عروووس فاتنه عذرا أخذها شايب مملوح

[لمسة شقاوه]

السلام عليكم ورحمة الله وبركاته

مشرفين وأعضاء منتدى الخليج ياحياكم الله

وحشتوني

هذي قصيدة لوالدي العزيز الله يعطيه الصحة والعافيه

في حفل تقاعده 8 /8 / 1426 هـ

اتمنى انها تعجبكم

[POEM="font="Simplified Arabic,5,black,normal,normal" bkcolor="transparent" bkimage="./images/backgrounds/19.gif" border="none,4,gray" type=1 line=0 align=center use=ex num="0,black""]هوازن والزمن يمضي هوازن والسنين تروح = هوازن والعمر يبقى بعمر أجيال وأجيالي
هوازن تذكرين أسمه ودرسأً كاتبه عـ اللوح = وأقلامه وأوراقه وتحضيره وألاعمالي
هوازن كنها أيام وليالي فردنا مسموح = ولاكن عمر يمضي بك ويروح أستاذنا الغالي
صعب نتحمل الصدمة صحيح أن الامل مطروح = وهذا واقع الحالة عجز يستوعبه حالي
أبو محمد بكى فصلك وعصا في درجك أمس تنوح = بكاك الطالب المخلص بكاك الزايد همالي
فصول المدرسة ضاقت عقب ما وسعت المشروح = دروس كانت تعطر فضاء المدرسة الخالي
ممر كنت تمشي به همس من هيبتك في بوح = كأنه يلمح طيوفك ويسمع حسك العالي
صدوع في فناء المدرسة خطت أنا المجروح = وفوقه ترسم القلب الحزين وسهم قتالي
تصدع من قفى طالب متكي والجدار يفوح = حرارة حزنه تهدد عليه الجدر ينهالي
أبو محمد تبي علمي أخاف يبان بي مسفوح = نكرم مثلك الليله ودمع العين همالي
أبخفي دمعتي وأبدي سرور ما ظهر بوضوح = وأنا أدري الدمع ينزل بي ولحدٍ يرفعه عالي
ألا يا فرحة الليله ألا يا نورها يا لضوح = تراها تو تبديبك مراحل عمرك التالي
عريس تملّك لعمرك عروس وين مابتروح = تخاويك في مراحك والمجي قاطن ورحالي
عرووس فاتنه عذرا أخذها شايب مملوح = نقول: الشاب يصلح لك وتقول: محال ومحالي
مابي طفل يعذبني ولا في خدمته مصلوح = حليلي لحيته بيضاء بوقار الشيب يختالي
ألا تدرون من هذي أبكشف سترها المفضوح = على "الحريه" تملّك أبومحمد ولا يبالي
وعاش أحلام ورديه بعطر الياسمين تفوح = مسيرة ترفع الهامه ونرويها بالامثالي
فلا يالله يا والي يعمر ما يعمر نوح = على الطاعه ولا نحتاج له معلم وتمثالي
فبعد مبرووك ياخونا وأبونا والزمان يروح = وتبيقى أستاذنا الفاضل بعمر أجيال وأجيالي [/POEM]





تحيــــــــــــــــــــــــــاتي

[جـويعـد]

صح لسا111نه ..

أبيات شاعر متمكن وأكيددد عنده قصائد غيرها عاد أنتي شوفي لك حل من إثنين ياتسجلين ابوك بالمنتدى والا تجيبين قصايده كلها

يعطيك العافيه .,. لمسة.,.

[لمسة شقاوه]

يعطيك الف عافيه

اخوي جويعد ومشكور على مررورك

مرة وحدة اجيب ابوي قوووووووووووووووووووووويه


دمت بحب

[$$عطر الكلام$$]

لمسة شقاوة

سلمت يمناك اختي على نقلك لقصيدة والدك

قصيدة رائعة اعز الله والدك اختي

ودوم تواصلك وعطائك

خالص شكري وتقديري

[ـالهنوفـ]

صح لسانه والله يطول بعمره يااارب


لمسة ..


يعطيك الف عافيه ...



تقديري ..,,

[لمسة شقاوه]

مشكوره اختي عطر الكلام على مرورك
والله يعطيك الصحه والعافيه
http://www.lahdah.com/up/uploads8/lahdah-a2719c51a4.bmp

تسلمين يالهنوف اشكرك من كل قلبي على مرورك
http://www.khleeg.com/vb/uploaded/188_1149758407.gif