:::نسيتي ثوبك الترتر وغيظك لأنقطع حبه :::

[مشـاعـل الخـالـد]

[FRAME="13 70"]
السلام عليكم

وددت ان اسافر معكم بين غياهب الماضي وجمال الكلمات

فهل تشاركوني هذه الرحله؟؟


اليكم التذاكر ولنذهب سويا ............

بين احاسيس (شاعر) ونبض من ذكريات الماضي

.

.

نســـــــــيتي

.

.


نسيتي المزح بالقبة ونسيتي لعبنا الطبة ..
نسيتي كشختي دايم بثوب دوبلين خـبة ..
نسيتي غترة الململ تغطيني تقل جبة ..
نسيتي الركض بالطابة لاصار بدارنا شبة ..
لاجابوا فضلة القرصان نتسابق ودنا نلبه ..
نسيتي إزعاجنا لمك وهي بالحوش منكبة ..
نسيتي معلف ام العوف تظفينه وانا اكبه ..
نسيتي ثوبك الترتر وغيظك لأنقطع حبه ..
نسيتي بسطة عزيز الى جاء العصر بالقبه ..
نسيتي خرطه الماصل يجيب الحكي من عبه ..
نسيتي القربة الشنه وماها البارد نقبه ..
نسيتي قولك معصقل وانا اعيرك يالدبه ..
نسيتي نعالنا التليك هي الموتر ونلعب به ..
نسيتي موعد الحنا الى جاء صابكن خبه ..
نسيتي طيحتك بالليل وهي ظلماء وانا السبه ..
نسيتي اكلنا الهبود نتناقر والسبب حبه ..
وامك لاتهاوشنا تحط بعيوننا شبه ..
نسيتي ثوبك الكرته ننكت فية ونشبه ..
نسيتي كحة المذن قبل يذن يبي ينبه ..
نسيتي تريكنا المصنج نغسلة قبل ما نشبه ..
وندعى ربنا يكود العنز تجيب وليد نلعب به ..
نسيتي كيف اوصف لك زمان يعلمه ربه ..
حلو رغم الفقر بالحيل زمان راح ونحبه ..
نسيتي ليه ما ادري دخلتي الوقت من جبه ..
لك الفديو لك التلفاز لك المكياج ما احبه ..
لك الدنيا بزخارفها وعطيني حظار مع قربه ..
ومعهن مسفع بالي وثوب اللس والطبه..

للشاعر


احمد الناصر


الى هنا انتهت رحلتنا

لكم مني اطيب الود واعذبه

[/FRAME]

[ابو مهند]

يعطك العافيه اختي مشاعل على هالرائعه



تسلم يديك لاهنتي



لاتحرمينا من رواعك


تحياتي لك


دمتي بالف خير


ابو مهند

[مشـاعـل الخـالـد]

هلابك اخوي ابو مهند


والقادم اجمل باذن الله

دمت بخير

[حبسيه]

صح لسانج يا شعووووووووولة

وابيات ولا اروع

تسلم يمناج ياعمري

[ـالهنوفـ]

نسيتي القربة الشنه وماها البارد نقبه ..
نسيتي قولك معصقل وانا اعيرك يالدبه ..

نسيتي نعالنا التليك هي الموتر ونلعب به ..
نسيتي موعد الحنا الى جاء صابكن خبه ..

نسيتي طيحتك بالليل وهي ظلماء وانا السبه ..
نسيتي اكلنا الهبود نتناقر والسبب حبه ..

وامك لاتهاوشنا تحط بعيوننا شبه ..
نسيتي ثوبك الكرته ننكت فية ونشبه ..

نسيتي كحة المذن قبل يذن يبي ينبه ..
نسيتي تريكنا المصنج نغسلة قبل ما نشبه ..



يا الله ...


ما اروعهاااااااااااااا !!


يعطيك الف عافيه مشاعل ..

ذوق في إختياركِ ...,,

[مشـاعـل الخـالـد]

هلا بك وحياك ياحبووووووووووووووووستي


الف الف شكر على روعة التواجد


دمت بخير

[مشـاعـل الخـالـد]

هلا وغلا هنوووووووووووووووووووفه


الف شكررررررررررر لجمال التواجد


يعطيك العافيه قلبو