فلسفة عُقال

[راسم الكلمات]

[align=center]
قصيدة اعجبتني
واحببت ان انقلها لكم
لعلها تنال اعجابكم



((فلسفة عقال ))
على رتم العقول اللـي تعالـج وضعهـا بهْبـال
....... سرى ليل القلوب اللي تهـاوت فـي مساحاتـي
وانا ماعاد لي قلب ٍ ايلا من قال قـال وطـال
........ ولالي غير زفـرات القصيـد وطيـب هقواتـي
أتابع فيك مفـرود القصايـد وافتخـر واخْتـال
...... وأحس احيان بحْروق الحروف وحـر جمراتـي
أنا لو جيت لـك مجنـون قولـي فلسفـة عقـال
....... واجِبْري كسر تنويني معـاك ابْرفـع ضمّاتـي
اباغيّر مفاهيـم النحـو والصـرف والاهمـال
....... وقانـون البلاغـه والعـروض ابْكـل كلماتـي
أبا اخلق نون للنّسوه وبافتـح بـاب للإحـلال
....... وابدّل جمعكـم مفـرد وبَارفـع كـل كسراتـي
أبا انصب مبتداك بْكاف وامسح منْه حرف الـدال
....... واحط اللام فـي وسطـه يبيّـن سـر مأساتـي
ابا الْعن خامس الفاعل وأغيّر صيغـة الافعـال
...... واحطه في خبر كانَ واجـدّد شكـل صفحاتـي
ابا الغي سيْبويه ابْحرفْ واصْنع بالنّقاط اجيـال
..... وبَاشْطب طرْح أبو الأسود مع خالـص تحياتـي
أبيك انتي اجابة منْ وعطف الواو واسم الحال
.......وابيك الفعل والفاعل وكـل أهـداف نظراتـي
أبيك انتي قواعد صرف وحزم الجد واستهبـال
.... وابيك اعْقول تفكيري وصوت الكذب بسكاتـي
أبا اعقد مؤتمر قمه وبافْرض حظـر للتجـوال
......وبَامْنع رجة امعمّـر مـن الغـاء إجْتماعاتـي
ابادعي قلبي وعقلي وكل احساس صال وجـال
........... واباجْمع كـل احزابـي نقـرّر ماهـو آتـي
بما أنّ الظـروف الآن لاتسمـح بأيّـة حـال
.........بأي اجراء روتينـي علـى سائـر دويلاتـي
عليه الآن فلْيعْلنْ طوارىء والحمـول اثْقـال
..... ومنْك انتي ايصير اول ظهوري وانتصاراتي
أبي كفْ وهدبْ عينْ ونقاوةْ قلب واستبسـال
........ وابيك القائـد الاعلـى لكـل اجْيـوش قواتـي
ابي وقفه من اعْيونك تكفّي عن ميـة رجّـال
...... أبي فزعه وابي نزعه وأغيّر كـل نزعاتـي
وانا اخترتك لأن اسمك يسرّي بي شجون طال
....... يشجعني على العليا واحقّـق كـل طموحاتـي
لانّك رحمة الكافـل بعيـن ايتـام وام اعْيـال
...... ولانّك سطوة القاسي بعيـن ادْمـوع وجناتـي
ولانّي كل ماشفتك عطيـت الحمْـل والحمّـال
...... أهابـك هيبـة العالـم لحزنـي وانفعـالاتـي
أناظر عينك اليمنى واشـوف الليـل والمـوال
.... وأناظر عينك اليسرى أشوف ابشـع نهاياتـي
واضيع اهناك مابين الرموش وبين حبّـة خـال
..... واحب الموت لعيونك وكنْـه اجمـل محطاتـي
أنا جيتك ولع عاشق يدوّر فيـك راحـة بـال
...... ولا فكرت لو لحظـه بجرحـك لـو بأبياتـي
أنا الدمعه وهي دمعه اذا طاحـت وهـي اذلال
...... أمـد الْهـا هـدب عينـي والحّفهـا عباياتـي
واخلّي رمش يحظنها ورمش الْْها يصير اظلال
..... حرام اتموت في عيني وهي رمـز لمعاناتـي
وبعد هذا تجين انتي تسوقين الجروح أشكـال ؟
.....وأنا اللي كنْت احِسْب انّك حلاة الروح في ذاتي؟
أما تخْشين أن يفنـى بفعْلـك شاعـرُ قـد آل
........ بجرحِـك للهلاك أمسـى طريـح الالتفاتاتـي
ألا و يح القلوب اللي تهد ابصـد صـم اجبـال
...... والا و زيحي اذا بارضى هوانـي أو مذلاتـي
تراني ساكت ابْكيفي واذا شفـت المعـدّل مـال
......ابا اغْسل كل مافيني مـن احساسـي بزفراتـي
وابا حرّم على نفسي لو اسْتسلمت لبس اعقـال
....... ولو ما الغيت طاريِّك نهائـي مـن سجلاتـي
وترى اللي فات ذا كلّه مجـرد فلسفـة عقـال
......وانا عاقل واموت ابْرك ولاترخـص قناعاتـي

وسلامتكم
//
\\
//
&‰رِاسـ«الكـrâsmـلمات»ــم‰&
صـافـي النـيـة
[/align]

[جرووبقاياووح]

هلا وغلا باخي راسم نورت القوافي

سلمت يديك النقل الرائع ولاهنت يالغالي

خالص شكري وتقديري ’,,,

[$$عطر الكلام$$]

راسم الكلمات

تسلم على حسن انتقائك

قصيدة رائعة بالفعل

سلمت يمناك على النقل الجميل

ونورت همس القوافي ويارب دوم

دمت على تألقك وعطائك

خالص شكري وتقديري

[راسم الكلمات]

[align=center]
سيدي
(( جرووبقاياووح ))
مرورك اسعدني
وشاكر لك تعطير متصفحي
بجميل كلامك الراقي
ودمت مبدع
//
\\
//
&‰رِاسـ«الكـrâsmـلمات»ــم‰&
صـافـي النـيـة
[/align]

[بعيد الارماس]

والله كلمة شامخه قليله في حقها

قصيده كـ السيل الجارف تهوي على قارئها بقوة أبياتها

صح الله لسان شاعرها ولا عدمنا يمين ناقلها

كل الشكر راسم الكلمات


إحترااامي

[دعاء]

هنااااااااااااا
هنااااااااااااااااااااااااااك

وبكل الاماااااااااااااااكن

استمد الروعة
استمد الذوق
وحسن الاختيار
بين سطورك
استاذي الكريم

&‰رِاسـ«الكـrâsmـلمات»ــم‰&
صـافـي النـيـة




دمت بخير
ودام عطااااااااؤك
وجمال حضورك

هنا
وهناك
فخورة انا بمعرفتك
ايها الغالي

[font=Comic Sans MS]

][®][^][®][دعاء الروح][®][^][®]