طلعة راشد ومشرفين الاقسام الترفيهيه امحق من طلعه

[راشـد المهمــوم]

[align=center]اسلام عليكم

ايها الجماعة المتجمعون

ياثقل اللون الاحمر احس ان منكب علي فيمتو


ايه وش كنت ابي اقول



ايه

قلت بما ان الله وفقك يا رويشد ولقيت لك وظيفة مراقب
وماقصر ابو موزه

ليه ماتعزم اعضاء المنتديات الترفيهيه
على دجاجه واذا صرت اداري على خروف واذا صرت مشرف عام على حاشي

ابي اعزم مشرفين الترفيه علشان نزبط العلاقات فيما بيننا

عازف الناي سلطان حائل دانه نسمات البندري بنت ابوي

الرجال يصلحون القهوه والشاهي والحريم يسون العشاء

<<< ذكي

رحت لا ام راشد قلت يمه اعطيني خمس ميه
قالت انتسلللع الله يقلعك بعد وجه
بدال مانت تكد علي تبي منى فلوس

اقعد به ياراشد وشلون اعزمهم وشلووووووون

دقيت بيجر على عازف وبعد شوي دق علي بيجر << نذل مايبي يدق

رفعت المركا وخذيت بطاقة زجول اخبر بها ثلاثة اريل

وانا ادق على عازف

دووووط طوووووووووط

عازف ووجع

اسمع ابي اطلعكم للبر بما اني صرت مراقب وانا اخوك وابشروا بالخير دق على سلطان وقله زين

يلله باي

صفر خمسه اه ا اه اه

تشك
طوووووووووووووطـ


الو نسمات هيه اسمعي عندنا طلعة للبر دقي على البندري ودانه وبنت ابوي اوكيشن


قالت زين

يلله قد باي



الحين جاري تشغيل الددسن وتجهيز العزبه

تشن طخ بخ اععععععع احننننننننننننن

احوووووووووووووووو r8s1a


يلله الرجال قدام والحريم ورا

الددسن وسيعه الله يخليكم

عازف على الباب وسلطان عند القير بالوسط

والحريم وراء

دانه الله يخليتس انزلي من الحوض اركبي ورا

دانه ووجع تري اضربتس الحين

والبندري وبنت ابوي يتضاربن كل وحده تبي تصير عند الدريشه

ونسمات تطقق المرتبه كلها غبار

يلله جاهزين

عاد شكلنا حنا وعزبتنا وحوستنا بالددسن تقل طقاقات مضيعات صالة الافراح

احنننننننننننننننننننننننننننننننننننننن

وحنا نوقف عند البقاله

دخلت وسجلت عند الهندي دجاجه
الله يسلم بنات المؤذن <<((الدجاج ))
و جالكسي علشان قبل القهوه



رحنا الله يسلمكم للبر وشغلنا النار<< حضري ........... تخبرون حولنا بيت يبنى وسحبنا من خشبهم خخخخخخخخخخ

وانصرعت علينا نسمات والبندري

سحبن شنطة العزبه وطلع من الشنطه فار تقل جرذي شكله آكل العزبه كل ابوها

قريت علين آية الكرسي ما اعرف الا هي استغفر الله

والحمد لله قامن مابهن الا العافيه

وسوينا القهوه العربيه والشاهي بالنعناع << رايق

وقمنا نسولف وكل واحد يتسذب على الثاني هههههههههه

شوي ولا صاحت دانه الا ذيك العقرب الي لها اذان

ويقوم الفارس الشجاع سلطان ويفسخ نعله وانتم بكرامه تخبرون عاد لابس المساجديات الي لو تضرب بها الكافر يسلم

ويخبط العقرب وماندري وين راح شكلها تبخرت من قو الضربه خخخخخخخخخ

احلا سلطان قوي.....

وبنت ابوي احرقت مسجل الددسن كل شوي تنغزه تخبرون مايشتغل الا بسكروب
حسبي الله عليها لازم اخلي محمد يخصم من نقاطها


جا وقت طبخ العشا وتهاوشنا على تقطيع البصل كلن يقول ما اعرف ههههه الله من النصب

خلينا الدجاجه بالحوض قلنا من يبي يطبخ وينفخ

وطحنا ببسكوت ابو ولد تخبرون درج الددسن مليان من هذه الشغلات

وبسكوت وشاهي وشاهي وبسكوت ليييييييين طلعت لنا كرووووش


يوم بلعنا وخلصنا

قلت الشرهه علي انا الي طالع بكم ارتسبو ارتسبو لا يجوننا سكارى ويلعنون ابو شكلنا الحين يلله يلله


شاااااااان اننننننننن


طع طع

طع طع

وسكرنا الاربع بيبان

ونزلت دناه من الحوض ياحبها للحوض تصلح بسووق الجح
وجريتها بقرونها



وحنا راجعين
مشغلين اغنية حبيب الدويله

ابـــغز هنـــيا



اشياء حصلت ولم تذكر بالقصه

طاحت شباصات دانه بالشارع من كثر ماهي تقامز بالحوض

راشد راح للبر حصران وانتم بكرامه ورجع حصران <<< نسي انه حصران من كثر الوناسه

طبت علينا المخدرات بالشعيب مشتبهين بسلطان حايل الله لايعطيه عافيه



واستروا ما واجهتوا يالربع dkhan [/align]

[D a N a]

اقتباس قلت بما ان الله وفقك يا رويشد ولقيت لك وظيفة مراقب

راااااااااااشد .. مبروك .. صرت قوطي صلصه .. <= ماهيب غايره ابد

اقتباس على دجاجه واذا صرت اداري على خروف واذا صرت مشرف عام على حاشي

وشــو حــاشــي <= يعنني ناعمه .. لايـكـون ضـب بـس

اقتباس الو نسمات هيه اسمعي عندنا طلعة للبر دقي على البندري ودانه وبنت ابوي اوكيشن

داق علــى نـسـمـات وش عـنـدك

اقتباس و جالكسي علشان قبل القهوه

جـالكســي

اقتباس وبنت ابوي احرقت مسجل الددسن كل شوي تنغزه تخبرون مايشتغل الا بسكروب

تلـقـاها تـدور اغـنـيـه لـمـيـحـد حـمـد

اقتباس شوي ولا صاحت دانه الا ذيك العقرب الي لها اذان

يـقوولوون الــعــقرب تجــي على ريــحة الشـي الحالي <= مشوها عاد

اقتباس طاحت شباصات دانه بالشارع من كثر ماهي تقامز بالحوض

بـعــذري ابـي البــراد .. والشباصات مقدورن عليهاا .. الله يعافي ابـو ريـالين


الــبـلا لا أنسـرقـت منـك بـلوزهـ كروهــات








بــرايــفــت راشـــد :
وش يقوول هذا بالاغنيه عدتها ولاعشر مرات مافهمت

بس سمعت صوت قراشيع بالبدايه حسيت انه يتكلم عن البر


بس موضوعك من جد رهيب

يعطيك العافيه

[مشـاعـل الخـالـد]

هههههههههههههههههههههههههههه



يعطيك العافيه راشد


وتقطعون العزيمه بالعافيه


في امان الله

[حــلــم]

شدعوى عازم المشرفين بس .....والاعضاء مالهم رب
ما كاننا مطيحين باقسامك الترفيهيه <<<<<اصلا من زين العزيمه على دجاج مو ناقصين انفلونزا طيور

رشود .....مبروك الاحمر لايق عليك وتستاهل الف خير بس ترى الجالكسي بعينى

[راشـد المهمــوم]

D a N a

يعطيتس العافيه

بس والله ما تخاويننا مره ثانيه dkhan

[راشـد المهمــوم]

مشـاعـل الخـالـد

يسلمواااااا الزحكاااات

واعذرينا ماعزمناك تخبرين طلعة دجاج


الله يعافيك