فضيحه عائليه

[هبنقا]

مسيتو بالخير >>>>>> يحسب كل الاوقات ليل ........ خفاش

المهم

ادري بتقولون توه جديد ومنزل موضوع بس عاد وش اسوي تروشت وحبيت بالمناسبه هذي انزل موضوع محتفل اني متسبح

المهم الموضوع

في يوم من الايام كان الثلاثي المرح ( انا محاتسيكم هبنقا ادام الله عمري وادامني لي وهبناق وهبنوق... هذولا اخواني ) اتغدينا في امان الله الظهر (( مافيه غداء بالليل فيه عشاء)) المفروض الواحد اذا تغداء يقيل وياخذ غطه لين العصر هذا المالوف بس حنا طالعين دايم عن المالوف ................. جلسنا نفكر ونفكر وش نسوي (( فسقانين ))......... المهم طلع لنا هبناق بفكره انه يزبط لنا الشاي (( الشاهي )) كان الجو في هاليوم المشؤوم جو موزنبيقي يعني حار مره بالحيل
(( العيال المدللين يلحسون عسكريم بارد وحنا شاهي الظهر )).المهم ..

زبط هبناق الشاهي (( هو حط شي غير الشاهي الظاهر زنجبيل )) ........ وقضى الشاهي واتى بهي هبناق الينا وصبه في كاسات جبن بوووك اللي بدون عراوي الكبيره وجلسنا في الحوش نحتسي الشاهي وماقدرنا نشيل الكاسات كبار وحاره وبدون عراوي صرنا مخلينها فى الارض وحنا ندنق عليها ونشرب منها وماتسمع الا شفيط الله لايوريكم تقول فروخ فيل والجو حار ................ المهم......... ونحتسي ونحتسي الين خلصنا من احتساء الشاهي ...... المهم ...... كنا مسوين فريق عمل واحد انا كنت لابس بالطو على بالي كلمبس وهبناق كان لابس ثوب الحين ماني متذكر لونه بس بين الاخضر والاسود صوف والجو نار اللهم عافنا وكان ضيق من عند جنوبه وقصير شوي وكان هبناق (( مليااان شوي .... شوي ؟ الا بقوه )) وصار اذا مشى يرقى الثوب فوق مدري ليش (( انتم تدرون)) (( لا لا مو علشانه مليان ابد )) وهبنوق لبس ثوب هبناق الثاني على باله عربجي ولابس الزبيريات (( نوع من النعول )) حقت الشايب ترى هو مايلبسها الا اذا صار الشايب نايم لانه مره قام بيصلي ولا لقاها ولقا هبنوق لابسها وقطع جريده من النخله وجلده لين عض الارض .......... المهم ........ ومعه سنسله طويله يسبح فيها حاط فيها مفاتيح الاقفال حقت الحوش الخربانه ومنسف تنسيفه تقول هذا خطير ماحد يقواه ..... المهم ......... جلسنا نحتسي الافكار وش نسوي بعد احتساء الشاهي ونحتسي الين احتسى هبناق فكره اننا نحتسي الاتاري ونمارسها بعد احتساء الشاهي (( صار خمر مو شاهي على كثر الاحتساء)) ......... المهم ...... رحنا الغرفه عشان احتساء الفكره ومن العجله يقوم هبناق ويشبك محول الاتاري في الفيش الا يوم قام القيامه في الغرفه وننحاش ماندري وش اللي ثار علينا ( شي انفجر بقوه وطلع صوت ودخنه ) الحين ماندري وش نسوي نخاف ابونا يقوم وهم يروح للحوش يقص جريدة نخله ( عاده اذا طلع يروح الحوش ننحاش متعودين يجيب جريده ويعضضنا الارض ) ......... المهم ....... بعد شوي رجعنا نتفحص الغرفه واثار الانفجار لين دخلنا الغرفه ولقينا الاخ هبناق من الشفقه على احتساء الاتاري شبك المحول في 220 وهو 110 وانفجر .......... المهم جلسنا ثاني مره نحتسي الافكار وش نسوي لو علمنا ابونا جلدنا وحنا دايم معرضين للجلد ولا عندنا فلوس نشتري محول (( خربت الطبخه )) ....... المهم ......... وانا اقوم واحتسي هالفكره اللي مايحتسيها الا الذهين مره ................. وعلى طول نسوي اجتماع احتساء الافكار العاجله ............. كانت الفكره ......... عندنا دجاج في الحوش قلت اش رايكم نبيع ديك من فطاحله الادياك بالحوش بعشره على الكورييين (( ذيك السنين مانعرف الا الكوريين لو ماهم كوريين بس عاد هم عندنا كوريين )) وكان قدام باب الحوش فيه حفريه قلت للمسانده اللي معي (( هبناق وهبنوق)) افتحو الباب الكبير حق الحوش وقامو وفتحو الباب وانا اقوم احوش الدجاج قدام الباب عشان اغري الكوريين بالديك (( راعي دجاج مو راعي غنم)) المهم وامسك الديك الحليل اللي مايصارخ واوديه للكوريين قلت (( صديق فيه يشتري بعشره )) يمكن يسوى اكثر بس انا ابي عشره قيمت المحول .............................. المهم ماطول عليكم بعته عليه .................. بقى من يقوم في عمليت الشراء من محل ابو عشره بس انا وهبناق مانقدر نروح لان راعي البقاله اللي جنب المحل يطلبنا ونخاف ياخذ العشره قيمت الديك ........ المهم ........... راح هبنوق وحنا نحتريه على احر من الشاهي اللي شربناه في القايله ونجلس نحتريه ونحتريه ................ المهم ........ وصل هبنوق وجا وجلس وهو يلتزم الصمت وانا وهبناق نتمحلق العيون والاندهاش قد اصابا جبيننا لانعلم ماذا اصاب هذا العربجي الفتي وبصوت ناعم وحنون وشجي نشدناه وش فيك هبنوقي ونظر الينا والعبره تخنقه واجهشا بالبكاء قلنا العشره وش فيها وقف عن الصياح مندهش من سوالنا وبعدين قال راعي المحل طقني قلنا والعشره وينها (( العشره اهم منه )) قال اخذها.... ثارت ثايرت الغضب فيني وفي هبناق وقلنا من اخذها قال راعي المحل ليش اخذها قال بعد ماخذت المحول قال وين العشره قلت عطيتك اياها قال ابدا وكلا ويوم جيت بروح بالحمول طقني واخذ المحول والعشره راحت وحنا نسوي مثل الاسود (( مادري وش يسمونها اذا صاحت الاسود زئير او ثغاء )) ...... المهم .... نخلي التكمله في جزء ثاني

[ابــوشـبـريــة]

يؤ يؤ يؤ

والله قصه مؤثره k14

ولو اني ماقريته كلهkK،4

على العموم يعطيك العافيه


....تحياتي لك....

[هبنقا]

تسلم اخوي ابو شبريه على المجامله

28 قراءه ورد واحد

[كـ الحب ـويت]

مشكوور اخوي


وننتضر منك المزيييييد



وانا الرد الــ 2 k8

[فـــؤادي]

لا حوول ولا قووة الا بالله


مشكوووور

[مشـاعـل الخـالـد]

ههههههههههههههههههههههههههه

هبنقا واخوانه


الف شكر على الطرح الفكاهي


يثبت


يعطيك العافيه اخوي

[هبنقا]

تسلم اخوي كويت الحب على المرور


فؤادي تسلم على المرور

مشاعل الخالد
تسلمي على المرور والتثبيت

[جمال الشناوى]

[align=center]هل ممكن تترجم القصة عربى
من فضلك[/align]