|
 |
 |
.gif) |
|
|
||||||||
 |
|
|
LinkBack | أدوات الموضوع | طرق مشاهدة الموضوع |
04-16-2006, 11:25 PM
|
رقم المشاركة : 1 | |
|
|
الجزء الثاني (( ليله العرس ))
في يوم من الايام وبعد معاناه من العزوبيه ........ حشى صارت مرض مو عزوبيه ............
قررت اتزوج واصير صاحب ورب اسره وعندي بزارين واجيب لهم حليب نيدو ... انواع الفله .... عاد قلت اروح اقول للوالده بس ماني قايل لغيرها لاني ادري اني باكل علقه يحبها قلبي من بعض الناس راعي الجريد والشوف الشجر اللي ينثر القهوه على ............ المهم تمت بحمدالله الموافقه ... من قبل بعض الناس وراحت الوالده ومعها بعلها الى جارنا يبون يخطبون لي بنته يوم جيت اروح قال ابوي وين تبي قلت بروح معكم هماكم بتخطبون لي ....... قال ...... اقول انثبر لا اتزحلق بمصرانك .......حشى صارت تلج مو مصران يااااااااااااا شكوتي لله ....... المهم قلت لا بروح عاد انا عندت واصريت الا اروح وابوي يلتفت على قال طيب وشوله تروح انت ؟؟؟؟؟ تراك مذيهم كل يوم تمسح قزاز سيارت ابوهم بشليلك وكل يوم وهو شايفك وش تبي تروح ....... قلت لا بروح قال بتنثبر او اهون قلت خلاص بس لاتصيفون المهم تمت الرحله بسلامه وتمت الموافقه على الموضوع وانا اقوم من الفرحه واغسل ملابسي وملابس اخواني كلهم حتى سياكل اخواني الصغار غسلتها بالمناسبه السعيده هذي يوم جى بالليل وقوم اسوي حليب لامي واحط فيه زنجبيل قلت هاك يومه هذا حليب فيه زنجبيل عن البرد قالت وشفيك استخفيت ياوليدي حنى في الصيف يجنيني .... يؤ قلت يمه من الفرحه نسيت المهم عاد وانشد امي عن بعلتي بعلت المستقبل قالت ياوليدي وش زينها تهبل عاد انا من الوناسه قعدت انود ونمت عند امي مستانس المهم .......... يوم جى الصبح واروح والبس عقال واشخص واروح اطق على ابوي قال...... ادخل........ قلت ........لا ابيك هنا (( اضمن من بعض الحركات )) يوم طلع وشافني قال ماشالله وين على هالصبح ؟؟؟؟؟ وانا امحطه بذيك الابتسامه العريضه اللي طلعت لوزي منها قلت بروح سوق الغنم وهو يضحك قال وشو له قلت بروح اشتري خروف قال ليش ومنهو له قلت لابو جيراننا قال ماشالله ماشالله ليش قلت هما عندهم عرس قال عرس من ؟؟؟؟؟ قلت عرس بنتهم علي قال وانت اللي تشتري خروف لهم وانا امغط ذيك الابتسامه قلت ايه قال طيب لحظه ويدخل غرفته انا احسبه بيجيب الفلوس من الصندوق يوم دريت الا ابوي جايب الدله وصاب قهوه بالفنجال عاد القهوه تو امي مزينتها وحاره وش زينها وهو يمد الفنجال على قلت مشكور يابو الشباب على عرسك وهو ينثرها بوجهي قال الحين انت المعرس وانت اللي تجيب خروف وانا احط رجلي وانحاش وهو يحذفني بالدله وتصقعني من عند راسي على اذاني عاد تصدقون وحده من اذاني صارت طويله ماعت من القهوه الحاره ترى الحين اذني واصله كتفي المهم جت ليله الدخله قال ابوي بروح انا وياك للقصر قلت طيب المهم نروح يوم جينا القصر عاد انا مشخص بالبشت والعقال ولا بس جزمه مشتريها جديده وساعه على فكره ترى الساعه تدق كل نص ساعه المهم نزلني عند باب القصر قال اصبر لاتروح لين اجيك بوقف السياره قلت طيب وانا واقف انتظر ابوي جاني واحد قال تفظل الحين يجي المعرس يوم جيت بقوله انا المعرس دخل وخلاني انا في بزر قاهرني مر من عندي وانا واقف قالي مشخص يحسب نفسه المعرس انواع التحطيم ...... المهم............ قلت مابدهاش ادخل وعرف الناس فيك ياهبنقا المهم وادخل الا فيه ناس كثير وابداهم من اليمين ..... السلام عليكم انا المعرس السلام عليكم انا المعرس .......... ويوم قضيت يمكن اكثر من النص مادريت الا اللي تلني من بشتي والتفت عليه بسلم عليه الا هو ابوي يقول امش وجع فشلتنا وانا اروح معه ومن العجله تعلقت رجلي في رجل شايب ماد رجله وبغيت اطيح بس اشوى ماطاح الا العقال ودخل تحت الكنب ولا ادري وين راح ...... المهم عدة ذيك الليله على خير ..... وحانت ساعه الدخول وقام ابوي واخذني معه عشان يوديني للعروس عاد تراني قائل لهم البنت تبقى في بيتي ماتروح القصر مسوي حمش من اولها المهم راح ابوها معنا واخوانها ويوم وصلت البيت ودخل ابوي وانا بعده وانا اصك الباب قال ابوها افتح ياهبنقا قلت اها بس لايكثر روحونامو واخوانها يطقون قال ابوي وش سويت انت قلت صكيت الباب يبون يدخلون هذولا معي قال افتح الباب وجع فشلتنا قلت انا متزوج بنتهم لحالها هم ماهم معها قال اقول افتح لارميك بالشوزن تراك فقعت تسلوتي افتح وانا افتح الباب وهم يدخلون قلت لابوها انت ادخل بس وعيالك خلهم بالحوش لايوذوني من الحين (( امحق نسيب )) المهم دخلت غرفتي وانا القى العروس جالسه وانا اصك الباب العروس جالسه ومتغطيه يوم جيت ارفع الطرحه تفاجاءت واطالع الا خشمها طوييييييييييييييل عمى وش ذا ماعمري شفت مثله طايح على صدرها قلت لايكون امي مزوجتني فرخ فيل او شفاط نمل قلت وين اللي تقول امي مزيونه وخشمها يبيلها حفرت زيت اذا بغت تسجد في الارض ((((( امحق حض ))))وشلون يعني تصريف بضاعه المهم واتجرى وارفع الطرحه تدرون لقيت الطويل مو خشمها اثري البنت حاطه في فمها مسواك وهو اللي رافع الطرحه وانا احسبه خشمها عاد اكمل لكم بعدين ...ترى الخافي اعظم ..... بايات |
|
    
|
|
04-17-2006, 07:42 AM
|
رقم المشاركة : 2 | |
|
|
انا في بزر قاهرني مر من عندي وانا واقف قالي مشخص يحسب نفسه المعرس
ههههههههههههههههههههههههههه صراحه لو تصير فيك من جد كان ازين خ8 يعطيك العافيه هبنقا سالفتك مهستره بقووووه الف شكر على ابداعك بالهستره فمان الله |
|
|
|
|
04-17-2006, 09:53 AM
|
رقم المشاركة : 3 | |
|
|
مشتريها جديده وساعه على فكره ترى الساعه تدق كل نص ساعه المهم نزلني عند باب القصر
هههههههههههههههههههه اهم شـي يابـاني بس هبنــقا الله والعـالم انه العروس ولا خلــه بعـدين |
|
|
|
|
04-17-2006, 10:42 PM
|
رقم المشاركة : 5 | |
|
|
تسلم هبنقا على موضوعك الطويل الحلووووووووو
كثر منه.................................. ويعطيك العافيه |
|
|
|
|
04-18-2006, 02:02 AM
|
رقم المشاركة : 8 | |
|
|
الســـاعه
وش نبي بالعرس الله يصلحك هههههههههههههههههه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
دردشة ا دردشه ا دردشة صوتية ا دردشة كتابية
العرض العادي
