلص خلوه في النص والريحه تعج عج وحنا جالسين .. شوي بدو الناس يضحكون ويخشون جو (( سطلوا )) ثمن قالي أبو ( صويلح ) قم يا ( عازف) فر بالدخون على الرجاجيل ..أخذت المبخرة ولفيت عليهم وأنا أتنشق وبديت أحس أن الخلية الباقية في مخي راحت مع جو هالحشيش اللي انتشر في المجلس ...

لفيت بالبخور عليهم كلهم ثمن حطيته قدامي وقمت أضحك وأناظر في الشايب اللي كبيت عليه الشاهي وأنا أقول بالله ما تتضايق من حواجبك اللي كنها حزام جنود البحرية قام المجلس كله يضحك بما فيهم الشايب اللي قام يهز ويرفع العصى فوق ويضرب الثريا وتطيح وفتح فمه وطاح طقم ضروسه وشاتها برجله وهو يضحك ويهز والكل يضحك واللي جنبي انسدح على البلاط وناظرت فيه وقلت أنت شكلك موظف عشان كذا تحب المرمطه في الارض وين تشتغل .. قال أنا مدرس جغرافيا .. قلت يعني تعرف طريق الاستواء قال قصدك خط الأستواء قلت يا عمي لا دقق كلهم يمر فيهم أمن الطرق قلت كذا وانسدحت ضحك وأناظر فيه وأقوله عندي سؤال ثاني ماهي عاصمة المملكة العربية السعودية تنهد وهو يمسك بطنه من الضحك عاصمتها الرياض .. ابتسمت وقلت هذك أول هالحين دمجوها مع جده .. قالي ليش .. ضحكت في وجهه وقلت عشان لما يجي أي غزوا ويحاولون يضربون العاصمة تجي الصواريخ ما تلقا شي . جاني ( عازف ) وهو مرتفع مره مسطل ضايعه علومه وحاول يقولي قم عن الأرض قلت خلني وحط الطاولة فوقي عشان يطلع شكلي كأني نمر في مدخل .. شالني وجلسنا على الكنب وأناظر في أبو (صويلح ) اللي قام يدق رقبة ثمن وقف فوق الطاولة ومد يده قدام ويده الثانية حطها على خصرة وجلس يصارخ اللي بيعرف وش اسوي له مية ريال .. قلنا كلنا وش هالحركة ؟ وما رد علينا وقربت عنده وقلت وش هالحركه ؟ .وهو ساكت اخذت فنجال وصفقته في جبهته وقلت تكلم ابو خيرك .. قال كيف تبغاني اتكلم وانا مسوي نفسي دله قهوة .. kK،4

بعدها طحنا ضحك ثمن جلست جلسة القرفصاء وقلت وأنا فنجال ههههه ( مهوب حشيش شكله هروين ) وحنا مبسوطين دخل علينا المعرس وهو مكشخ وقلت له أحلى لابس بشت بزعمك أن الزواج منقول في الاخبار بدال ملجس الوزراء قام المعرس يتلفت في المكان كله و ( صويلح ) يقول ( عازف) شف لون بشته بني كنه منكب عليه جرة فول .. وحنا في خضم الفلة دخلت علينا أم ( صويلح ) وهي لابسه جنز وفاله شعرها وتناقز وتقول ( فيكم طرب ) a::: ما أمداها تكمل إلا أنا ساحب بشت المعرس وجلست أطاردها في المجلس عشان أغطيها كني أطارد جربوع في بر .. ركضت وراها ألين حجرتها في الزاوية وغطيتها وأخذها ( أبوصويلح) برى .. شوي دخل علينا الضابط ومعه عسكري وقاموا يناظرون فينا ثمن قربت أنا عند العسكري وكان وجهه كنه تبسي ناقصة ورده في النص .. قربت عنده وأشرت على الخطوط الخضر اللي في كتفه وقلت وش هذي .. قال هذي أشرطة .. قلت بالله هذي اشرطه .. قال ايه .. قلت أجل عطنا شريط عادل إمام جحيم تحت الماء ومن الكتف الثاني شريط بشير شنان ضحك ( صويلح ) وهو يلتفت على الضابط ويقوله بالله كم الساعة قاله الضابط الساعة عشر وعشر .. ناظره ( صويلح ) وهو يقول قل عشرين وخلصنا يعني لازم تخلينا نجمع ونتعب ..

طنشه الضابط وجلس يناظر في السيب اللي بعد المجلس وهو يقول هالسيب وين يروح له . قلت له وأنا ميت ضحك تبي الصدق هالسيب من عرفته ما راح لمكان ولا تحرك من مكانه . قفل جو الضابط ورفع جهاز الاتصال وطلب الدوريات .. في أقل من عشر دقايق ضفونا في الدوريات و ( صويلح ) أشغل سواق الدورية كل شوي يقوله إذا فيك نوم خلني اسوق عنك ترى معنا أرواح يرد عليه العسكري لا أنا صاحي أشوف الطريق قال ( صويلح ) اجل الله يعطيك العافية ياليت تحط ستوب لأني أبنام وإذا صحيت نشوف الطريق أنا وياك سوى قفل جو العسكري وأنا أقوله وإذا مافيك صبر وتبي تشوفه حاول تسجلة لنا عشان ما يفوتنا شي ... التفت وهو معصب وبعدين معكم شوي تكلم الجهاز وقال ( صويلح ) شغل لنا أغاني رد عليه العسكري مافيه أغاني .. قلت أنا طيب خل هاللي يتكلم يغني لنا الين نوصل ولو أن صوته شين كنه صوت طقطقه ركب شايب عند السجود .

وصلنا للقسم وكفخونا أنا و ( صويلح ) وأبوه والمعازيم كلهم بمافيهم المعرس المصح صح ورمونا في السجن وحنا نضحك ونقول يلعن أم الكاميرا الخفية اللي تعرفونها المفروض بعد الطق تعلمونا مهوب تحبسونا ألين بكره يا الله يا شباب كل واحد يدور على الكاميرا عشان نحرق الفقرة عليهم ( مهوب مستوعبين انهم ممسكوين ) نمنا من التعب ومن قوة الضرب .

صحينا الصباح ولقينا العالم ماسكين روسهم وجابونا عند الضابط اللي قام يناظر فينا وهو يقول معقوله زواج كامل كلهم محششين وين حنا فيه في بانكوك وإلا في نيويورك .. حنا هنا في السعودية بلد الدين والمحافظة يعني للدرجة هذي مستقلين بالأمن وتحششون علني . وقف ( أبو صويلح ) وهو يقول وش حشيشه يا حضرة الضابط صدقني ما ندري عن شي اخر شي اذكره يوم جبت البخور وبعدها معد حسيت بشي .. قال الضابط أسكت أنت بالذات لا تتكلم فيه أحد في عمرك يطلع بصروال سنه وفنيلة ويركض في الشارع ويقول أنا فيفي عبده ...وبعدين حنا حللناكم ولقينا نسبة حشيش في دمكم .. أنتم تدرون أن الحشيش يقتل ( 250 ) خليه في المخ غير قابلة للتجديد أو التعويض يعني لو أستمر على وضعه يتعاطى ما يطول إلا وهو ملحوس مثل المهبول ما يدري وين الله حاطه فيه يفقد ذاته وكيانه ومستقبله عشان زقاره تعطيه متعه ساعة وإلا ساعتين .

وهو يتكلم نط ( صويلح ) وهو يقول يا حضرة الضابط أنا السبب في اللي صار كله أنا كنت جايب حشيش وشكل الوالدة حطته في المدخنه تحسبه فحم وصار اللي صار .. انا اعترف أني غلطان وأني خالفت الدين عشان ارضي رغباتي ونزواتي ولكن يضل طيش شباب يا طويل العمر .. والإنسان ما يتعلم إلا من أحلك المواقف
بعد ما تكلم ( صويلح ) حس الضابط بأنه صادق واعفى عنا كلنا وسجنوا ( صويلح ) kK،4شهرين ثمن تركوه وانضبطنا أنا وياه .. وتركنا الحشيش واتجهنا لطريق الصواب (( طريق الخمر )) << يستهبل k8


ملحوظة :

وعشان كذا كتبت هذي القصة ووضحت فيها أضراره أكثر من الجو اللي يسويه

[كنت أحبك]

هههههههههههههههههههههههههههههههههههههههههههه

اه يابطني

ههههههههههههههههههههههههههههههههههه الله يرجك

اني كبيت بيالة على شايب فيه رعاش ما حس بالحرارة إلا بعد ربع ساعة قام يصارخ وخذوه ورموه في البانيو عشان يبرد عليه

هههههههههههههههههههههههههههه


بما فيهم الشايب اللي قام يهز ويرفع العصى فوق ويضرب الثريا وتطيح وفتح فمه وطاح طقم ضروسه وشاتها برجله وهو يضحك ويهز والكل يضحك

هههههههههههههههههههههههههههههههههههههه

مشكور على القصه الروعه

قصه مضحكه لكن فيها عبر

ننتظر جديدك القادم والمميز

سلمت يداك

كنت أح ـبك

[مشـاعـل الخـالـد]

ياويلييييييييييييي ياعازف وربي انحولت من طووول القصه

لكن كله كوووم والسطرين كوم

وحنا نصب نادت( أم صويلح ) ولدها عشان يجيب فحم من فوق وقالها مانيب فاضي أنا هالحين أطبق علوم الرجال .. قامت هي وراحت رقت فوق وطلعت فحم عشان البخور وهي طالعه من المخزن مرت على غرفة ( صويلح ) وبغت تستفرغ من الريحة وقالت نعنبوه يا الله وش هالغرفة مدري كيف العفش متحمل ما طلع ياخذ هوى ..

العفش متخيلته صراحه هههههههههههههههههههه




الله يكفينا شر الحشيش



ههههههههههههههههههههههههههههههههههههههه

وربي لو تصير حقيقه كان علووووم


يعطيك العافيه

[عازف الناي]

كنت احبك

اذا تبي تجلس مع الشياب ماعندي مانع ابد هههههههههههههههههه

وناسه ههههههههههههههههههههههههههههههههههههههههههه



شاكر لك مرورك يالغالي

[عازف الناي]

مشاعل الخالد

ههههههههههههههههههههههههههههههههه


ههههههههههههههههههههههههههههههههه

اجل تتخيلي اثاث الغرفه طالع للحوش ياخذ هواء ههههههههههههههههههههاااي

بصراحه الخطاء على ام صويلح ماتبي تجيب شغاله (خدامه) عندها في البيت تغار على ابو صويلح ههههههههههههههههههههاااي


مشاعل الخالد مرورك اسعدني يالغاليه تحياتي وتحيات صويلح لك ههههههه

[@بنت النور@]

.
ههههههههههههههههههههههههه
قصه طووويله ...معاج حق يامشاعل حتى انا انحولو اعيوني

بس قصتهم حلوه صويلح وعازف ههههههههههههههههههه
>>>يحششش علشان ينسى انه موظف خخخخخخخخ ^^
.
مشكووووووور

[عازف الناي]

بنت النور


هههههههههههههههههههههه

احسن مافي القصه انها طويله علشان تعرفون صويلح على حقيقته ههههههههههه

مشكوره على ردك

[على خبرك]

يوه ياعازف ياطول القصة

تراي ماقريتها
ابرجع واقراها لان شكلها فله


الحين والله المزوج مو كل ذا وهذي يبيلها تمخيخه



ابرجع لاتخاف
خخخخخخخخخخخخخخخخخخخخ