|
|
|
||||||||
 |
|
|
LinkBack | أدوات الموضوع | طرق مشاهدة الموضوع |
07-29-2006, 04:08 PM
|
#1 | |
|
|
قلبك شباب وراسك أبيض من الشيب
السلام عليكم ورحمه الله وبركاته
مساكم الله بالخير حبيت لكم هذي النصيحه واخص بها شيبان المنتدى ههههههه اتمنى انها تعجبكم هذا به رجل متوسط العمر بين الخمسين والستين ..كل مانشد احد عن عمره مايعلم ... عنده بنات متزوجات وعياله متزوجين ...وعجوزة كبرت بالسن وصارات ثقيلة في ممشاها وقومتها وكل مانشد عنها قالوا له عند بينتها فلانه وهو علي هالحال ماتجلس في البيت ماغير تنقز من بيت البيت .....الو كاد قفلت مع هالرجال وصار يترزز ويتزين ويروح الصيدلية ويشتري هالك الصبغة الالمانية المسكته ... وهو يشد عمره المهم الرجال وده بالعرس صار كل مانعزم بعرس لبس وتكشخ ويروح عند باب الحريم حتي لو مامعه حريم . ويسال ربعه لي يعرف منكم بنت الحلال يدلني عليها ابيها امثل البشت اللي مصلي فيه جمعة او جمعتين ( يعني ماهي بنت صغيرة ولا حرمه كبيرة متوسطة ) وهذا هو ينشد ويسال وش الحيله وش الدبره ....ويذكر له رفيق حارس مدرسة متزوج هندية قال بروح له غديه يدلني وشلون اخذ هنديه . ولكن مايدري وشلون يفتح الموضوع معه صار كل صبح من الضحويه الا وهو عنده يتقهوه عنده وهالك اليوم وهو ينشده قاله يوم تروح للهند وشلون لقيت هالحرمة هذي ..قاله يارجال المساله توافيق من الله قال وش تهقي لو بغيت أروح للهند كم تبي تكلف الروحه قال يابن الحلال توافيق من الله والا غيري توهق اخذ حرمه وبعد فتره مادري الا انها علي ذمة رجال ثاني وقاله لاتوهق الا بشئ انت متاكد منه وخاصة الديار الاجنبية لاتقربها ...قاله يولد انا رجال مغنيني الله وبخير وبصحة مثل ماتشوف ودي علي ماقيل أكيف طبله الراس ...انا مابي عيال ...أبي حرمة تخدمني وحولي ... وحريم هالدياره مايبغني بيحطون العيوب فيني أبي من برا من الاجناب .. قاله طيب وش السواة والحيلة دبرني قال طيب لو اروح لمصر فاله حتي مصر تعب ماطلعت موافقه ولي ماهي من جلدتك توذيك ..اذا اخذتها تبي تقول كل شوي أبزور أهلي جب خالي جب عمي طلع فيزا لولد أخوي ...الخ قاله مادمك ماتبي عيال ولا انت شره علي الجمال اجل دور في القري لي حولنا غديك تلقي لك حرمة تصلح لك وأصغر منك بكثير بها الاربعين .. قال هاه والله انك صادق .. وصار كل يوم يشغل هالددسن ويتزكرت ويتزين وبشته معه ويصلي كل بمسجد من مساجد القرية ...يوم من الايام وهو يلقي واحد يعرفة مبطي .. يبي يفتح معه الموضوع مايدري وشلون والشايب هذا خبيث ...وهي تطري عليه فكرة . ساله رفيقه قال وش عندك بالقرية هذي قال ..ابد هي من القري القريبة من المدن ...وتخبر انا عندي لي فليله صغيرة ولفليله حليله وانا كنت مأجرها علي شركة والشركة غثيثة ماودك تأجرهم شئ ...وان اطلعهم منها والا وهم مخربين كل شئ فيها ...المهم بعد ماستلمت الفله وانا اكسر كل شئ واجيب كل شئ جديد لالسباكه والكهرباء وانا ازينها واضبطها وضربتها بويه وغدت محكحكة قال خبرك الفله الجديده تبي حرمه جديدة وانا ودي اوسع صدري ...غديك تدوري حرمة حولكم ولك البشارة .. قال ابشر عطني فرصة ....وبعد يومين الا وهالشايب عند رفيقه قال هاه بشر ... قاله والله عندنا حرمه متوسطه بالعمر بالاربعينات ..وماعندها احد عيالها 2 ويدرسون برا الديره ولو تكلمهم مايقصرون ...قال اجل تم وترها تعرف تطبخ تضبط الخبز والكوسه والبيدجان تخليها اربع شلخات كل شلخه طبخه لحالها والله لو تاكل من يدها تقعد الريحه بيدك ثلاث ايام من زين طبخها مافيه مثلها حرمة سنعة ومدبرة وترها مثل التمره اللي طاقتها الشمس للحين طعمها فيها قال خلاص توكل علي الله وانا برجع عقب يومين ... الهم بعد مارجع لديرته لقي واحد من ربعه وعلمه بالسالفه قال له رفيقه هذا ....لاتتوهق تراك شهر شهرين وانت ماغير تطامر عند العطارين ابي عسل ...وتضيع فلوسك وصحتك علي الفياجرا والسنافي .. ان كاني باقي فيك شوي نشاط خله ينقلك للمسجد والا عند ربعك والا خذ لك عمره المهم ماقتنع الشايب قال رفيقه هذه الابيات .. [poem=font="Courier New,4,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"] ياطير شلوي خذ نصيحـة صحبيـك = تقريـب خمـس أبيـات عدن وترتيـب ياشايـب الرحمـن ياكثـر شيبـك = قلبك شباب وراسك أبيض من الشيب قـام يتبـيـن للمزيـيـن عيـبـك = لو أنت طلق حجاج مابك عذاريـب عيبك كبر سنـك معرقـل نصيبـك = مايقبلـك لـو نصيـت الرعابيـب واللي صغير سنها وش تبـي بـك = تبي ولد مزيون وأنتـه تقـل ذيـب الله يخلـي لـك رضيعـه نسيبـك = اللي ترحب بك الي جيت ترحيـب طع شورها وأحفظ فلوسك بجيبـك = وش لك بناس تمحنـك بالمطاليـب يفرض عليك شروط من غير طيبك = ويعذبونـك بالطالـبـات تعـذيـب والي انتهت وسلمـوا لـك حبيبـك = وتم الفرح واستقبلـوك المعازيـب شـد الرحـال يالعـود والله يثيبـك = وأكبر خسارة كان هو دنـق الهيـب يوميـن والثالـث يسـرب سريبـك = وتقوم كرعانـك تطـق العراقيـب عود علـي الملـك القديـم وقلبيـك = عساك تقنع عقـب فتـل الاشانيـب وان كان ماطاوعـت مانـا طبيبـك = قبلك ترى بصري جرى له عواقيب[/poem] تحياتي لكم دمتم شباب وخالين من الشيب وبصحه وعافيه ابو مهند
__________________
[align=center]  تسلم يدك اختي الهنوف على التوقيع :) [/align] dkhan |
|
|
    
|
|
07-31-2006, 12:02 PM
|
#5 | |
|
|
ابو مهند
هلا بالغالي هلا بولد الاصول يعطيك الف عافيه كل شكري وتقديري ,.,.,, |
|
|
|
|
|
08-06-2006, 06:04 PM
|
#8 |
|
|
