(( ضيف التراث )) ((( مــلاك الـمـشـاعــر )))

[نهار]

السلام عليكم ورحمة الله وبركاته



مساكم الله با الخير جميعا


ودنا نستضيف ها المره المشرفه المميزه مشرفة النثر والخواطر / ملاك المشاعر


ونرحب فيها بقسم التراث ونستضيفها على مدى كم يوم نسئلها فيها والمجال مفتوح للجميع والاسئله راح تكون عن التراث وما يتعلق فيه

ونفتح المجال اليوم للترحيب والاسئله للضيفه والله يحييها مقدم



نهار

[مشـاعـل الخـالـد]

[align=center]
ملاك المشاعر

هلابك وحياك

منوره قسم التراث

بما انك من دولة البحرين الشقيقه

هل لك ان تخبرينا

عن عادات وتقاليد اهل البحرين قديما

ايضا مالاكلات التي يحرص اهل البحرين على تقديمها في شهر رمضان المبارك

اتمنى ان تحدثينا عن الحرف والمهن قديما بالبحرين


يعطيك العافيه


واشكر المستضيف مشرف قسم التراث (نهار)

يعطيك العافيه[/align]

[عبير البدره]

[align=center]

مساء الخير

احب بالبدايه ان ارحب بالاخت المشرفه العزيزه


ملاك المشاعر

هلا فيك اختي بضيف بالتراث نورتينااااا



واتمنى لك كل التوفيق

ولي عوده لطرح الاسئله


ويعطيك العافيه نهار




عبوووووووره[/align]

[ابو مهند]

[align=center][align=center]السلام عليكم ورحمة الله وبركاته



اهلاهلابك ياملاك المشاعر

لا والله الا النور صار نورين

نورتنا حياك ضيف وزاير


والله يقدرنا على رد المواجيب







هلا وغلا بكـ اخوي نها ر




واختي ملاك المشاعر


حياكم الله

وان شاء الله اكون اول من


بيسالكـ بس بعد الترحيب


تحياتي لكم

ودمت بالف خير



ابو مهند[/align][/align]

[نهار]

هلا والله باالجميع حياكم الله

احب اوضح ان الاسئله لامانع من طرحها معا الترحيب يعني رحب واسئل على طول


الله يحييكم ويهلابكم في التراث


نهار

[ملاك المشاعر]

يا هلا والله أخوي نهار

وتسلم على هالاستضافة الحلوة

ودامك المستضيف أكيد بتكون أروع وأروع

وإن شاء الله أكون عند حسن ظنكم فيني

في أمان الله

[ملاك المشاعر]

[align=center]

اقتباس   المشاركة الأصلية كتبت بواسطة مشـاعـل الخـالـد [align=center] ملاك المشاعر هلابك وحياك منوره قسم التراث بما انك من دولة البحرين الشقيقه هل لك ان تخبرينا عن عادات وتقاليد اهل البحرين قديما ايضا مالاكلات التي يحرص اهل البحرين على تقديمها في شهر رمضان المبارك اتمنى ان تحدثينا عن الحرف والمهن قديما بالبحرين يعطيك العافيه واشكر المستضيف مشرف قسم التراث (نهار) يعطيك العافيه[/align]

هلا بك حبيبتي مشاعل

وشكل أسئلتك توريطة بس مو مشكلة أتفاهم معك بعدين

المهم عادات البحرين قديما : أعتقد ماتختلف كثير عن عادات الخليج قديما ككل, يعني تعرفين أول كيف الناس كلها تعرف بعض , والزيارات والتواصل المستمر
وإلى الآن نلقى هذي العادات في منطقة المحرق القديمة بالتحديد يعني لما تزورين المحرق وخصوصا الأحياء القديمة فيها بتلقين للحين الشيبان مسوين مثل الجلسة عند البيت ويتجمعون فيها , وتلقين شاي الضحى والحريم لابسين عبيهم على راسهم ويتزاورون بعضهم بعض

يعني منتهى الجمال والله من جد تحسين الحياة في ذيك الأحياء من بعد صلاة الفجر

والأروع في رمضان يااااااااااه لو تدرين في رمضان كيف تكون الدنيا هناك روعة روعة روعة

وتشوفينها في قبل الإفطار والجيران يتبادلون أنواع الطبخات

وعند السحور يجي المسحر ووراه الصغار يعني حياة حلوة وبسيطة فيها تشوفين البحرين أول كيف كانت


وبالنسبة لسؤالك الثاني عن المأكولات البحرينية اللي تقدم في البحرين يعني أنا مو كثير مع الأكل الخليجي بس أشوف من هالطبخات طبعا والكل يعرف الهريس , المضروبة وهي نوع من الأكلات البحرينية بعد , و الساقو , الخنفروش , القيمات, قرص الشيخ,بلاليط( يعني شعيرية ولاحد يعلق على الاسم احسن)


وبالنسبة للسؤال الثالث عن المهن : مثل ما أنتي تعرفين البحرين دولة وسط البحر يعني من أهم الحرف اللي كانو يزاولونها هي الغوص واستخراج اللؤلؤ واللؤلؤ البحريني من أشهر أنواع اللؤلؤ في كل مكان وواشتهرت البحرين فيه, وصياغة الذهب وأكيد أنتي تدرين إن النقشة البحرينية مميزة إلى اليوم تميزو بنقشات الذهب من زمان, غير طبعا الزراعة في المناطق الزراعية , وصناعة السفن ( البانوش, البوم) , والتجارة بين الدول منها الهند والصين وغيرها , حتى لو تلاحظون الشيبان الكبار لازم يعرفون هندي من كثرة سفرهم للهند وتجارتهم

أتمنى أكون أجبت على أسئلتك

في أمان الله[/align]

[ملاك المشاعر]

اقتباس   المشاركة الأصلية كتبت بواسطة عبير البدره [align=center] مساء الخير احب بالبدايه ان ارحب بالاخت المشرفه العزيزه ملاك المشاعر هلا فيك اختي بضيف بالتراث نورتينااااا واتمنى لك كل التوفيق ولي عوده لطرح الاسئله ويعطيك العافيه نهار عبوووووووره[/align]

[align=center]هلا والله حبيبتي عبير

وتسلمين والله على المرور

وإن شاء الله أكون مثل ماتتوقعون

في انتظار عودتك

في أمان الله[/align]