( أغـار مـن عبايتهـا وغطاهـا وكل الفساتيـن )

[بعيد الارماس]

السلام عليكم ورحمة الله وبركاته


احبتي مرتادي همس الشعر والخواطر

قصيده من الأرشيف ..

أتمنى أن تلاقي مكان بين افئدتكم وقلوبكم

:

:

[poem=font="Arabic Transparent,4,royalblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
في المحبه كل الأوادم شبه متساويـن=لامعتزي تنفعه عزوته ولامراجل يرقالهـا

وأنا بلاني الله بحب سيد المزاييـن=بنتٍ عشقت رزانتها وعشقت حتى هبالهـا

والله إني أتعجب وشلون هذيك من طيـن=سبحان ربٍ خلقها وبالحسن صور جمالهـا

كامله والكامل الله حتى عذروبهـا زيـن=محظوظ من تعشقه ومحظوظ منهو طالهـا

من نظرها بعينه تنقلب فيه الموازيـن=يقعد بوسط القوايل ويترك براد ضلالهـا

في صوتها بحه تقسم القلب نصفيـن=لامن تكلمت ماودي أسمع غير جدالهـا

ليتها عندي قريبه وتقضي معاي السنيـن=وأذوق من حمر الشفايا وأشرب زلالهـا

غيرتي عليها عضيمه من دمها بالشراييـن=من دقات قلبها مـن همسها وخيالهـا

وأغار من عبايتها وغطاها وكل الفساتيـن=وأغار من صحنها لامنها نطحت فالهـا

وأغار من الكحل فـي عيونها الثنتيـن=وأغار لامن تقهوت أغار مـن فنجالهـا

وأغار منها عليها ومن خواتـمٍ باليدين=والسلسله في نحرها يالعنبو سلسالهـا

وأغار من أهلها لاصاروا معها سامريـن=والله إني أحسد عمامها وأغبط خوالهـا

فـي قلبـي لهـا حـبٍ تعـدا القوانيـن=كلي أنا فـدوةٍ لعيونهـا كلي حلالهـا

ياويلي إذا سألت تحبني ؟ أقول:وين=وش دخل وين ؟ تضيع علومي بسؤالهـا

والله أحبها حبٍ ماشفـت مثلـه لهالحيـن=وأموت حين غيابها وأحيا حزة وصالهـا

عساها ترحم القلب وتعطيني من الثميـن=من وقتها ساعه أنشدهـا كيـف أحوالهـا

وعسى ربي يحرسها من ناسٍ حسوديـن=ناسٍ مثل البساسه تاكـل حتـى عيالهـا[/poem]


[align=center]وسلامت عيونكم المتابعه

أخوكم / أحمد المطيـري[/align]

[رغ ــد]

[align=center]
الأخ أحمد المطيري

صباح الجوري

أتشرف بقرائتي لك

بالفعل قلم يستحق المتابعة

وصح لسانك على الأبيات الأكثر من رائعة [/align]

[الأيام]

[align=center]بايعها

صح السانك اخوي

ما قصرت

يعطيك العافيه

لك تحيتي[/align]

[مشـاعـل الخـالـد]

[align=center]فـي صوتهـا بحـه تقـسـم القـلـب نصفـيـن
لامن تكلمـت مـاودي أسمـع غيـر جدالهـا


صح لسانك وسلمت يمناك


دمت بخير[/align]

[جرووبقاياووح]

[align=center]صح لسانك وسلمت يديك

خالص تحياتي الطيبة


بقاياجرووح[/align]

[ـالهنوفـ]

وأغار منها عليها ومن خواتـمٍ باليديـن
والسلسله في نحرها يالعنبـو سلسالهـا

وأغار من أهلها لاصاروا معها سامرين
والله إني أحسد عمامها وأغبط خوالهـا

في قلبـي لهـا حـبٍ تعـدا القوانيـن
كلي أنا فـدوةٍ لعيونهـا كلـي حلالهـا

ياويلي إذا سألت تحبنـي ؟ أقول:ويـن
وش دخل وين ؟ تضيع علومي بسؤالهـا


صح لسانك على القصيده الرائعه

يعطيك الف عافيه ..

[بعيد الارماس]

الأخت القديره / رغـد


صباح البساتين

يشرفنا ويسعدنا متابعت شرواك متذوقين للشعر

صح بدنك .. شاكر لك حظورك الجميل



إحترااامي

[بعيد الارماس]

الأخت القديره / الأيام


صح بدنك

ولايجي منك قصور

يعافيك ربي .. شاكر لك مرورك


إحترااامي