**المرح ـــله الاخ ـــيره من مسابقة اطرف موقف..(تصويت)**

[مشـاعـل الخـالـد]

[align=center]هلا وغلا بالجميع

وصلنا للمرحله الاخيره من مسابقة اطرف موقف

طبعا التصويت هاالمره على المواقف اللي فازت معانا قبل وانتقلت للمرحلة الاخيره

ماعليكم سوى التصويت للافضل

[grade="00008B FF6347 008000 4B0082"]
الموقف الاول[/grade]

مره رايحين للحج ادور الاجر ومعي جدتي وعمتي (هالحريم بلشه)المهم ياحجيت حجة ماانساها طول عمري
وتعرفون الحريم مساكين ضعيفات ومسيكينات تقولها من هينا قالت ايييييه يالله - رحنا نطوف وجدتي ماسكه بي يمين وعمتي ماسكتني مع ايدي اليسار - (جدتي تشد خايفة تضيع وعمتي ياكثر اسالتها مادرست - دقّة قديمة-) يعني نشبه المهم قربنا نخلص طواف - الا ====> جدتي الله يخليها رايحه قدامي
وههههه ماسكة يد واحد الظاهر انوه باكستاني ..والتفت اشوف من على يميني تخيلوا من ====> عجوز مسكينة وتتبسم وتقول الله يوفقك ياوليدي == ياربي وش اسوي جدتي خفت عليه تضيع وهذي الضعيفة ماسكه فينيي ====>والثالثة عمتي
ماسكتني تحقيق وتهلل وتكبّر تحسب انها بالجنه - والله وبسرعة
اخطف يد جدتي - وتدف يدي على بالها الضعيفة واحد يغازلها
هههه جدتي -يوم شافتني زين -وتلتفت للرجال-قالت ياااويلي هذا وش يبي هاللي مايستحي- وخلاص وانتهى الحج على خيييييييييير
طولت عليكم - بس والله ولا مسرحية لعادل امام بس شغلتي اضحك عليهن ياحليلهن


[grade="00008B FF6347 008000 4B0082"]الموقف الثاني[/grade]

في الصيف الماضي كنت في مكه المكرمه مع العائله

يعني أمي و أخواتي و خالاتي و بناتهم

12 شخص مع محرم واحد فقط

على كل حال رجعنا الفندق نفطر بعد ما صلينا الفجر و الصبح و جلسنا شوي

كنا بنموت من النوم بس إبليس شاطر

جاء في بالنا نروح نشوف جبل النور

كان الكلام على أساس إذا صحينا من النوم

ما أدري كيف أتصلنا على المساكين اللي بالغرف فوق و قلنا لهم يله أنزلوا أحنا رايحين

المهم طلعنا و أنا أقول إن شاء الله ما نحصل سيارة

من زين الحظ أول ما طلعنا حصلنا باص على عددنا كأنه كان ينتظرنا

رحنا و نمنا بالطريق طلع الطريق طويل و بعد ما وصلنا نزلنا السواق و راح

بتقولون ليه راح

أقولكم ليه

هو يفكر أن أحنا بنشوف الجبل بعيوننا و بنتوكل على الله

لكن لااااااااااااااا طلع مسكين

خالاتي صمموا يطلعون يشوفون غار حراء

على بالهم حذفة حجر !!

و أنا بصراحه قلت أنها مغامرة ليه لا

عاد أحنا شفنا الإيرانيات على 80 و 70 سنه يمشون كأنهم غزلان

تقول يصعدون درج مو جبل

تحمسنا قلنا الموضوع سهل

أنا بس عديت أربع خطوات و أدركت أن الوضع ما هو سهل و لا شيء

خالتي العزيزة كانت متحمسه هي و بناتها

صعدت معاهم و مع أخوي و ولد خالتي الصغير

ما شاء الله عليهم ما ادري كيف مشوا بسرعه

و كل وحده كعبها أعلى من الثانيه

بعد نص ساعه علقت في نص الجبل لحالي

و الساعه كانت 30 :9 الصباح

و الشمس الله بالخير عاموديه

و الناس طالعه و نازله تقول لي مبروك شفتي الغار

و أنا و الله مافيني حيل أرد

حتى المويه اللي عندي ما قمت أشربها

تسبحت فيها و ربي تنشف بدقيقه



مع أني شفت الموت بعيني

بس ما نزلت

ظليت أصعد

تدرون ليه

لأني كنت متأكده إن حاولت أنزل و الله ما يردني إلا القاع

بعد نص ساعه ثانيه وصلتني خالتي الثانيه

و تقول لي ........ راسي بينفجر ( طبعا ً من قله الضغط )

قبل لا أنزل كنت معصبه وصلت حدي

لأني مو محصله طريق أنزل منه

لقيت واحد و مسكته وشخطت فيه طلعت كل ماعندي

سكت عني و خلاني أطلع كل ماعندي بعدين قال لي :

شدراني من وين الطريق أنا أول مرة أجي هنا , و بعدين أنتوا أيش اللي مصعدكم أنتوا تتحملون ؟

أنا وجهي قام يتلون طلع الأخ من جنسيتنا

بس الله يهديه شكله ما يوحي

ههههههههههههههه

أنا قلت في خاطري : و الله اللقافه اللي مطلعتنا

بيني و بينكم كنت أفكر أتصل على النجده , الشرطه , الإسعاف

اللي هو أبي بس هليكوبتر يشيلوني فيها لأن رجلي خلاص ما عاد تشيلني

و ما وصلت الأرض إلا الشعب اللي تحت ميتين ضحك

أتصلت على خالتي اللي فوق إلا حالتها يرثى لها

بعد ثلاث ساعات و نص نزلت هي و اللي معها تقريبا ً بالسلامه

أخوي طالع كاشخ نازل حافي و رجله مشققه

بناتها يعرجون تكسرت كعوبهم

و ولد خالتي الصغير نشف دمه

عاد بعد ما نزلنا صار أسم الجبل

( جبل المشقه )

كيف رجعنا الفندق ؟

وصلنا سواق تاكسي

تفكرون يعني خلاص أنتهت المعاناه

ما وصلنا نص الطريق إلا أكتشفنا أن السواق ما عنده إلا رجل وحده ؟

كيف ساق فينا عاد لا تسألوني

المهم أن أحنا وصلنا

بالليل رحنا للسوق و تقضينا و أخذنا حماليين

بعد ما خلصنا ركبنا ثلاث سيارات راجعين الفندق

أنا كنت في آخر سيارة و أسمع صراخ

أطالع وراي

إلا الحماليين يركضون ورانا

ركبنا و تركنا الأغراض اللي تقضيناها ساعتين

هذا كان تأثير الشمس على عقولنا

و بعد أيام قليله

صرنا نذكر الموضوع و نضحك عليه

( شر البليه ما يضحك )

[grade="00008B FF6347 008000 4B0082"]الموقف الثالث[/grade]


مره رحت اراجع الوزاره مع ثنتين من رفيقاتي

بطلعلي تقرير راتب علشان اشتري لي سياره <<< من سألج

المهم رايحين الساعه 8 وما ردينا للدوام الا على الساعه 12

تعبنا واحنا نفرفر بالوزاره صاعدين نازلين <<< تخاف من الليفت

يوم خلصنا وطلعنا ،، يالله نشوف الدرب رجولنا تكسرت ،، ماعاد ورانا شي نبي نركب السياره

رحنا الباركينج قلت لرفيقتي اللي جايبتنا معهاا وين سيارتج ،،، قالت بعيد شوي

واحنا مانعرف في السيارات انا ورفيقتي الثانيه ،، وقلت وينهاا

قالت الحين بضغط على ريموت السياره وبتشوفونها

وهي تطلع مفاتيح السياره مامداهاا تضغط على الريموت

الا بجنبنا سياره شبت ليتاتهاا قلتهاا بس هذي هي ورحنا لهاا ركض شوي وبغينا نركبها

مادرينا الا رفيقتنا صاحبة السياره تأشر لنا تقول لا لا مووهذي سيارتي هههههههههههههههههه

يوم لفيت انا ورفيقتي ولا الرجال اللي جاي يم السياره <<< طلعت سيارته

تفشلنااا قام الرجال يضحك عليناا هههههههههههه ويطالعنا <<< شكله ناوي يحلف علينا مايوصلنا غيره هههههههههه

عاد رفيقتي هذي مطيريه تقول ياليتني طلعت نذالتي وخليتكم تركبون سيارة الرجال هههههههههههه

[grade="00008B FF6347 008000 4B0082"]الموقف الرابع[/grade]



وهذا موقف حصل لي برمضان الفجر وانا راجع من العمل !!!!!

مرة جاي من العمل وعندي تقريبا 50 ريال لقيت واحد متعطل ماعنده بنزين ولاعنده فلوس
ولا سيارته اخر موديل المهم اخذت له جركل ب 10 ريال بنزين المهم شغل السيارة ورحنا المحطة

وقلت لعامل المحطة عبي له ب 30 ريال يعني اني كريم المهم هو قال لا بي 20 ريال

قلت لا الا30 ريال مارضى المهم يوم جيت احاسب الهندي لقيته عبى 30 في سيارتي و

ترك سياراة الرجال واخر شي عبيت له ب10 بس ههههههههههههههههههههههههه
[blink]مدة التصويت ثلاثة ايام[/blink]


[grade="00008B FF6347 008000 4B0082"]

التصويت راح يكون بالاعلى وبالاسفل[/grade]


تمنياتي بالتوفيق[/align]

[جمــانه]

تممم التصويت


،


،

[مشـاعـل الخـالـد]

هلا جمانه


شاكرتلك تصويتك

دمت بخير

[نهر الوفاء]

تم التصويت
مع شكري لك مشاعل

[مشـاعـل الخـالـد]

هلابك اخوي نهر الوفاء


يعطيك العافيه

[عازف الناي]

تم التصويت



مشكوره مشاعل على الجهد الرائع

[ابو سعيد]

تم التصويت وشاكر لك مشاعل

[مشـاعـل الخـالـد]

هلابك اخوي عازف الناي


يعطيك العافيه