{ { لك يوم راح تردك خطاويك } }

[$$عطر الكلام$$]

[align=center]لك يوم راح تردك خطاويك[/align]



[align=center]للحين تنكر حبي و مني تتهرب
للحين تتحسر على جرح ماضيك


انا اللي في حبك اموت واتعذب
وانت تنادي على من يجافيك


عايش في حزنك وله تتقرب
ونسيت من يحبك ودوم يغليك


خلي كيف تسلا هواك وتتصعب
وهو بروحه ودمه كان يفديك


كنت لك السلوى حبيبي والاقرب
وانت لحالك ما في شي يرضيك


لجرحك كنت انا اداوي واطبب
اليوم ارحل ترى من يواسيك


ولا يوم سليتك وجاي تعتب
وين اروح منك واليك اشكيك


قاسي تغفا عني بعيد تذهب
خبرني وش اللي عني يلهيك


ما ينفع اليوم تثور وتتعصب
يكفيك الخجل من زيف حكاويك


اليوم تناسيتك غلاي لا تتعجب
هذا من فعلك وكذب امانيك


ان كنت في مليت ما عدت ترغب
احررك برضا ولا اندم يوم عليك


لكن بعد راح تشوف وتجرب
تدري ما في شي عني يغنيك


اذهب وفارقني هواي لا تتغصب
ومن مر كاسك يوم راح اسقيك


ابعد بعيد عني روح واتغرب
لك يوم راح تردك خطاويك[/align]

[لمسة شقاوه]

ابعد بعيد عني روح واتغرب
لك يوم راح تردك خطاويك

صح لسانك وسلمت يمينك ياعطر الكلام قصيدة رائعه


ومعاني ولا أروع

ننتظر جديدك عطر


تحياتي لك

[ألامير الحزين]

من يوم السافرت محد سأل عني .. لاصاحبي لا جيراني لا حد يطمني

الغربه صعبه وكل البشر يدرون .. حبيت أسأل عليكم يا عمي متى تسألون

ليش القساوة والقلب القوي .. ما عمرنا يوم قسينا ودوم كنت الحبيب الوفي



الزمن دوار يكدر ينسينا الغربه والسهر .. لكن ما ينسينا العشرة واحلا لحظات العمر

حبيت أسلم عليكم وبسلامي عتاب .. لان انتو بقلبي وحياتي ودوم وأعز الاحباب

دموعي تشهد كم بقلبي نيران شوق البعاد .. تلهب لهب ما تطفيها بحور ولا محيطات



دمعتي والمي صارت بين الغرب عادي.. وضحكتي وفرحي ما تحتل غير صحابي

وكم كلمة شوق دزيتها ومحد رد علية.. كلت نساني بس بقلبي موجود هو وبشرياني

يسلمو عله هاذا الكلام الجميل والاحاسيس الرائعه

[!@ولد@الكويت@!]

عطر صح لسانج

وتسلم يمناج على الكلمات الروعه

وماقصرتى ياغاليه

ولج خالص تحياتى

[$$عطر الكلام$$]

لمسة شقاوة

جزيل الشكر على اطلالتك ومرورك الكريم

لا عدمناك يا الغلا

الاروع هو تواجدك الباهي

خالص تحياتي وتقديري

[جــــــــــرح]

صح الله بدنك .. وتسلمين على هاذي القصيده الجميله ...
تحياتي لك ...

[ـالهنوفـ]

عطر الكلام ..

صح لسانك وسلم إحساسك على هالقصيدة الجميلة

.

فائق التقدير ..,,

[جرووبقاياووح]

صح لسانك وسلمت يمينك ياعطر الكلام قصيدة رائعه

ابدعتي ودمتي مبدعه وانتظر القادم بلهفة

خالص تقديري ’’’