يا ناس ملينـا الحكـم والنصائـح ،،،، نبي نجرب هالطرايف والا نكات

[ابو مهند]

[align=center]قصة وقصيدة


القصة والقصيدة للشاعر / علي بن ابراهيم القري
من اهل عنيزة حبيت اجيبها لكم لما فيها من الطرافه اتمنى ان تحوز على رضاكم



يقال ان هناك أحد الشعراء ساكن له بشقيقة ومرتاح فيها واسعة وطيبة وساكن في المدينة وربعه يجوون عندهم يصار لهم حاجة ...

المهم خوينا هذا يوم من الأيام يقول مادريت الا وجاينا ضيوف ملفين علينا وهم جابين من بعيد من الديرة ويقول وأرحب فيهم ويا هلا ويا مرحبا ..وكان عندنا ضيوف بالبيت من آهل المره حريم والبيت زحمة يقول وانا لزم عليهم بالعشاء بكره المهم قالوا لاوالله حنا الظهر نبي ندور اهلتا ...كان الضيوف مارتاحو ا ...وخافوا يضيقون المعزب ....وهو يلزم عليهم يالربع نبي نجيب لنا ذبيحه ونعزم الربع وماني متكلف والدعوه محفوفه ..

المهم الضيوف ماودهم له بالاحراج عارفين ضروفه ووالبيت زحمة قالوا له مادونا بالرسميات والذبائح ونخاف الربع يلزمون علينا وحنا ماشين ولادنا نكلف علي أحد ...
قالوا له تبي تكرمنا وتبينا نستانس ... قال الا والله قالوا هات لنا عشاء سفري الحين عشاء خفيف ولو يكون العشاء برا باحد هالمطاعم الحلوه يكون افضل قال لابالله ابشروا ...

وانا اخذهم لهك المطعم لي من الفخامات ... ويم جينا للمطعم والا الطاولات فل ولهم عجه ماتدري منهو قبيلك اللي يحمس واللي يشوي ......الخ

اوهو ينادى الجرسون وقال له نبي طاولة علي عددنا ويجيب هالك الطاولة ...وهم يطلبون اللي طلب با فتيك واللي طلب شرائح ومن هالاسماء اللي يحبها قلبك ....ولقنا الجرسون كل شوي مسنتر عدنا وان اقول شف الاخوان وش يبون وكل واحد جاب اللي يشتهي واللي مستغرب من اسمه ....

اكلنا وحمدنا ربنا قلت للجرسون الفاتورة وهو يجي جايب الفاتورة بصحن قضبه بطرف اصابعه وانا اتلحلح ابطلع البوك وانا لتفت للفاتورة وانا ظر الرقم الا وكانه رقم تلفون من طوله وانا انخرع وتطلع هالقصيدة .




[poem=font="Simplified Arabic,4,green,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]


يا ناس ملينـا الحكـم والنصائـح = نبي نجرب هالطرايف والا نكات

لي قصـة فيهـا وفيهـا لمايـح = من ماجرا هاك السنـة للعقيـلات

يوم الرجاجيـل لبعضهـم منايـح = بشرع الوفاء كل عليه التزامـات

وأنا من اللـي ينطحـون التوايـح = وأنا ولد راعي الطروق المخـلات

عرفت لي من كاسبيـن المدايـح = ربع لهم حق كبر ضلـع أبانـات

قالـوا بلادوشـات ولا ذبـائـح = غديك تودينا حـدي هالآوتيـلات

قلت إية قوه امشو لاوتيل السمايح = أويس هذا هو علي بعد خطـوات

ومن يوم عطت بالخشوم الروائـح = ومن قبل لانجلس بدوا بالطلبـات

لحـم ستيـك وبافتيـك وشرائـح = وشئ من اللي ياكلون الخواجـات

وأنا من الفرحة بهـم تقـل دايـح = أنادي الجرسون وأقول رح وهات

اليـن صـارت مايدتنـا سفايـح = من اللحـم والفاكهـة والفكاهـات

وبعدين جاء راعي الحساب يتمايح = بفاتورة حطه علي جنب بسكـات

ومن يوم طالعته ولابـه فضايـح = تبي تخلي رأس مالـي دمومـات

قامت تقل عندي تـدور الدوائـح = وأنسد بلعومي وهرجـي مثاثـات

قلت استحوا ياناس وش هاجوايـح = هذا حساب أو حنشلـة أو ردا ذات

وانتم بذا يالله علي القـوم طايـح = او عمكم عجل علي الطابق السات

تجمعت هـاك الوجيـه الكلايـح = وقاموا ودربونا علي السوق دربات

ويوم انفغي راس بكثر الصوايـح = عرفت وش كون لهم هالعمـارات

[/poem]




عمكم عجل علي الطابق السات

المطعم في فندق وكان ينون في الدور السادس مابعد خلص


ومن حمد ربكم ماحولي فندق قريب لي انا بحي جديد يعني الي يجي نطلب له دجاجه اذا مافيه رسميات


تحياتي لكم


دمتم بالف خير



ابو مهند[/align]

[حبسيه]

بصراحة ما استغرب منك هذه المواضيع الجميلة

صح لسانك

وتسلم يمناك يا ابومهند

ولا تحرمنا من جديدك

تحياتي

[الأيام]

ابو مهند

يعطيك الف عافيه اخوي

دائم مبدع في اخيارك للمواضيع

لك الف شكر وتحيه

[ابو مهند]

هلا وغلا اختي حبيسه

الجميل هو مرورك الرائع لاهنتي

الله يعافيك دوم ويسلم يديك


تحياتي لك

دمتي بالف خير


ابو مهند

[ابو مهند]

هلا وغلا اختي الايام


حياك الله

شاكر مررورك الرائع لاهنتي


الله يعافيك ويسلمك


تحياتي لك


دمتي بالف خير


ابو مهند

[راشـد المهمــوم]

[align=center]هههههههههههههههه

عدي اشوف وجهه صار مثل الوان قوس قزح

العن ام النكبه


ايوالله فاتوره كنها رقم تلفون هههههههههههههه


تسلم يا ابو مهند على السالفه [/align]

[ابو مهند]

هلا وغلا اخوي راشد

حياك الله


دوم هالضحكات والله يستر عليك من مثل هالنكبات ههههههههه


مشكور على مرروك يالغالي


تحياتي لك

دمت بالف خير


ابو مهند

[ابــوشـبـريــة]

ابو مهند

دووووم مـــبدع

يعطيك العافيه